ລື!!! ກິກ ກຽມລາຜີຄຸມເຊວຕິກ

 

ເບັດແຟ ບ່ອນຮັບການພະນັນຖືກກົດໝາຍແຫ່ງໜຶ່ງ ເຜີຍວ່າ ໄຣອັນ ກິກ ມືຂວາຂອງ ຫຼຸຍ ຟານກາວ ນາຍໃຫຍ່ ແມນເຊສເຕີ ຢູໄນເຕັດ ໃກ້ຈະໄດ້ໄປຄຸມ ເຊວຕິກ ຫຼັງບໍ່ໄດ້ມາຢູ່ກັບທີມໃນເກມຊະນະ ສະໂຕກ ແຕ່ ດິ ອິນດີເພັນເດັນ ກັບ ເດີ ມິນເລີ ບອກວ່າ ກິກ ໄປຢູ່ກັບສະມາຊິກໃນຄອບຄົວທີ່ມີອາການປ່ວຍເທົ່ານັ້ນ.

 

ໄຣອັນ ກິກ ຜູ້ຊ່ວຍຜູ້ຈັດການທີມ ແມນຢູ ສະໂມສອນຍັກໃຫຍ່ຈາກ ພຣີເມຍລີກ ອັງກິດ ກຽມທີ່ຈະໄດ້ຮັບງານເປັນນາຍໃຫຍ່ຄົນໃໝ່ຂອງ ກລາສໂກ ເຊວຕິກ ທີມດັງຈາກ ສະກອດຕິດ ຕາມການລາຍງານຈາກແອັດເຄົາທະວິດເຕີຂອງ ເບັດແຟ ບ່ອນພະນັນຖືກກົດໝາຍໃນຜູ້ດີ.

 

ໃນເກມລີກນັດ ຜີສາດແດງ ເປີດຮັງເອົາຊະນະ ສະໂຕກ ເມື່ອວັນອັງຄານທີ່ຜ່ານມານັ້ນ ກິກ ບໍ່ໄດ້ຢູ່ທີ່ຕັ່ງສຳຮອງຂອງທີມຄືກັບທຸກເທື່ອ ຈົນເຮັດໃຫ້ເກີດຂ່າວດັ່ງກ່າວຂຶ້ນ ເຊິ່ງຖ້າເປັນຄວາມຈິງນັ້ນກໍໝາຍຄວາມວ່າເຂົາໄດ້ຮັບການແຈ້ງແລ້ວວ່າຈະບໍ່ໄດ້ຄຸມ ແມນຢູ ແນ່ນອນຖ້າທີມແຍກທາງກັບ ຫຼຸຍ ຟານກາວ.

 

ຢ່າງໃດກໍຕາມ ດິ ອິນດິເພັນເດັນ ແລະ ເດິ ມິນເລີ ສອງສື່ດັງຈາກເກາະອັງກິດຕີຂ່າວວ່າ ກິກ ບໍ່ໄດ້ກຽມຈະໄປຄຸຸມ ເຊວຕິກ ແຕ່ຢ່າງໃດ ສ່ວນທີ່ບໍ່ໄດ້ມາຢູ່ກັບທີມໃນເກມຊະນະ ສະໂຕກ ເປັນຍ້ອນສະມາຊິກໃນຄອບຄົວຂອງເຂົາບໍ່ສະບາຍໂດຍທີ່ ຟານກາວ ກໍເປັນຄົນອະນຸຍາດໃຫ້ອະດິດດາວເຕະຂອງທີມໄປຢູ່ກັບຄອບຄົວເອງດ້ວຍ.