ລວມ 7 ແອພ ແຕ່ງຮູບແບບກ້ອງຟິມ

 ລວມ 7 ແອພ ແຕ່ງຮູບແບບກ້ອງຟິມ ຖ້າໂຫລດໄວ້ໃນ Instagram ເຮົາຈະເທ້ຂຶ້ນໄປອີກ 10ເທົ່າເລີຍຍຍ!!

ທຸກໆຄົນຄິດຄືກັນບໍ່ ວ່າໂລກເຮົານີ້ບາງຄັ້ງກະຄືກັບວ່າໝຸນກັບໄປໝຸນກັບມາ  ຄືກັບເລື່ອງກ້ອງຖ່າຍຮູບ ສະໄຫມນັ້ນເຮົາມີກ້ອງຟິມໄວ້ຖ່າຍກັນທຸກບ່ອນ ແລ້ວກໍອັບເກຣດເປັນກ້ອງດິຈິຕອລ ຈາກນັ້ນກໍ່ເປັນເປັນກ້ອງໂທລະສັບມືຖື ສ່ວນຕອນນີ້ເດ ເອົ້າ!! ກັບໄປນິຍົມກ້ອງຟິມກັນອີກແລ້ວວເດີ້ ແຕ່ນີ້ກໍເປັນປີ2018 ແລ້ວ  ດັ່ງນັ້ນເຮົາກໍບໍ່ຈຳເປັນຕ້ອງມານັ່ງແກະຟິມອອກໄປງໍ້ໃຫ້ຮ້ານລ້າງອີກຕໍ່ໄປ ເພາະ ແອພ ໂທລະສັບມືຖືດຽວນີ້ ມີຫລາຍແອພເລີຍທີ່ມີຟິລເຕີຄືກັບວ່າຖ່າຍດ້ວຍກ້ອງຟິມ!  ຖ້າຢາກຮູ້ວ່າແອພໃດກຳລັງນິຍົມກັນ ໄປເບິ່ງກັນເລີຍ!! 
1.Gudak Cam


ຈະບອກເລີຍວ່າແອພນີ້ເປັນທີ່ນິຍົມກັນຫລາຍໃນໄລຍະຫນຶ່ງເລີຍແລະ ເພາະເປັນກ້ອງຟິມທີ່ສົມຈິງທີ່ສຸດ ດ້ວຍກິມມິກເທ້ໆ ຄືຖ່າຍໄດ້ແຕ່ຄັ້ງລະ 24 ຮູບ ແລະຕ້ອງຖ້າ 3ມື້ ຈຶ່ງຈະຮູ້ວ່າຮູບທີ່ຖ່າຍອອກມາຈະເປັນແນວໃດ! ຄັກຫລາຍ!! ມັນເປັນແອພຂອງໂທລະສັບມືຖື ຫລື ກ້ອງຟິມແທ້ໆນິນະະະ ແຖມທາງໃນຍັງມີຟິລເຕີ້ແຕ່ງຮູບແບບກ້ອງຟິມໄວ້ຫລາຍໆແນວ ແຕ່ຄວາມວິເສດຂອງຟິລເຕີ້ກໍ່ຕ້ອງໄດ້ມາດ້ວຍການຈ່າຍເງິນເດີ້ ເພາະມັນບໍ່ແມ່ນແອພຟຣີ ແຕ່ຖາມວ່າມັນແພງບໍ່ກະບໍ່ແພງ ລາຄາຂອງເງິນບາດໄທຕົກຢູ່ 35ບາດເທົ່ານັ້ນ 
2.Snow


- ເປັນແອພຫນຶ່ງທີ່ແອັດມິນຄິດວ່າທຸກຄົນຕ້ອງມີຕິດມືຖືໄວ້ ເພາະແອພນີ້ເຕັມໄປດ້ວຍຟິລເຕີ້ງາມໆ ແລະ ເອຟເຟັກຫນ້າຮັກເຫມາະທີ່ຈະຈັບມາຖ່າຍຮູບກັບຫມູ່ຕອນເບື່ອໆ ແຕ່!!! ຈະບອກເລີຍວ່າຕອນນີ້ Snow ເຂົາເຈົ້າມີ ຟິລເຕີ້ກ້ອງຟິມໃຫ້ຫລິ້ນແລ້ວເດີ້ ຖ້າກົດເຂົ້າເບິ່ງຈະເຫັນວ່າມີຫລາຍແບບອີ່ຫລີ (ເລືອກຈົນຕາລາຍພຸ້ນແລະ) ຄວາມສຸດຍອດຂອງມັນກໍຄື ເປັນແອພຟຣີພ້ອມມມ ບອກໄດ້ເລີຍວ່າມີ Snow ໄວ້ໃນມືຖືກະອຸ່ນໃຈແລ້ວ ຈະຖ່າຍແບບຫນ້າຮັກກໍໄດ້ ຖ່າຍແບບເທ້ໆກໍດີ ແບບກ້ອງຟິມກະມີ ເຫັນບໍ່ ເຂົ້າເຖິງທຸກກຸ່ມເປົ້າຫມາຍເລີຍ
3.Huji


