ລື!! ງູໃຫຍ່ ທາມດຶງ ເຄນ ເສີມຄົມ

ສື່ຂ່າວຈາກເມືອງຜູ້ດີເປີດເຜີຍ “ງູໃຫຍ່” ອິນເຕີ ມິລານ ລັກທາມ ສະເປີ ຫວັງທີ່ຈະດຶງ ແຮຣີ ເຄນ ຫົວຫອກຕີນຄົມມາຮ່ວມທັບ ແຕ່ຄາດທັງໂຕນັກເຕະ ແລະ ຕົ້ນສັງກັດຍັງບໍ່ຄິດທີ່ຈະແຍກທາງກັນຕອນນີ້.

ອິນເຕີ ມິລານ ສະໂມສອນຍັກໃຫຍ່ຈາກ ກັນໂຊ ຊີຣີ ອາ ໄດ້ຕິດຕໍ່ສອບຖາມໄປທີ່ ທັອດແນມ ຮອດສະເປີ ສະໂມສອນດັງຈາກ ພຣີເມຍລີກ ອັງກິດ ຮຽບຮ້ອຍແລ້ວ ເຖິງຄວາມເປັນໄປໄດ້ໃນການດຶງໂຕ ແຮຣີ ເຄນ ກອງໜ້າເລືອດຜູ້ດີມາເສີມທັບຕາມການລາຍງານຈາກ ລອນດອນ ອິຟນິງ ສະແຕນດາດ ສື່ຊັ້ນນຳຈາກເມືອງຜູ້ດີ ເມື່ອວັນພະຫັດທີ 17 ທັນວາທີ່ຜ່ານມາ.

ລະດູການນີ້ ເຄນ ຍັງເຮັດຜົນງານໄດ້ດີໂດຍທີ່ຍິງໄປແລ້ວ 13 ປະຕູ ຈາກການລົງຫຼິ້ນໃຫ້ “ໄກ່ເດຍຄຳ” ລວມທຸກລາຍການ 21 ນັດ ແລະ ລ່າສຸດ ລອນດອນ ອິຟນິງ ສະແຕນດາດ ລະບຸວ່າ “ງູໃຫຍ່” ໄດ້ໃຊ້ຄົນກາງຕິດຕໍ່ໄປທີ່ ສະເປີ ຮຽບຮ້ອຍ ເພື່ອສອບຖາມເຖິງໂອກາດໃນການດຶງໂຕດາວຍິງທີມຊາດ ອັງກິດ ອາຍຸ 22 ປີມາຢູ່ໃນຖິ່ນ ຈູເຊບເປ ເມອັດຊາ

ຢ່າງໃດກໍຕາມ ສື່ເກົ່າເຊື່ອວ່າ ເຄນ ແລະ ສະເປີ ຕາງກໍບໍ່ມີຄວາມສົນໃຈທີ່ຈະເຮັດສັນຍາກັບ ອິນເຕີ ຊ່ວງນີ້ແຄ່ກໍມີຄວາມເປັນໄປໄດ້ສູງທີ່ ສະເປີ ຈະຍອມປ່ອຍ ເຄນ ໄປລີກຕ່າງແດນຫຼາຍກວ່າໃຫ້ທີມຄູ່ແຂ່ງໃນ ພຣີເມຍລີກ ຖ້າວ່ານັກເຕະເອງຕ້ອງການທີ່ຈະອຳລາຖິ່ນ ໄວ ຮາດເລນ ແທ້ໆ.

..........................................................................................................................................................