ລີວິວ Huawei P20 ສະມາດໂຟນເກັ່ງຮອບດ້ານລາຄາສຸດຄຸ້ມ

ເຖິງວ່າການມາເຖິງຂອງ Huawei P20 ຮອບນີ້ອາດຈະຖືກກະແສ Huawei P20 Pro ທີ່ຍົກກ້ອງ Leica ຊຸດໃຫມ່ລະບົບ 3ເລນສຊູມໄດ້ 3ເທົ່າ ຈົນເຮັດໃຫ້ຫລາຍທ່ານລືມ Huawei P20 ໄປແດ່, ແຕ່ຫລັງຈາກທີ່ເຮົາໄດ້ໃຊ້ Huawei P20 ເປັນສະມາດໂຟນເຄື່ອງຫລັກໃນຊີວິດປະຈຳວັນ ເຮົາຈຶ່ງເຫັນວ່າ P20 ກໍ່ເປັນສະມາດໂຟນ flagship ທີ່ມີຄວາມສາມາດຄົບຮອບດ້ານໃນລາຄາພຽງ 5,190,000 ກີບ, ລາຄານີ້ອາດເຮັດໃຫ້ທ່ານຕັດສິນໃຈໄດ້ງ່າຍຂຶ້ນກວ່າເກົ່າ ແລະ ນີ້ຄືປະເດັນທີ່ເຮົາຢາກຈະມາເລົ່າຈາກການໃຊ້ງານແທ້.

1. Huawei P20 ໜ້າຈໍດີເລີດ

ແນ່ນອນວ່າເຮົາຮູ້ມາຕັ້ງແຕ່ກ່ອນລີວິວແລ້ວວ່າ Huawei P20 ນັ້ນໃຊ້ໜ້າຈໍ LED ແບບ RGBW ຂະໜາດ 5.8ນິ້ວ ສັດສ່ວນ 18:9 ຄວາມລະອຽດ 2244 x 1080 pixel ແຕ່ເວລາໃຊ້ແທ້ເຮົາກໍ່ແປກໃຈຢູ່ຫລາຍຄັ້ງວ່ານີ້ແມ່ນຈໍ LEDແທ້ຫວາ ເພາະເປັນຈໍທີ່ໃຊ້ Contrast ສີມາດີຫລາຍ    ສ່ວນສີດຳມືດລົງໄປເລີຍ ໂຕເຄື່ອງກໍ່ໜາກຳລັງພໍດີ ມີນ້ຳໜັກເບົາ ແລະ ທຸກຄັ້ງທີ່ຈັບຖືອອກມາຈະຮູ້ສຶກວ່າເປັນສະມາດໂຟນທີ່ກະຊັບມື.

ນອກຈາກນີ້ Huawei P20 ຍັງສາມາດປັບແຕ່ງສີສັນຂອງຈໍໄດ້ອີກຫລາຍ ຜູ້ໃຊ້ສາມາດເລືອກໃຊ້ໄດ້ບໍ່ວ່າຈະສະແດງສີສັນປົກກະຕິສະບາຍຕາ ຫລື ເລັ່ງສີໃຫ້ສົດ (Vivid) ກໍ່ໄດ້ ນອກຈາກນີ້ຍັງສາມາດເປີດໂໝດ Natural Tone ເພື່ອປັບໂທນສີໜ້າຈໍໃຫ້ເໝາະສຳລັບສະພາບແວດລ້ອມ ຊ່ວຍໃຫ້ຮູ້ສຶກວ່າຈໍເປັນທຳມະຊາດກັບສະພາບແສງໃນຕອນນັ້ນຫລາຍຂຶ້ນ ແລະ ແນ່ນອນວ່າຍັງມີໂຫມດ Eye Comfort     ສຳລັບຕັດແສງສີຟ້າເພື່ອໃຫ້ສະບາຍຕາເວລາໃຊ້ຕອນກາງຄືນນຳອີກ

