ລັດຖະບານທຸ້ມ86ລ້ານ ຊື້ລົດຖີບໄປແຂ່ງໂອເລັມປິກ

ຫລັງຈາກນັກກິລາຂີ່ລົດຖີບ ອາເລັກ ອາລິຍາ ພູນສະຫວັດ, ຜູ້ສ້າງປະຫວັດສາດໃຫ້ວົງການລົດຖີບລາວ ດ້ວຍການຄວ້າຫຼຽນຄຳ ໃນຊີເກມ ຄັ້ງທີ 26 ທີ່ປະເທດມຽນມາ ແລະ ເຂົາຍັງເພີ່ມໜ້າປະຫວັດສາດອີກໜ້າໜຶ່ງໃຫ້ວົງການລົດຖີບລາວ ໄປໄກເຖິງ ໂອແລມປິກ. ຫລ້າສຸດກະຊວງ ສຶກສາທິການ ແລະ ກິລາ ກໍ່ຄືລັດຖະບານ ໄດ້ຈັດຖະແຫຼງຂ່າວ ຂຶ້ນໃນແລງວັນທີ 26/7/16 ຢ່າງສົມກຽດ. ສຳລັບທັບນັກກິລາລາວ ທີ່ຈະເດີນທາງໄປໂອແລມປິກເກມ ເກືອບ 20 ຊີວິດ ເຊິ່ງມີນັກກິລາລາວເຂົ້າແຂ່ງໃນ 4 ປະເພດ ເຊັ່ນ: ແລ່ນ-ລານ, ລອຍນ້ຳ (ສອງປະເພດກິລາບັງຄັບ), ລົດຖີບ ແລະ ຢູໂດ....(ສອງປະເພດຫຼັງນີ້ ມາຈາກການສະສົມຄະແນນ). ທີ່ສຳຄັນໄປກວ່ານີ້ ລັດຖະບານ ຍອມຈົກເງິນ ຊື້ລົດຖີບ ມູນຄ່າສູງເຖິງ 86.000.000 ກີບ ເພື່ອໃຫ້ໄດ້ຕາມມາດຕະຖານບັງຄັບຂອງໂອແລມປິກສາກົນ. ເຊິ່ງການແຂ່ງຂັນກິລາໂອເລັມປິກ ຄັ້ງທີ 31ນີ້ ຈະໄດ້ຈັດຂຶ້ນຢູ່ທີ່ເມືອງ ຣິໂອເດີຈາເນໂຣ ປະເທດບາຊິວໃນໄວໆນີ້. ຂໍເປັນກຳລັງໃຈໃຫ້ທັບນັກກິລາລາວທຸກຄົນ. Cr.ໂຕະກາເຟ (ຂອບໃຈພາບ ແລະ ຂໍ້ມູນຈາກ ທີມຂ່າວ ສູນໂຄສະນາຂ່າວສານ ການສຶກສາ-ກິລາ)