ລາຍຕໍ່ໄປ? ຣານິເອຣີເຕັງໜຶ່ງຖືກບິນ

 

ຄລາວດິໂອ ຣານິເອຣີ ຜູ້ຈັດການທີມ ເລສເຕີ ຊີຕີ ກາຍເປັນເຕັງໜຶ່ງຂອງຜູ້ຈັດການທີມທີ່ຈະຖືກໄລ່ອອກເປັນຄົນຕໍ່ໄປ ໃນສາຍຕາຂອງສຳນັກພະນັນຖືກກົດໝາຍໃນອັງກິດ.

 

ແລດໂບຣກ ໜຶ່ງສຳນັກພະນັນອອກລາຄາແທງ 4 ໄດ້ 7 ສຳລັບການທວາຍວ່າ ຣານິເອຣີ ຈະຖືກໄລ່ອອກເປັນຄົນຕໍ່ໄປຈາກຜົນງານສຸດຕົກຕຳ່ມີແຕ້ມນຳຫຼັງໂຊນຕົກຊັ້ນພຽງ 1 ຄະແນນເທົ່ານັ້ນ ແລະ ຖ້ານັບໃນປີ 2017 ເລສເຕີ ຫາກໍເກັບໄດ້ 1 ຄະແນນເທົ່ານັ້ນ.

 

ທັງນີ້ຊ່ວງເລີ່ມຕົ້ນລະດູການ ຣານິເອຣີ ບໍ່ຮອດໂອກາດທີ່ຈະຖືກປົດຫຼັງຈາກທີ່ມີຜົນງານພາ ເລສເຕີ ໄດ້ແຊມ ຢ່າງໃດກໍຕາມກັບສະຖານະການຕອນນີ້ເຮັດໃຫ້ສຳນັກພະນັນເຊື່ອວ່າມີຄວາມເປັນໄປໄດ້ທີ່ຈະຖືກປົດເຊັ່ນກັນ.

 

ສຳລັບເຕັງ 2 ໄດ້ແກ່ ໄອຕໍ ກາຣັນກາ ນາຍໃຫຍ່ຂອງ ມິດເດິນສະໂບລ ສ່ວນເຕັງ 3 ແມ່ນ ໂຄລດ ປູແອວ ຜູ້ຈັດການທີມຂອງ ເຊົາແຮມຕັນ.