ລາວ – ຈີນ ຮ່ວມສ້າງຮູບເງົາເລື່ອງ “ດອກຈຳປາບານ”


“ດອກຈຳປາບານ” ເປັນຊື່ເລື່ອງຂອງຮູບເງົາພັນປະສົມເລື່ອງໃໝ່ທີ່ທຸ້ມທຶນສ້າງເຖິງ 1 ລ້ານໂດລາສະຫະລັດ ດ້ວຍການຮ່ວມມືກັນລະຫວ່າງສອງປະເທດ ລາວ – ຈີນ ເປັນຮູບເງົາຮັກທີ່ມີເນື້ອຫາກິນໃຈ ຊວນອອນຊອນ ແລະ ງົດງາມທັງທິວທັດທຳມະຊາດ ຮີດຄອງປະເພນີ ແລະ ສາຍພົວພັນ ຄວາມຮັກ ມິດຕະພາບ ຂອງຄົນ 2 ຊາດ ລາວ- ຈີນ.

ພິທີເຊັນສັນຍາ ແລະ ຖະແຫຼງຂ່າວການສ້າງຮູບເງົາເລື່ອງ “ດອກຈຳປາບານ” ໄດ້ມີຂຶ້ນຢູ່ທີ່ສະຖາບັນຮູບເງົາປັກກິ່ງ ນະຄອນຫຼວງປັກກິ່ງ ສປ.ຈີນ ການສ້າງຮູບເງົາເລື່ອງດັ່ງກ່າວ ແມ່ນເປັນການສະເຫຼີມສະຫຼອງວັນສ້າງຕັ້ງສາຍພົວພັນການທູດລະຫວ່າງ ລາວ – ຈີນ ຄົບຮອບ 55 ປີ.

=========================

ພາບແລະຂ່າວ: Pathedlao Lao