ດ້ວຍຄວາມທີ່ຈໍຂອງ Huawei P20 ເປັນແບບ Fullview ເຮັດໃຫ້ການໃຊ້ງານເບິ່ງເຕັມຕາຫລາຍຂຶ້ນ,        ເຖິງວ່າຕອນທຳອິດເຮົາຈະບໍ່ມັກຂອບຈໍທີ່ມີຮອຍແຫວ່ງດ້ານເທິງເລີຍ ແຕ່ Huawei ກໍ່ອອກແບບການໃຊ້ງານມາດີພໍທີ່ຈະບໍ່ຮູ້ສຶກລຳຄານຮ່ອຍແຫວ່ງດ້ານເທິ່ງນີ້ ເພາະເວລາເບິ່ງວິດີໂອຂອບດ້ານເທິງນີ້ກໍ່ຈະດຳໄປຄືຂອບຈໍປົກກະຕິເລີຍ ຈະບໍ່ເປັນແບບແຫວ່ງໃຫ້ເຮົາລຳຄານຕາ ສ່ວນເວລາໃຊ້ງານແອັບອື່ນໆກໍ່ມີການດັນ  Notification Bar ຂຶ້ນໄປຢູ່ໃນບໍລິເວນຂ້າງຮອຍແຫວ່ງເຮັດໃຫ້ເຮົາມີພື້ນທີ່ເບິ່ງເນື້ອຫາໄດ້ຫລາຍຂຶ້ນ ຈຶ່ງເປັນທີ່ມາຂອງຄວາມຮູ້ສຶກເຕັມຕາເວລາໃຊ້ງານ ແຕ່ຖ້າໃຜທີ່ບໍ່ມັກຮອຍແຫວ່ງດ້ານເທິງນີ້ແທ້ໆ ກໍ່ສາມາດສັ່ງປິດໄດ້ໃນ Settings ຂອງເຄື່ອງ

 

2. ການສັ່ງງານ Huawei P20 ດ້ວຍປຸ່ມ Home ມັນເລີດແທ້ໆ

ການອອກແບບຂອງ Huawei P20 ນັ້ນມີປຸ່ມໂຮມຢູ່ດ້ານໜ້າ ເຊິ່ງສະຫນັບສະຫນູນການເຮັດວຽກໄດ້ເປັນຢ່າງດີ ຄືມັນສາມາດໃຊ້ສະແກນລາຍນິ້ວມືໄດ້ຢ່າງແມ້ນຢຳ ແຖມຍັງສາມາດໃຊ້ແທນປຸ່ມ Navigation ພວກ Back, Home, Recent App ໄດ້ທັງໝົດ ໂດຍແຕະ 1ຄັ້ງແທນການກົດ Back, ແຕະຄ້າງແທນກົດ Home ແລະ ລາກຈາກຊ້າຍຫລືຂວາແທນ Recent App ເຊິ່ງຖ້າເຮົາເລືອກໃຊ້ປຸ່ມໂຮມແທນປຸ່ມ Navigation ທັງຫມົດ ໜ້າຈໍກໍ່ຈະຍິ່ງເຕັມຕາຍິ່ງຂຶ້ນ ບໍ່ມີປຸ່ມ back, home, recent ມາຢູ່ເທິງຈໍແລ້ວ ຖືເປັນປະສົບການໃຊ້ສະມາດໂຟນທີ່ດີເລີດເລີຍ.

ແຕ່ຖ້າໃຜບໍ່ລຶ້ງກັບການໃຊ້ປຸ່ມໂຮມສັ່ງງານທັງຫມົດ ກໍ່ສາມາດເລືອກໃຫ້ປຸ່ມ Back, Home, Recent App ຢູ່ເທິງໜ້າຈໍກໍ່ໄດ້ ຫລືຈະສະແດງເປັນ Navigation Bar ແລ້ວໃຊ້ນິ້ວແຕະສັ່ງງານໄປມາເທິງຈໍກໍ່ໄດ້ ຫົວເຫວີຍເພິ່ນມີທາງເລືອກໃຫ້ເຮົາໄດ້ຫລາກຫລາຍ

 

3. ການອອກແບບໂຕເຄື່ອງ Huawei P20 ໂດດເດັ່ນ ຈັບຖະຫນັດມື

ການອອກແບບຂອງ Huawei P20 ນັ້ນປັບປຸງຂຶ້ນມາຈາກ P9 ແລະ  P10 ຫລາຍ ດ້ວຍການໃຊ້ວັດສະດຸດ້ານຫລັງເປັນແວ່ນເຮັດໃຫ້ການເຮັດສີໄດ້ສົດໃສ ແລະ ແຕກຕ່າງຈາກສະມາດໂຟນລຸ້ນອື່ນໆໃນຕະຫລາດ, ນອກຈາກນີ້ການວາງໂລໂກ້ແບບໃຫມ່ຂອງ Huawei ດ້ານຫລັງເຄື່ອງທີ່ວາງບ່ອນມຸມເຄື່ອງໃນແນວນອນ ກໍ່ເປັນຕຳແໜ່ງທີ່ແປກຕາແລະເຫັນໄດ້ຊັດເຈນເວລາຖືເຄື່ອງມາຖ່າຍຮູບ ຂອບຂອງເຄື່ອງກໍ່ໂຄ້ງມົນ ຈັບແລ້ວບໍ່ເຈັບມື ເຮົາຈຶ່ງຖືວ່າ P20 ເປັນສະມາດໂຟນທີ່ງາມແລະ ຫລູຫລາທີ່ສຸດລຸ້ນໜຶ່ງໃນຕະຫລາດຕອນນີ້ເລີຍ