ຖ້າຫາກວ່າມີGudak ນ້ອງ Godak ໄປແລ້ວ ກໍຕ້ອງມີ Huji ນ້ອງຂອງ Fuji ພ້ອມ ຈະບອກວ່າແອພນີ້ ຄັກຄືກັນ ເພາະຖ້າປຽບທຽບ ກັບ Gudak ແລ້ວ ສີຂອງ Huji ຈະ ແຈ່ມແລະເຂັ້ມກວ່າຫນ້ອຍຫນຶ່ງ ແຖມບໍ່ວ່າຈະຖ່າຍຈັກຮູບກະບໍ່ມີເຕັມ ທີ່ສຳຄັນຄືບໍ່ຕ້ອງຖ້າເອົາຮູບຈົນຮອດ3ມື້ ພ້ອມ ແລະສິ່ງທີ່ເຮັດໃຫ້ແອັດມິນຮູ້ສຶກວ່າແອພນີ້ຄືຍຸກ90ກໍຄື ທາງເທິງຮູບທີ່ເຮົາຖ່າຍອອກມາຈະມີວັນທີຂຽນໃສ່ໃນໃບຮູບພ້ອມຄືກັບການຖ່າຍດ້ວຍກ້ອງຟິມແທ້ໆເລີຍ ງານນີ້ນອກຈາກຈະໄດ້ຮູບງາມໆແລ້ວ ຍັງໄດ້ຈາລຶກວັນທີ່ຂອງຮູບພ້ອມ ໃຜທີ່ມັກຖ່າຍຮູບຢ່າລຶມດາວໂຫລດແອພນີ້ໄວ້ເດີ້
4.RNI Film


ເປັນອີກແອພຫນຶ່ງ ທີ່ຕາກ້ອງຫລາຍໆຄົນນິຍົມກັນ (ຈະບອກວ່າແອັດມິນເອງກໍໂຫລດໄວ້ຄືກັນເພາະເຫັນລຸ້ນນ້ອງຕາກ້ອງທີ່ຮູ້ຈັກກັນໃຊ້ຢູ່ ເລີຍໃຊ້ຕາມ ຮາຮາ) ຄວາມຄັກຂອງ RNI Film ຄືມີຟິລເຕີ້ກ້ອງຟິມໃຫ້ເຮົາເລືອກຫລາຍຍຍຍ ແລ້ວຍັງບອກພ້ອມວ່າ ຟິລເຕີ້ນີ້ສະແດງຜົນຄືກ້ອງຟິມ ຫລືຈະໂຊຝືມືຂອງການ Edit ຮູບ ປັບແສງ ປັບໂທນສີເອງ ກໍໄດ້ຄືກັນ ອອກແນວ VSCO Cam ເລີຍ ໃຜທີ່ຊອກຫາແອພຟິມຄັກໆ ໂທນສີເທ້ໆ ຕ້ອງໂຫລດມາເກັບໄວ້ເລີຍໂລດ
5.Analog Film 


ເປັນອີກແອພກ້ອງຟິມທີ່ໂດ່ງດັງຫລາຍຍຍຍ ເພາະອອກມາເປັນຊຸດໃຫ້ໄດ້ເລືອກກັນຫລາຍແບບເລີຍ ບໍ່ວ່າຈະແມ່ນ Anolog Tokyo , Anolog Seoul , Anolog London ,Anolog Paris ແລະອີກຫລາຍອັນ 
ຖ້າຫາກວ່າຈະໂຫລດແອພ Anolog ຂອງເມືອງໃດກໍຈະໄດ້ອາລົມ ແລະ ບັນຍາກາດຂອງເມືອງນັ້ນພ້ອມ ແຕ່ວ່າາາາາ ຂອງດີກໍຕ້ອງມີລາຄາຫນ້ອຍຫນຶ່ງ ເພາະແອພນີ້ ລາຄາແອພລະ 35ບາດເງິນໄທ ແຕ່ແອັດມິນທີ່ເຄີຍໂຫລດມາກ່ອນແລ້ວບອກໄດ້ເລີຍວ່າ ຄຸ້ມຄ່າແນ່ນອນ
6.SKRWT

ບອກກ່ອນເລີຍວ່າ ແອພນີ້ເສຍເງິນເດີ້ ລາຄາ 65ບາດເງິນໄທ ແຕ່ຄຸນະພາບຂອງແອພນີ້ເກິນໂຕອີ່ຫລີເພາະ SKRWT ອິດສະລິຍະສຸດໆ ນອກຈາກຈະແຕ່ງສີແນວກ້ອງຟິມຄັກໆ ແບບທີ່ຮິບສເຕີ້ແບບພວກເຮົາກຳລັງຮິດກັນ ແລະອີກຫລາຍໆວິທີຂອງແອພທີ່ຫລາກຫລາຍໃນການແຕ່ງຮູບ

7.Feelca Tungsten


ສຳລັບແອພນີ້ ຕ້ອງບອກໃຫ້ທຸກຄົນໂຫລດ ເນື່ອງຈາກວ່າມັນງາມຫຼາຍ.ເປັນ app ກ້ອງວີດີໂອ ທີ່ພິເສດກວ່າແອພອື່ນໆ ມີຫລາຍໂທນສີບໍ່ວ່າຈະແມ່ນໂທນສີທີ່ເຢັນ, ສີຂີ້ເຖົ່າ, ສີຟ້າ ຖ້າຫາກແຕ່ງຮູບຈາກແອພນີ້ບອກໄດ້ເລີຍວ່າຈະມີແຕ່ຮູບທີ່ເທ້ໆເລີຍແລະ ແລ້ວຢ່າລຶມໂຫລດມາເດີ້

ບົດຄວາມໃຫມ່ໆ