ລື!!ສະໄນເດີຕິດຕໍ່ເອຊີເລື່ອງຍ້າຍທີມ

 

ສື່ກະໂລນີຕີຂ່າວ ເວສລີ ສະໄນເດີ ມິດຟິວໂຕເກົ໋າຂອງ ກາລາຕາຊາລາຍ ຢາກຈະກັບມາຟາດແຄ່ງທີ່ອີຕາລີອີກຮອບໂດຍການຕິດຕໍ່ ເອຊີ ມິລານ ເລື່ອງຍ້າຍທີມ ຫຼັງຈາກທີ່ເປົ້າໝາຍທຳອິດຄື ອິນເຕີ ມິລານ ຕົ້ນສັງກັດເກົ່າເບິ່ງຄືບໍ່ສົນໃຈເອົາເຂົາກັບໄປຫຼິ້ນອີກຄັ້ງ.

 

“ສະປອດມີເດຍເຊັດ” ສື່ຊື່ດັງຂອງອີຕາລີລາຍງານຂ່າວວ່າ ເວສລີ ສະໄນເດີ ກອງກາງໂຕບຸກຂອງ ກາລາຕາຊາລາຍ ທີມດັງຈາກແດນໄກ່ງວງຕຸລະກີໄດ້ຕິດຕໍ່ກັບ ເອຊີ ມິລານ ທີມດັງຂອງເວທີ ກັນໂຊ ຊີຣີ ອາ ກ່ຽວກັບຄວາມເປັນໄປໄດ້ໃນການຍ້າຍມາຫຼິ້ນໃນຖິ່ນ ຊານ ຊີໂຣ.

 

ເມື່ອເດືອນມິຖຸນາທີ່ຜ່ານມາສື່ໃນແດນກະໂລນີອ້າງວ່າດາວເຕະເລືອດດັດຊ໌ຢາກກັບມາຫຼິ້ນໃຫ້ກັບ ອິນເຕີ ມິລານ ແຕ່ເປັນທີ່ເຂົ້າໃຈວ່າເຂົາບໍ່ເຂົ້າກັບແຜນການເຮັດທີມຂອງ “ເນຣັດຊູຣີ” ອີກຕໍ່ໄປແລ້ວຖ້າຫາກຍ້າຍມາຢູ່ນຳແທ້ ຈົນຫຼ້າສຸດມີລາຍງານຈາກ “ສະປອດມີເດຍເຊັດ” ວ່າອະດີດາວດາວເຕະຂອງ ເຣອັນ ມາດຣິດ ຫັນໄປຕິດຕໍ່ກັບ “ຣອສໂຊເນຣີ” ເລື່ອງການຍ້າຍໄປຮ່ວມທັບແທນ.

 

ທັງນີ້ເຊື່ອກັນວ່າ “ຜີສາດແດງ-ດຳ” ຕ້ອງການນັກເຕະຕຳແໜ່ງເພເມກເກີຕົວໃໝ່ເພື່ອນາຍໃຫຍ່ຄົນໃໝ່ຄື ວິນເຊັນໂຊ ມອນເຕວລາ ແລະ ສະໄນເດີ ທີ່ຍັງເຫຼືອສັນຍາກັບຕົ້ນສັງກັດເຖິງເດືອນມິຖຸນາປີ 2018 ອາດຈະເປັນນັກເຕະທີ່ເໝາະສົມ ຢ່າງໃດກໍຕາມທາງ ກາລາຕາຊາລາຍ ກໍອາດຈະຕັດສິນໃຈບໍ່ປ່ອຍນັກເຕະ.