ຣີວິວ Huawei ຕະກູນ nova 3 ອັດແໜ້ນດ້ວຍຄຸນນະພາບລະດັບເຮືອທົງແຕ່ມາໃນລາຄາສຸດວ້າວ!

ຫົວເຫວີຍຍັງຄົງສືບຕໍ່ຂະຫຍາຍສ່ວນແບ່ງຕະຫຼາດສະມາດໂຟນຢ່າງຕໍ່ເນື່ອງ ແລະ ຕອນນີ້ໄດ້ກ້າວຂຶ້ນເປັນອັນດັບ 2 ຂອງໂລກໄດ້ສຳເລັດເປັນທີ່ຮຽບຮ້ອຍແລ້ວ ເລີຍຢາກຈະມາອັບເດດຂໍ້ມູນ ຂອງ 2 ລຸ້ນໃໝ່ລ່າສຸດຈາກ Huawei ຕະກູນ nova 3 ນັ້ນກໍ່ຄື nova 3 ແລະ nova 3i ຍົກເລື່ອງຂອງເທັກໂນໂລຍີ 4 ກ້ອງທີ່ມາພ້ອມ AI ວິເຄາະການຖ່າຍພາບທັ້ງກ້ອງໜ້າ ແລະ ຫຼັງ.

ສຳລັບສະມາດໂຟນໃນຕະກູນ nova ຂອງຫົວເຫວີຍໄດ້ເລີ້ມເປີດຕະຫຼາດມາຕັ້ງແຕ່ປີ 2016 ພຽງແຕ່ເວລາ 2ປີ ສະມາດໂຟນໃນຕະກູນ nova ສາມາດຂາຍໄປໄດ້ແລ້ວຫຼາຍກວ່າ 40 ລ້ານເຄື່ອງ

ການອອກແບບທີ່ສວຍງາມ ແລະ ສຸດແສນຈະພຣີມ້ຽມ

ສິ່ງໜຶ່ງທີ່ຈະເຫັນໄດ້ທົ່ວໄປໃນຕະຫຼາດສະມາດໂຟນລຸ້ນກາງ Mid-range (2ລ້ານ5ແສນກີບຂຶ້ນໄປ) ມັກຈະໃຊ້ວັດສະດຸໃນການອອກແບບເຄື່ອງທີ່ເປັນແບບພາດສະຕິກ, ແຕ່ nova 3 ແລະ nova 3i ຫົວເຫວີຍຈັດວັດສະດຸຕົວເຟຣມເຄື່ອງເປັນໂລຫະ ແລະ ຝາຫຼັງເປັນກະຈົກທີ່ມີຄວາມໂຄ້ງມົນ ພ້ອມທັງເຮັດສີແບບໄລ່ເຊດ Gradient ຄືກັບສີ Twilight ຍອດນິຍົມໃນລຸ້ນອ້າຍຢ່າງ P20 Pro, ເຊິ່ງມາໃນສີ Iris Purple ໄອຣີດສ໌ ເພີເພຼີ ທີ່ຈະເປັນສີມ້ວງເຫຼືອບຟ້າ, nova 3 ຍັງມີສີແດງ ຮ້ອນແຮງຈັດຈ້ານ ແລະ ສິດຳ ລຽບຫຼູອີກດ້ວຍ, ທາງດ້ານ nova 3i ຈະມີ 2 ສີຄື ໄອຮິດສ໌ ເພີເພຼີ ແລະ ສີດຳ.

                                                              nova 3 series 3 ສີ 3 Life style

ການອອກແບບຮູບລັກຂອງ nova 3 ແລະ nova 3i ນັ້ນ ເບິ່ງເຜີນໆ ແລ້ວເກືອບຈະແຍກບໍ່ອອກວ່າລຸ້ນໃດເປັນລຸ້ນໃດ ເພາະຕັ້ງແຕຂະໜາດໜ້າຈໍ 6.3 ນິ້ວ ຄວາມລະອຽດ FHD+ (2340 x 1080 ພິກເຊວ) ອັດຕາສ່ວນ 19.5:9 ຢູ່ດ້ານເທິງໜ້າຈໍຈະເປັນແບບຕິ່ງ Notch Design ຂະໜາດ 1 ໃນ 3 ຂອງຄວາມກວ້າງ (ຖ້າບໍ່ມັກຕິ່ງກະເລືອກປິດໄດ້ໃນການຕັ້ງຄ່າການສະແດງຜົນ ຈະເຮັດໃຫ້ໄດ້ພື້ນທີ່ຂອງໜ້າຈໍແບບເຕັມຕາ)

