ລາຍງານຫຼ້າສຸດຄາບອມລະເບີດໜັກ 1,500 ກິໂລ!!ດັບ 90 ຊີວິດເຈັບ 400 ຄົນເຫດຄາບອມເມືອງຄາບູນເຜີຍຍອດຜູ້ເສຍຊີວິດອາດຈະເພີ່ມຂຶ້ນ

 

ເຫດລະເບີດຍອດຜູ້ເສຍຊີວິດຈາກຄາບອມລູກໃຫຍ່ຖະຫຼົ່ມບໍລິເວນສະຖານທູດຂອງເມືອງຄາບູນເມື່ອວັນພຸດທີ່ຜ່ານມາ ເພີ່ມເປັນຢ່າງໜ້ອຍ 90 ຊີວິດ ແລະ ບາດເຈັບອີກຢ່າງໜ້ອຍ 350 ຄົນ ເຫດນອງເລືອດກາງຖະໜົນຂອງເມືອງຫຼວງອັບການິດສະຖານ.

 

ຮ່າງບໍ່ມີວິວຍານທີ່ເຕັມໄປດ້ວຍເລືອດກະຈາຍຢູ່ທົ່ວບ່ອນເກີດເຫດ ແລະ ກຸ່ມຄວັນຂະໜາດໃຫຍ່ລອຍຂຶ້ນຈາກພື້ນທີ່ເຊິ່ງໄດ້ຮັບການຄຸ້ມກັນຢ່າງໜາແໜ້ນເນື່ອງຈາກເປັນແຫຼ່ງທີ່ຕັ້ງຂອງບັນດາສະຖານທູດຕ່າງຊາດ ຫຼັງເຫດໂຈມຕີໃນຊົ່ວໂມງນັ້ນສ້າງຂຸມຂະໜາດໃຫຍ່ເທິງພື້ນດິນ ແລະ ເຮັດໃຫ້ກະຈົກຂອງອາຄານຕ່າໆແຕກອອກໄປຫຼາຍກິໂລແມັດ.

 

ຈົນຮອດຕອນນີ້ຍັງບໍ່ມີກຸ່ມໃດອອກມາອ້າງຄວາມຮັບຜິດຊອບຂອງເຫດລະເບີດຮຸນແຮງດັ່ງກ່າວ ເຊິ່ງເຈົ້າໜ້າທີ່ບອກວ່າມີຕົນຕໍຈາກລະເບີດໜັກ 1,500 ກິໂລກຣາມທີ່ຊຸກເຊື່ອງໄວ້ໃນລົດດູດສິ່ງເປິເປື້ອນ ແລະ ເບິ່ງວ່າຈະເປັນຄວາມລົ້ມເຫຼວຄັ້ງຍິ່ງໃຫຍ່ຂອງກົມແຫຼ່ງຂ່າວສານ.

“ການໂຈມຕີທີ່ຮຸນແຮງຄັ້ງນີ້ໄດ້ພາຄົນໄປໂລກໜ້າ 90 ຊີວິດ ແລະ ບາດເຈັບອີກ 400 ຄົນ ເຊິ່ງໃນນັ້ນຈຳນວນທີ່ຫຼາຍແມ່ນຜູ້ຍິງ ແລະ ເດັກນ້ອຍ” ສູນປະຊາສຳພັນຂອງລັດຖະບານກ່າວວ່າ ຢ່າງໃດກໍຕາມທາງເຈົ້າໜ້າທີ່ສາທາລະນະສຸກຍັງເຕືອນວ່າຍອດຂອງຜູ້ເສຍຊີວິດຍັງອາດຈະສູງຂຶ້ນອີກ.