ລາຊິໂອຮ່ວມວົງຍາດ ເບັນ ອາຟາ ຮ່ວມທັບ

 

ສື່ດັງຈາກອີຕາລີອ້າງ ລາຊິໂອ ສົນໃຈດຶງ ຮາເຕັມ ເບັນ ອາຟາ ປີກຂອງ ນີດ ມາທົດແທນ ອັນໂຕນິໂອ ຄັນເດຣວາ ກອງກາງທີມຊາດອີຕາລີທີ່ອາດຈະຍ້າຍທີມຫຼັງດາວເຕະເລືອດນ້ຳຫອມກຳລັງຈະໝົດສັນຍາຕອນຈົບລະດູການນີ້.

 

“ຄໍຣິເອເຣ ເດໂລ ສະປອດ” ສື່ດັງຈາກແດນກະໂລນີລາຍງານຂ່າວວ່າ ລາຊິໂອ ທີມດັງຈາກ ກັນໂຊ ຊີຣີ ອາ ຂໍຮ່ວມແຈມກັບຫຼາຍທີມໃນການລ່າໂຕ ຮາເຕັມ ເບັນ ອາຟາ ປີກຟອມຮ້ອນຂອງ ນີດ ທີມດັງຈາກ ລີແອັງ ຊ່ວງເປີດຕະຫຼາດນັກເຕະໜ້າຮ້ອນນີ້.

“ອິນຊີຟ້າ-ຂາວ” ຕົກເປັນຂ່າວກັບນັກເຕະປະສົບການສູງທີ່ໃກ້ຈະໝົດສັນຍາຫຼາຍຄົນ ເຊັ່ນ : ຄລາສ-ຢານ ຮຸນເຕລາ ດາວຍິງຂອງ ຊາວເກ 04 ແຕ່ລາຍນີ້ອາດຈະໄດ້ໝາກແຫ້ວເພາະວ່າສູ້ກັບຄ່າເມື່ອຍບໍ່ໄຫວ ຫຼ້າສຸດສື່ດັງຈາກແດນກະໂລນີຕີຂ່າວວ່າພ້ອມດຶງ ເບັນ ອາຟາ ທີ່ກັບມາຫຼິ້ນດ້ວຍຟອມດີທີ່ສຸດໃນອາຊີບການຟາດແຄ່ງອີກຮອບ ແລະ ຈະເປັນນັກເຕະຟຣີເອເຢັນໃນຊ່ວງໜ້າຮ້ອນນີ້ ມາເປັນຕົວຕາຍຕົວແທນຂອງ ອັນໂຕນິໂອ ຄັນເດຣວາ ກອງກາງທີມຊາດອີຕາລີທີ່ອາດຈະຍ້າຍທີມຫຼັງຈາກຈົບລະດູການນີ້.

 

ຂະນະດຽວກັນ “ຄໍຣິເອເຣ ເດໂລ ສະປອດ” ຍັງອ້າງອີກວ່າ ບອດບໍລິຫານຂອງ ລາຊິໂອ ກຳລັງຈັບຕາເບິ່ງສະຖານະການຂອງ ໂຣມັນ ນອຍສະເຕັດເຕີ, ເມເມັດ ໂທປານ ແລະ ບຣານິສະລາບ ອີວານໂນວິດ 3 ດາວເຕະຂອງ “ລາຊັນສີນ້ຳເງິນ”, ເຟເນບາເຊ ແລະ ເຊວຊີ ຕາມລຳດັບຢ່າງໃກ້ຊິດ.