4. ແບດເຕີລີ້  Huawei P20 ໃຊ້ທົນຫມົດມື້

ດ້ວຍຄວາມທີ່ P20 ເປັນສະມາດໂຟນລຸ້ນ flagship ຈຶ່ງສາມາດໃສ່ແບັດເຕີລີ້ໄດ້ທີ່ຄວາມຈຸ 3400 mAh ແຕ່ຄວາມພິເສດຂອງ  EMUI 8.1 ກັບ Android 8.1 ເຮັດໃຫ້ສາມາດຈັດການແບັດເຕີລີ້ໄດ້ດີ ສາມາດໃຊ້ງານທົ່ວໄປ ໂທລະສັບ, ເຟສບຸກ, ວ໋ອດແອັບ, ຫລິ້ນໄດ້ຫມົດມື້ສະບາຍໆ. ສ່ວນການສາກແບັດ ກໍ່ສາມາດສາກໄຟໄດ້ຢ່າງວ່ອງໄວດ້ວຍອະແດັບເຕີ້ແບບ SuperCharge ຂອງຫົວເຫວີຍ

5.  ເລື່ອງສຽງເລື່ອງໃຫຍ່

ເຖິງແມ່ນວ່າລຳໂພງທີ່ໂຕເຄື່ອງ Huawei P20 ຈະມີແຕ່ລຳໂພງດ້ານລຸ່ມຢ່າງດຽວກໍ່ຕາມ ແລະ ບໍ່ມີຊິບປະມວນຜົນເລື່ອງສຽງທີ່ມີຊື່ສຽງອີຫຍັງ, ແຕ່ກໍ່ໃຫ້ສຽງໄດ້ດັງດີ ແລະ ຟັງຊັ່ນສະຫນັບສະໜູນເລື່ອງສຽງນັ້ນກໍ່ມີຫລາຍພໍສົມຄວນ ໂດຍລະບົບປະມວນສຽງຫລັກຂອງເຄື່ອງນັ້ນເປັນ  Dolby Atmos ທີ່ຈະເປີດຕະຫລອດເວລາທີ່ໃຊ້ລຳໂພງຂອງເຄື່ອງ ແຕ່ສາມາດເລືອກປິດໄດ້ ເວລາຟັງເພງຈາກຫູຟັງ (ແຕ່P20 ບໍ່ມີຮູສຽບຫູຟັງ 3.5 mm ແລ້ວເດີ້ ຕ້ອງໃຊ້ຫົວແປງ USB-C ເປັນ 3.5 mm ) ເຊິ່ງເວລາເປີດ Dolby Atmos ຈະໃຫ້ສຽງທີ່ກັງວານຂຶ້ນ Sound Stage ກວ້າງຂຶ້ນ, ມິຕິຂອງສຽງດີຂຶ້ນ ແຕ່ບໍ່ເຮັດໃຫ້ສຽງປ່ຽນແປງໄປຈາກເດີມຫລາຍ ກໍ່ແນະນຳໃຫ້ເປີດໄວ້ຕະຫລອດຈະດີກວ່າ  

ຄວາມສາມາດທີ່ຄໍເພງໜ້າຈະມັກຫລາຍກໍ່ຄື Huawei P20 ຮອງຮັບ Codec ສຽງຜ່ານ  Bluetooth ທັງ aptX HD, LDAC, AAC ລວມໄປຮອດມາດຕະຖານໃຫມ່ຢ່າງ HWA (Hi-res Wireless Audio)

