ລັດເຊຍ ຈະເຂົ້າຮ່ວມການຄົມມະນາຄົມ ອາຊີ-ປາຊີຟິກ ໃນປີ 2025

ຕາມ​ຂ່າວຕ່າງປະ​ເທດ,​ ເມື່ອ​ບໍ່​ດົນ​ມາ​ນີ້, ລັດ​ເຊຍ ​ເລັ່ງສ້າງ​ເງື່ອນ​ໄຂ ​ໃຫ້​ຄົບ​ຖ້ວນ​ ໃນ​ການ​ເຂົ້າຮ່ວມ​ ລະບົບ​ເຄືອ​ຂ່າຍ​ ຕາໜ່າງ ການ​ຄົມມະນາຄົມ​ອາຊີ-ປາຊີ​ຟິກ ​ໃນ​ປີ 2025 ​ໂດຍ​ເນັ້ນ​ໃສ່ ການ​ຍົກ​ລະດັບ ​ດ້ານຄົມມະນາຄົມ ທີ່​ສຳຄັນ​ເປັນຕົ້ນ: ການ​ຂະຫຍາຍ​ເສັ້ນທາງປູຢາງ, ການ​ຟື້ນ​ຟູ​ ບັນດາ​ພື້ນຖານ​ສະໜາມ​ບິນ ​ແລະ ​ເສັ້ນທາງ​ແລ່ນ(Run way) ​ເປັນ​ວຽກ​ງານ​ຫລັກ​ ໃນ​ການ​ພັດທະນາ ຂະ​ແໜງ​ການບິນ ​ໃນ​ພາກ​ພື້ນ.

     ທ່ານ ສຈ. ​ເລ​ໂອ​ນິດ ​ໂປ​​ໂປ​ບ, ຫົວໜ້າພາກວິຊາ​ ທຸລະ​ກິດ​ໂຮງ​ແຮ​ມ ​ແລະ ທ່ອງ​ທ໋ຽວ, ມະຫາວິທະຍາ​ໄລ ​ເສດຖະກິດ ພະ​ເລ​ຄາ​ນົບ ຂອງ​ລັດ​ເຊຍ ລະບຸ​ວ່າ:​​​ ລັດ​ເຊຍ ພວມ​ສ້າງ​ແຜນ​ຜັນ​ຂະຫຍາຍ​ ບັນດາ​ ເຂດ​ແຄ້ວ​ນ ພັດທະນາ​ ບຸລິມະສິດ(TOR) ຢູ່​ເຂ​ດ ຕາ​ເວັນ​ອອກ​ໄກ ​ໂດຍ​ສະ​ເພາະ​ ຢູ່ເກາະ ຢຸສຊູຣິສ  ​ເຂດ ຄາ​ບາ​ໂຣບ. ສຳລັບ ​ເວທີ​ປາ​ໄສ ​ເສດຖະກິດ ຂອງທິດຕາ​ເວັນ​ອອກ ທ່ີ​ຈັດ​ຂຶ້ນ​ຢູ່ ວາ​ລາ​ໂວ​ສຕົກ ​ໄດ້ແນ​​ໃສ່​ ຊຸກຍູ້​​ ການພັດທະນາ ​ເສ​ດຖະກິດ ຢູ່​ເຂດ​ຕາ​ເວັນ​ອອກ​ໄກ​ ຂອງ​ລັດ​ເຊຍ,​ ພ້ອມ​ທັງ ເປີດ​ກວ້າງ ​ການ​ຮ່ວມ​ມື​ ສາກົນ ​ຢູ່ພາກ​ພື້ນ ​ອາຊີ-ປາຊີ​ຟິກ.

…………………………………………………………………………………………………………………………………………………………………………………………………………………………

ທີ່​ມາ: www.kpl.gov.la