ລາອອກໄດ້ລະຕິ ເນວິວ!!

 

ຊານດິເອໂກ ການຢິຊາເຣດ ຕຳນານຜູ້ຮັກສາປະຕູຂອງ ບາເລັນເຊຍ ຊີ້ພ້ອມຮັບຜິດຊອບຕໍ່ຄວາມຕົກຕ່ຳຂອງທີມທີ່ເຂົາເບິ່ງວ່າ ບໍ່ດີທີ່ສຸດເທົ່າທີ່ເຄີຍພົບເຫັນ ແກຣີ ເນວິວ ນາຍໃຫຍ່ຊາດອັງກິດ ຄວນລາອອກຈາກຕຳແໜ່ງ ແລະ ຖ້າຈະໃຫ້ດີຕ້ອງຂໍໂທດຕໍ່ຄວາມຕົກຕ່ຳຂອງຕົນເອງພ້ອມ.

 

ຊານດີເອໂກ ການຢິຊາເຣດ ອະດີດຜູ້ຮັກສາປະຕູລະດັບຕຳນານຂອງ ບາເລັນເຊຍ ແລະ ທີມຊາດ ສະເປນບອກ ແກຣີ ເນວິວ ນາຍໃຫຍ່ມືໃໝ່ຄົນອັງກິດ ລາອອກຈາກຕຳແໜ່ງ ແລະ ຂໍໂທດແຟນບານທີມ “ເຈຍໃຫຍ່” ດີກວ່າຫຼັງຈາກຄຸມທີມບໍ່ຊະນະເກມລີກເລີຍ ລ່າສຸດຖືກ ບາເຊໂລນາ ເປີດຮັງ ຖະລົ່ມ 7-0 ໃນລາຍການ ໂກປາ ເດີ ເຣ ຮອບຮອງຊະນະເລີດນັດທຳອິດເມື່ອວັນພຸດທີ່ຜ່ານມາ.

 

ເນວິວ ມາຄຸມທີມຕັ້ງແຕ່ເດືອນທັນວາ ແລະ ບໍ່ຊະນະເກມລີກເລີຍ ນັດແລ້ວກໍເສຍ ສະປອດຕິງ ກີຄອນ ຄາບ້ານ ສ່ວນເກມບານຖ້ວຍກໍສໍ່ແວວຕັ້ງແຕ່ນັດທຳອິດເພາະຖືກ ບາເຊໂລນາ ສອນມວຍໄປ 7-0 ໂດຍທີ່ ຫຼຸຍ ຊົວເຣດ ຍິງ 4 ເມັດ ແລະ ເມັດຊີ ເຮັດ ແຮັດທຣິກ ໂຊກດີທີ່ ເນມາ ຍິງຈຸດໂທດພາດເທື່ອທີ່ 4 ຈາກ 8 ເທື່ອ ຂະນະທີ່ ມຸສຕາຟີ ກອງຫຼັງກັບຕັນທີມຖືກໃບແດງຈາກຈັງຫວະເຮັດເສຍຈຸດໂທດທ້າຍເຄິ່ງທຳອິດ.

 

“ບາເລັນເຊຍ ຕອນນີ້ຕົກຕ່ຳທີ່ສຸດເທົ່າທີ່ຂ້ອຍເຄີຍເຫັນ ເຊິ່ງໝາຍຄວາມວ່າມັນທຽບບໍ່ໄດ້ເລີຍກັບເກມພົບ ຄາສລູ (7-0 ປິ 1993) ຫຼື ຊາລາມັນກາ (4-0 ປີ 1995) ຂ້ອຍຫວັງວ່າເຂົາຈະລາອອກ ແລະ ກ່າວຂໍໂທດ ມັນອາດຈະຟັງຄືສາມຫາວ ແຕ່ຂ້ອຍແປກໃຈທີ່ເຂົາບໍ່ລາອອກ ຂ້ອຍວ່າເຂົາເປັນຄົນກົງ ຖ້າວ່າ ເຄຊຸດ ກາເຊຍ ປີທາດ (ຜອ ກິລາ) ເຊື່ອໝັ້ນໃນ ແກຣີ ແບບທີ່ເຂົາເວົ້າເມື່ອວັນຈັນ ຂ້ອຍກໍຜິດຫວັງຫຼາຍ”.

 

“ຖ້າເຂົາຕົວະ ແລະ ມື້ອື່ນ ປີທາດ ສະເໜີໃຫ້ປົດເຂົາແລ້ວພວກເຂົາບໍ່ຍອມຮັບ ກໍດີກວ່າຖ້າເຂົາຈະລາອອກໄປເຊັ່ນກັນ ທີ່ຜິດຫວັງກວ່າຄວາມປລາໄຊຄືການບໍ່ສູ້ ມັນເຮັດໃຫ້ເຮົາເຫັນວ່ານັກເຕະພວກນີ້ເຮັດຫຍັງໄດ້ແນ່ເມື່ອຕົກຢູ່ໃນສະຖານະການທີ່ຍາກລຳບາກ ມຸສຕາຟີ ສະແດງຕົນອອກມາ ແລະ ຂ້ອຍວ່າ ບາເລັນເຊຍນິສຕາ ປະທັບໃຈໃນໂຕເຂົາ ຂ້ອຍຫວັງວ່າສິ່ງທີ່ເກີດຂຶ້ນປີນີ້ຈະຊ່ວຍເຮົາຄັດຄວາມຊື່ກົງອອກຈາກຄວາມບໍ່ຊື່ກົງໄດ້ ຖ້າເຮົາເຮັດໄດ້ ເຮົາຈະພັດທະນາຂຶ້ນ”.