ລິມປິງ ຊຸບເປີມາເກັດ ທີ່ໃຫຍ່ສຸດຈາກຊຽງໃໝ່ ໄດ້ຂະຫຍາຍສາຂາຢູ່ນະຄອນຫຼວງວຽງຈັນ

ລິມປິງຊຸບເປີມາເກັດ ພ້ອມແລ້ວທີ່ຈະໃຫ້ຊາວນະຄອນຫຼວງວຽງຈັນ ແລະ ບັນດາແຂວງທີ່ໃກ້ຄຽງໄດ້ສຳຜັດບັນຍາກາດຊຸບເປີມາເກັດຢ່າງເຕັມຮູບແບບ, ພິທີເປີດ ລິມປິງ ຊຸບເປີມາເກັດ ທີ່ໃຫຍ່ສຸດຈາກຊຽງໃໝ່ ໄດ້ມາເປີດສາຂາທຳອິດໃນ ສປປ ລາວ ໃນວັນທີ 12 ທັນວາ 2015 ນີ້, ທີ່ນະຄອນຫຼວງວຽງຈັນ ໂດຍການເປັນປະທານຮ່ວມຂອງທ່ານນາງ ເຂັມມະນີ ພົນເສນາ ລັດຖະມົນຕີວ່າການກະຊວງອຸດສາຫະກຳ ແລະ ການຄ້າ, ທ່ານ ວິຊະນຸ ຈັນວິທັນ ອະດີດເອກອັກຄະລັດຖະທູດໄທ ປະຈຳລາວ, ທ່ານ ໄພໂລດ ພັດສອນພິນໂຍສຸນ ກຳມະການລິມປິງ ຊຸບເປີມາເກັດ ປະຈຳລາວ ແລະ ພາກສ່ວນກ່ຽວຂ້ອງ, ແຂກທີ່ເຊີນເຂົ້າຮ່ວມເປັນຈໍານວນຫຼາຍ.


ທ່ານ ນະຣົງ ຕະນະນຸວັດ ຜູ້ອຳນວຍການ ລິມປິງ ຊຸບເປີມາເກັດ ກ່າວວ່າ: ຈຸດປະສົງຂອງການເປີດລິມປິງຊຸບເປີມາເກັດ ໃນນະຄອນຫຼວງວຽງຈັນ ເພື່ອຊ່ວຍສ້າງສີສັນໃຫ້ກັບຄົນໃນນະຄອນຫຼວງວຽງຈັນ ແລະ ສາມາດດຶງດູດຊາວນະຄອນຫຼວງວຽງຈັນ ມາຈາກທົ່ວທຸກສາລະທິດທີ່ເຂົ້າມາທີ່ວິວມໍ ເພື່ອໃຫ້ເໝາະກັບຄວາມຕ້ອງການຂອງຄົນຊາວນະຄອນຫຼວງວຽງຈັນ. ເພາະລິມປິງ ສາມາດນຳສິ່ງທີ່ດີມີປະໂຫຍດສູ່ສັງຄົມລາວໄດ້ ດັ່ງນັ້ນ, ລິມປິງ ຊຸບເປີມາເກັດ ຈະເປັນຫຼັກຂອງໂຄງການ ທີ່ຊ່ວຍໃຫ້ຜູ້ຄົນຊາວນະຄອນຫຼວງວຽງຈັນເພີ່ງພໍໃຈ. ພາຍໃນຫ້າງຊັບພະສິນຄ້າວິວມໍ ປະກອບມີ, ຜະລິດຕະພັນອາຫານ ແລະ ເຄື່ອງບໍລິໂພກທີ່ມີຄຸນນະພາບ ບໍ່ວ່າຈະເປັນຜັກປອດສານຜິດ, ຊີ້ນສັດ, ປາ, ອາຫານທະເລ ພ້ອມທັງອາຫານທີ່ເປັນເອກະລັກຈາກແຂວງຕ່າງໆຂອງ ສປປ ລາວ, ອາຫານໄທ, ຈີນ ແລະ ອື່ນໆ. 
ລິມປິງ ຊຸບເປີມາເກັດ ວິວມໍ, ຕັ້ງຢູ່ບ້ານພະຂາວ, ເມືອງໄຊທານີ ນະຄອນຫຼວງວຽງຈັນ, ເປີດໃຫ້ບໍລິການແຕ່ເວລາ 9:00-21:00 ໂມງ