ລາວຟອດຊີຕີ ສະໜັບສະໜູນທີມລ້ານ ຊ້າງຢູໄນເຕັດ

ໃນ​ວັນ​ທີ 2 ຕຸລາ ຢູ່ ສະໜາມກິລາບານ​ເຕະ ລ້ານ​ຊ້າງ ຢູ​ໄນ​ເຕັດ ​ໄດ້​ຈັດ​ພິທີ​​ເຊັນ​ສັນຍາ​ການ​ສະໜັບສະໜູນ​ຂຶ້ນ ລະຫວ່າງ ທ່ານ ດີ​ລີບ ​ເຈ​ຊູ​ທາ​ຊານ ຜູ້ອຳນວຍການ ບໍລິ ສັດ ລາວ​ຟອດຊີ​ຕີ ກັບ ທ່ານ ພັນທະ​ຈິດ ອິນ​ທິລາດ ປະທານ​ສະ​ໂມ​ສອນ ລ້ານ​ຊ້າງ ຢູ​ໄນ​ເຕັດ ​​ໂດຍ​ມີ​ພະນັກງານ​ທັງ​ສອງ​ພາກສ່ວນ​ເຂົ້າ​ຮ່ວມ.

ບໍລິສັດ ລາວ​ຟອດຊີ​ຕີ ທີ່​ເປັນ​ຕົວ​ແທນ​ຈຳໜ່າຍ​ລົດ​ຟ​​ອດ ພຽງ​ຜູ້​ດຽວ​ໃນ ສປປ ລາວ ໃຫ້ການ​ສະໜັບສະໜູນ​ແກ່ ທີ​ມລ້ານ​ຊ້າງ ຢູ​ໄນ​ເຕັດ ​ເປັນ​ເວລາ 4 ປີ ນັບ​ແຕ່​ນີ້​ຈົນ​ເຖິງ​ປີ 2019 ​ເພື່​​ອ​ເປັນ​ສ່ວນ​ໜຶ່ງ​ໃນ​ການ​ພັດທະນາ​ທີ​ມສະ​ໂມ​ສອນ​ນີ້ ກໍ​ຄື​ການ​ພັດທະນາ​ວົງ​ການ​ບານ​ລາວ​ເຕະ​ໄປ​ພ້ອມໆ​ກັນ ​ເຊິ່ງລາວ​ຟອດຊີ​ຕີ ຫວັງ​ວ່າການ​ສະໜັບສະໜູນ​ດັ່ງກ່າວ ຈະ​ຊ່ວຍ​ໃຫ້​ທີ​ມ ລ້ານ​ຊ້າງ​ຢູ​ໄນ​ເຕັດ ​ພັດທະນາ​ຂຶ້ນ​ອີກ​ລະ ດັບ​ໜຶ່ງ ດ້ວຍ​ການ​ຊື້ນັກ​ເຕະບານ​ທີ່​ເກັ່ງ​ມາ​ຮ່ວມ​ທີ​ມ ກໍ​ຄື​ການອັດ​ສີດ​ນັກ​ກິລາ​ໃຫ້​ມີ​ກຳລັງ​ໃຈ ​ແລະ ​ທຸ້ມ​ເທ​ໃສ່​ການຫລິ້ນ​ກິລາ​ຫລາຍ​ຂຶ້ນ, ຄຽງ​ຄູ່​ກັນ​ນີ້​ຍັງ​ຕ້ອງການ​ພັດທະນາ​ການ​ເຊຍ​ຂອງ​ກອງ​ເຊຍ​ໃຫ້​ຟົດ​ຟື້ນ​ຍິ່ງ​ຂຶ້ນ. ​

ທີ​ມ ລ້ານ​ຊ້າງ ຢູ​ໄນ​ເຕັດ ​ເປັນ​ອີກ​ໜຶ່ງ​ທີ​ມທີ່ຢູ່​ລະດັບ​ແຖ​ວໜ້າ​ຂອງ​ການ​ແຂ່ງຂັນ​ລາວ​ພຣີ​ເມຍ​ລີກ ​ແລະ ​ກຳລັງ​ພັດທະນາ​ຕົນ​ເອງ​ໃຫ້​ກ້າວ​ຂຶ້ນ​ເທົ່າ​ທຽມ​ກັບ​ລະດັບ​ພາກ​ພື້ນ ກໍ​ຄື​ສາກົນ​ເທື່ອ​ລະກ້າວ.