ລະທຶກຂວັນ!!!ໄລ່ຈັບງູຂຶ້ນຍົນ

ເວັບໄຊ້ເຕີທີວີເອຂອງອາເມລິກາລາຍງານວ່າເກີດເຫດລະທຶກຂວັນຂຶ້ນເມື່ອງູໄດ້ຂຶ້ນມາລີ້ຢູ່ເທິງຍົນລຳໜຶ່ງເຊິ່ງຈະເດີນທາງຈາກເມືອງແອນີອັກໄປທີ່ເມື່ອງແອັງເຄີເຣັດລັດອາລາສກາອາເມລິກາເມື່ອວັນທີ 19 ທີ່ຜ່ານມາ.

ສາວ ແອນນາ ແມັກຄອນນໍຕີ ໜຶ່ງໃນຜູ້ໂດຍສານຖ້ຽວບິນນີ້ເລົ່າວ່າເຫັນງູນອນຂົດຢູ່ຂ້າງກະເປົ໋າສຳພາລະພ້ອມຖ່າຍພາບຂະນະທີ່ສາວແອຈັບງູຕົວຍາວ 1.50 ແມັດໃສ່ໃນຖົງທ່າມກາງຄວາມຫວາດພະຫວາ ແລະ ວຸ້ນວາຍປັ່ນປ່ວນຂອງຜູ້ໂດຍສານທັງລຳ.

“ນັກບິນແຈ້ງຜູ້ໂດຍສານວ່າມີງູຫຼຸດອອກມາຈາກຫຼັງເຮືອບິນອອກມາແລ້ວ 15 ນາທີທັນໃດນັ້ນເດັກນ້ອຍຜູ້ຊາຍທີ່ນັ່ງຢູ່ກັບແມ່ແຖວສຸດທ້າຍກໍບອກວ່າເຫັນງູມັນລີ້ຢູ່ກ້ອງເບາະນັ່ງ ສາວແອ ແລະ ນັກບິນສຸກເສີນເຂົ້າຄຸມສະຖານະການທັນທີ” ແມັກຄອນນໍຕີກ່າວ.

 

ທາງສາຍການບິນຢືນຢັນເຫດການທີ່ເກີດຂຶ້ນ ແລະ ບອກວ່າຜູ້ໂດຍສານທີ່ນຳງູເຂົ້າມານັ້ນລະເມີດນະໂຍບາຍໃນການນຳສັດເຂົ້າມາໃນຍົນ ຢ່າງໃດກໍຕາມເຮືອບິນລົງຈອດທີ່ປາຍທາງໄດ້ຢ່າງປອດໄພຕາມກຳນົດການບິນ.