6. ປະສິດທິພາບ Huawei P20 ໄວລະດັບທ໋ອບ  

Huawei P20 ແມ່ນໃຊ້ຊິບ Kirin 970 octa-core, 4 x Cortex A73 2.36 GHz + 4 x Cortex A53 1.8 GHz ເຊິ່ງເປັນຊິບທີ່ມີປະສິດທິພາບສູງສຸດຂອງ Huawei ໃນຕອນນີ້ ເປັນໂຕດຽວກັນທີ່ໃຊ້ໃນ P20 Pro ແລະ Mate 10 Pro) ໂດຍມີ RAM 4 GB ແລະ  ROM 128 GB ເຊິ່ງປະສິດທິພາບເຄື່ອງໃນຊ່ວງໃຊ້ໃຫມ່ໆ ເຄື່ອງຈະຮູ້ສຶກອືດແດ່ ເພາະມັນເປັນຊ່ວງທີ່ AI ໃນເຄື່ອງກຳລັງຮຽນຮູ້ລັກສະນະການໃຊ້ງານຂອງເຮົາ ແຕ່ຫລັງຈາກທີ່ຜ່ານຊ່ວງນີ້ມາໄດ້ ເຄື່ອງກໍ່ຈະປະຕິບັດໄດ້ດີຂຶ້ນ ຮອງຮັບການໃຊ້ງານທຸກຢ່າງໄດ້ສບາຍ  

ສ່ວນການຫລິ້ນເກມ ກໍ່ຕ້ອງບອກວ່າແລ້ວແຕ່ເກມວ່າໄດ້ຮັບການປັບແຕ່ງໃຫ້ເຂົ້າກັບຊິບປະມວນຜົນ Kirin ຫລາຍປານໃດ, ຕົວຢ່າງເກມ RoV ກໍ່ຫລິ້ນໄດ້ສະບາຍເລີຍ ພຽງແຕ່ວ່າບາງຕອນທີ່ມີເອັຟເຟັກຫລາຍໆ ມີຄວາມວຸ້ນວາຍໃນສາກຫລາຍ ກໍ່ອາດຈະມີອືດແດ່ເລັກນ້ອຍ ແຕ່ກໍ່ຕ້ອງຖ້າຜູ້ພັດທະນາປັບປຸງກັນຕໍ່ໄປ  

ຜົນການກວດສອບປະສິດທິພາບຂອງ Kirin 970 ຈາກແອປ Geekbench 4.2 ນັ້ນໄດ້ຄະແນນ Multi-core ເກືອບ 6600 ຄະແນນ ກໍ່ເປັນຄະແນນທີ່ສູງກວ່າສະມາດໂຟນທີ່ໃຊ້ຊິບເຊັດ Snapdragon 835 ຄວາມພິເສດຂອງ Kirin 970 ນັ້ນຢູ່ທີ່ມີໜ່ວຍປະມວນຜົນປັນຍາປະດິດ ຫລື NPU ຢູ່ໃນໂຕ ເຊິ່ງຈະໃຊ້ງານໜັກໆ ໃນແອັບກ້ອງທີ່ມີການໃຊ້ AI ຊ່ວຍໃນການຖ່າຍຮູບພາບໄດ້ຫລາຍເລີຍແຫລະ ລວມຮອດແອັບອື່ນໆ ເຊັ່ນແອັບແປພາສາ NPUຊ່ວຍໃຫ້ເຮັດວຽກໄດ້ໄວຂຶ້ນ  

ສຳລັບລູກຄ້າທ່ານໃດທີ່ສົນໃຈຢາກສັ່ງຈອງ Huawei P20 ຫລື P20Pro ທ່ານສາມາດສຶກສາຂໍ້ແຕກຕ່າງກັນ ແລ້ວຄ່ອຍຕັດສິນໃຈກໍ່ໄດ້ ລາຍລະອຽດດ້ານລຸ່ມນີ້ເລີຍ :​

ສັ່ງຈອງ Huawei P20 (4GB+ 128 GB) ລາຄາ : 5,190,000 ກີບ ສີໃຫ້ທ່ານເລືອກ : 1. Midnight Blue, 2. Black ແລະ ຮັບເຄື່ອງ: ວັນທີ 12 ພຶດສະພາ 2018

Huawei P20Pro (6GB+ 128 GB) : 6,790,000 ກີບ ສີໃຫ້ທ່ານເລືອກ : 1. Twilight (Limited) 2.Midnight Blue 3. Black ແລະ ຮັບເຄື່ອງ: ວັນທີ 18 ພຶດສະພາ 2018

ພ້ອມ Premium Gift ສຸດເລີດ : ຊິງສັ່ງນ້ຳໜັກອັດສະລິຍະ ແລະ ກີຟບ໋ອກ(ພາວເວີແບ໋ງ, ສາຍຢູເອສບີ ແລະໄມ້ເຊວຟີ້) ລວມມູນຄ່າ : 1,100,000 ກີບ .​

 

ເພີ້ມເຕີມ:

Huawei P20 -->https://goo.gl/JzVGPk
Huawei P20 Pro -->https://goo.gl/T6mRbm