ລືກັນອີກ!! ໂຣມາເລັງທາບທາມ ຊາໂກ້ ຮອບທີສອງ

ອາເອັສ ໂຣມາ ສະໂມສອນຊັ້ນນຳແຫ່ງລີກ ກັນໂຊ ຊີຣີ ອາ ພ້ອມເດີນໜ້າຕິດຕໍ່ທາບທາມ ມາມາດູ ຊາໂກ້ ກອງຫຼັງໂຕເກັ່ງຂອງ ລິເວີພູ ທີມຈາກແດນຜູ້ດີເປັນເທື່ອທີສອງເພື່ອຫວັງດຶງໂຕມາຮ່ວມສັງກັດ ຊ່ວງຕະຫຼາດຊື້ຂາຍນັກເຕະເດືອນມັງກອນນີ້ ຈາກການລາຍງານຂອງ “ຄໍຣິເອເຣ ເດວໂລ້ ສະປອດ” ເມື່ອວັນຈັນ 12 ຕຸລາທີ່ຜ່ານມາ.

ເຊື່ອກັນວ່າ “ໝາປ່າແຫ່ງນະຄອນໂຣມ” ເຄີຍຖືກ ລິເວີພູ ປະຕິເສດຂໍ້ສະເໜີຢືມໂຕກອງຫຼັງທີມຊາດຝຣັ່ງ ເມື່ອຊ່ວງພັກລະດູການທີ່ຜ່ານມາ ແລະ ຈາກນັ້ນເຂົາກໍໄດ້ຕໍ່ສັນຍາສະບັບໃໝ່ເພື່ອຢູ່ໃນຖິ່ນ ແອນຟິວ ອອກໄປດ້ວຍ ຢ່າງໃດກໍຕາມ ລ່າສຸດ ລາຍງານລະບຸວ່າ ທີມຂອງ ຣູດີ້ ກາເຊຍ ວາງແຜນຍື່ນຂໍ້ສະເໜີທາບທາມ ມາມາດູ ຊາໂກ້ ຢ່າງເປັນທາງການເປັນຮອບທີສອງເພື່ອຫວັງດຶງໂຕມາເສີມທັບຊ່ວງຕົ້ນປີໜ້າໃຫ້ໄດ້.

ທັງນີ້ ຊາໂກ້ ຍ້າຍຈາກ ປາຣີ ແຊັງ-ແຊັກແມັງ ມາຢູ່ກັບ “ເຄື່ອງຈັກສີແດງ” ດ້ວຍຄ່າໂຕ 18 ລ້ານປອນ ແລະ ລົງສະໜາມໃຫ້ຕົ້ນສັງກັດແລ້ວ 50 ເກມລວມທຸກລາຍການ.

................................................................................................................................................................................