ລື!!ເປເອັດເຊທຸ່ມ 40 ລ້ານປອນລ່າໂຕລັນລານາ

 

ປາຣີ ແຊັງ-ແຊັກແມັງ ຕົກເປັນຂ່າວວ່າພ້ອມທຸ່ມ 40 ລ້ານປອນດຶງ ອະດຳ ລັນລານາ ກອງກາງຂອງ ລີເວີພູ ມາເສີມທັບໃນຊ່ວງປີໃໝ່ນີ້ ແລະ ສະເໜີຄ່າເມື່ອຍໃຫ້ເຖິງ 200,000 ປອນຕໍ່ອາທິດ ຫຼັງຈາກທີ່ນັກເຕະໂຊຟອມໄດ້ສຸດເທບໃນຊ່ວງທີ່ຜ່ານມາ.

 

ປາຣີ ແຊັງ-ແຊັກແມັງ ສະໂມສອນມະຫາເສດຖີຂອງ ລີກແອັງ ຝຣັ່ງຕົກເປັນຂ່າວວ່າພ້ອມທີ່ຈະຍື່ນຂໍ້ສະເໜີເຖິງ 40 ລ້ານປອນເພື່ອຂໍຊື້ ອະດຳ ລັນລານາ ມິດຟິວຂອງ “ຫົງແດງ” ລີເວີພູ ສະໂມສອນຍັກໃຫຍ່ຂອງ ພຣີເມຍລີກ ມາເສີມທັບໃນຊ່ວງເດືອນມັງກອນນີ້ ຈາກການລາຍງານເມື່ອວັນອາທິດທີ່ຜ່ານມາ.

 

ເປເອັດເຊ ເບິ່ງວ່າ ລັນລານາ ເປັນນັກເຕະອັງກິດທີ່ດີທີ່ສຸດໃນ ພຣີເມຍລີກ ແລະ ບໍ່ສົນໃຈກັບເລື່ອງທີ່ວ່ານັກເຕະອາຍຸ 29 ປີໃນເດືອນພຶດສະພາປີໜ້າ ໂດຍແຊມລີກຝຣັ່ງພ້ອມທີ່ຈະສະເໜີຄ່າເມື່ອຍໃຫ້ກັບອະດີດນັກເຕະ ເຊົາແຮມຕັນ ເຖິງ 200,000 ປອນຕໍ່ອາທິດເຊິ່ງອາດຈະເຮັດໃຫ້ເຂົາບໍ່ສາມາດທີ່ຈະປະຕິເສດການຍ້າຍໄປຫຼິ້ນໃນແດນນຳ້ຫອມໄດ້.

 

 

ບົດຄວາມໃຫມ່ໆ