ລືກັນຊະ!!ສະຕີວີຈີລົມເລື່ອງຄຸມທັບຫົງ

 

ໂກ ສື່ລູກໜັງລະບຸວ່າ ສະຕີເວັນ ເຈີຫຼາດ ມິດຟິວວ່າງງານຄົນດັງກຳລັງພິຈາລະນາເພື່ອໄປຮັບງານກັບ ລີເວີພູ ໂດຍເຂົາລະບຸເງື່ອນໄຂວ່າຕ້ອງເປັນຕຳແໜ່ງທີ່ໄດ້ເຮັດວຽກກັບທີມແບບຈິງຈັງ.

 

ສະຕີເວັນ ເຈີຫຼາດ ຕຳນານກັບຕັນທີມຊາດອັງກິດກຳລັງຢູ່ໃນລະຫວ່າງການເຈລະຈາກັບ “ຫົງແດງ” ລີເວີພູ ສະໂມສອນດັງຂອງວົງການ ພຣີເມຍລີກ ອັງກິດ ເພື່ອຮັບງານຜູ້ຈັດການທີມ ຕາມການລາຍງານຂອງ ໂກ ສື່ວົງການລູກໜັງຊື່ດັງເມື່ອວັນພຸດທີ່ຜ່ານມາ.

 

ເຈີຫຼາດ ຫາກໍລາ ລອສແອັງເຈີລິສ ກາແລັກຊີ ສະໂມສອນໃນເວທີ ເມເຈີລີກ ຊັອກເກີ ອາເມລິກາ ຫຼັງຈາກທີ່ຢູ່ກັບທີມໄດ້ປະມານ 2 ລະດູເທົ່ານັ້ນ ໂດຍມີຂ່າວວ່າເຂົາກຳລັງເບິ່ງຫາຄວາມທ້າທາຍໃໝ່ໆ.

 

ທັງນີ້ ໂກ ເຜີຍວ່າອະດີດດາວເຕະທີມຊາດອັງກິດໄດ້ລົມກັບ ອະເລັກ ອິງເກິທອບ ຫົວໜ້າຝ່າຍອະຄາເດມີຂອງ ລີເວີພູ ກ່ຽວກັບຄວາມເປັນໄປໄດ້ໃນການກັບໄປເຮັດວຽກໃນຖິ່ນ ແອນຟິວ ແລ້ວແຕ່ຈະຮັບງານທີ່ນັ້ນຕໍ່ເມື່ອໄດ້ຕຳແໜ່ງທີ່ມີຕົວຕົນເປັນຈິງເປັນຈັງເທົ່ານັ້ນ ບໍ່ແມ່ນຕຳແໜ່ທີ່ຄືເປັນພຽງແຕ່ສັນຍາລັກຂອງສະໂມສອນ.

 

ສື່ເຈົ້າເກົ່າຍັງເສີມວ່າການເຈລະຈາຄືບໜ້າໄປໄດ້ຫຼາຍແລ້ວໂດຍທີ່ ລີເວີພູ ຫວັງວ່າຕຳນານມິດຟິວຂອງທີມຈະໃຊ້ປະສົບການທີ່ມີໃນການຊ່ວຍພັດທະນານັກເຕະລຸ້ນໃໝ່ໄດ້.

 

ໂກ ລະບຸອີກວ່າ ເຈີຫຼາດ ໄດ້ຮັບຂໍ້ສະເໜີອີກຫຼາຍຂໍ້ສະເໜີເຊັ່ນການໄປຫຼິ້ກັບທີມໆໜຶ່ງທີ່ໃຫ້ສັນຍາ 18 ເດືອນ ແລະ ຂໍ້ສະເໜີຈາກສະມາຄົມບານເຕະອັງກິດເປັນຕົ້ນ.