ລີກຜູ້ດີມີເຮ!! ຮັກສາຕົ໋ວ ຊປລ 4 ທີມຫຼັງ ມ້າລາຍ ຕົກຮອບ

 

ສະໂມສອນໃນ ພຣີເມຍລີກ ຕ້ອງສົ່ງສຽງໄປຂອບໃຈ ບາເຢິນ ມິວນິກ ທີ່ເຂ່ຍ ຢູເວັນຕຸດ ຕົກຮອບ ແຊມປຽນລີກ ສົ່ງຜົນໃຫ້ແດນຜູ້ດີຍັງໄດ້ໂຄຕ້າໃນລະດູການ 2017-2018 ສີ່ທີມຄືເກົ່າ.

 

ພຣີເມຍລີກ ອັງກິດ ຍັງໄດ້ໂຄຕາໄປລຸຍບານ ແຊມປຽນລີກ 4 ທີມຄືເກົ່າໃນລະດູການ 2017-2018 ຫຼັງຈາກທີ່ ບາເຢິນ ມິວນິກ ເຂ່ຍ ຢູເວັນຕຸດ ຍັກໃຫຍ່ຈາກອີຕາລີຕົກຮອບ 16 ທີມສຸດທ້າຍໃນບານຖ້ວຍຂອງເອີຣົບເຮັດໃຫ້ ກັນໂຊ ຊີຣີ ອາ ໝົດສິດເຮັດຄະແນນສຳປະສິດໄລ່ທັນລີກຜູ້ດີແນ່ນອນແລ້ວ.

ກ່ອນໜ້າເປີດລະດູການນີ້ມີຫວັ່ນກັນວ່າອີຕາລີຈະແຊງອັງກິດຂຶ້ນໄປຢູ່ອັນດັບສາມຂອງຕາຕາລາງຄະແນນສຳປະສິດເຊິ່ງເປັນໂຄຕາສຸດທ້າຍທີ່ຈະໄດ້ 4 ທີມໄປລຸຍ ແຊມປຽນລີກ ຢ່າງໃດກໍຕາມເວລານີ້ອີຕາລີເຫຼືອພຽງ ລາຊິໂອ ທີ່ຍັງຢູ່ໃນຖ້ວຍ ຢູໂຣປາ ລີກ ແລະ ເຖິງວ່າໄດ້ແຊມທີ່ຈະໄດ້ຄ່າສຳປະສິດເພີ່ມ 2.5 ຄະແນນກໍຍັງໄລ່ບໍ່ທັນອັງກິດຢູ່ດີ.

 

ອັນດັບຄະແນນສຳປະສິດຂອງ ຢູຟາ ໃນເວລານີ້.

 

  1. ສະເປນ 98,856 ຄະແນນ
  2. ເຢຍລະມັນ 77,749 ຄະແນນ
  3. ອັງກິດ 74,284 ຄະແນນ
  4. ອີຕາລີ 70, 439 ຄະແນນ