ໜ້າຕາຂອງ Notch Design ທີ່ຄືກັນທັງສອງລຸ້ນ ຮູບຕົວຢ່າງເປີດ ແລະ ປິດ Notch

ຄວາມຕ່າງໃນສ່ວນດ້ານໜ້າເຄື່ອງຂອງ 2 ລຸ້ນນີ້ຄື nova 3 ຈະມີໂຕອິນຟາເຣດເຊັນເຊີ້ເຖິງ 15,000 ຈຸດ ທີ່ຊ່ວຍໃຫ້ສາມາດໃຊ້ງານລະບົບສະແກນປົດລ໋ອກໃບໜ້າໃນເວລາທີ່ແສງໜ້ອຍ ຫຼືໃນບ່ອນມືດໄດ້ (ຕົວເຊັນເຊີ້ຈະເຫັນໄດ້ຍາກໜ້ອຍໜຶ່ງ ຈະຖືກເຊື່ອງໄວ້ຢູ່ໃນຕິ່ງ) ຂອບຂ້າງເຄື່ອງດ້ານຂວາຈະມີປຸ່ມປັບລະດັບສຽງ ແລະ ປຸ່ມພາວເວີ້, ດ້ານຊ້າຍຈະເປັນຊ່ອງຖາດໃສ່ຊິມ ແບບໄຮບິດ Hybrid Slot ຖາດຊິມແບບປະສົມ ທີ່ເລືອກໄດ້ວ່າຈະໃຊ້ງານແບບ 2 ຊິມແບບນາໂນ ຫຼື ຈະເປັນ 1ຊິມນາໂນບວກກັບໜ່ວຍຄວາມຈຳ microSD, ດ້ານເຖິງຈະລຽບໆຈະມີພຽງແຕ່ຊ່ອງໄມໂຄໂຟນທີ່ 2 ສຳລັບຕັດສຽງລົບກວນ ທີ່ດ້ານລຸ່ມກໍ່ຈະມີຊ່ອງສຽບຫູຟັງ 3.5 ມມ, ລຳໂພງຫຼັກ, ໄມໂຄໂຟນສົນທະນາ ແລະ ໃນສ່ວນຕົວຮູສຽບເຊື່ອມຕໍ່ນັ້ນຈະມີຄວາມແຕກຕ່າງກັນໃນ 2 ລຸ້ນຄື:nova 3 ຈະເປັນແບບ USB-C, nova 3i ຈະເປັນແບບ Micro USB.

ດ້ານລຸ່ມຈະມີຫູຟັງ 3.5 ມມ, ຫົວເຊື່ອມຕໍ່, ໄມໂຄໂຟນຫຼັກ, ລຳໂພງຫຼັກ ແລະ ຖາດໃສ່ໄຮບິດ Hybrid Slot

ພິກກັບມາເບິ່ງດ້ານຫຼັງຕົວເຄື່ອງ ຈະເຫັນການວາງຕຳແໜ່ງກ້ອງ ແລະ ເຊັນເຊີ້ສະແກນລາຍນິ້ວມືຈະຢູ່ຕຳແໜ່ງດຽວກັນ ໂດຍຕົວກ້ອງຄູ່ຈະຢູ່ທີ່ມຸມເຄື່ອງດ້ານເທິງ ສະແກນລາຍນິ້ວມືຢູ່ກາງ ຕຳແໜ່ງນິ້ວຊີ້ໃຊ້ງານງ່າຍຖະໜັດມື ແລະ ມີໂລໂກ້ HUAWEI ຢູ່ທີ່ມຸມດ້ານລຸ່ມ ຈຸດຕ່າງທີ່ເຫັນໄດ້ຊັດເຈນຈາກການອອກແບບຝາຫຼັງຂອງທັ້ງສອງລຸ້ນທີ່ມີຄວາມແຕກຕ່າງກັນ nova 3 ຈະອອກແບບຝາຫຼັງເປັນຂອບໂຄ້ງ 3D, ສ່ວນ nova 3i ຈະເປັນຝາຫຼັງແບບ 2.5D ແຕ່ທີ່ຄືກັນ ແລະ ມັກທີ່ສຸດເລີຍກໍ່ຄື ຝາຫຼັງໄປກະຈົກທີ່ມີການໃຊ້ເທັກນິກການໄລ່ເຊດສີຢ່າງສວຍເບິ່ງມີມິຕິ

ດ້ານຫຼັງຂອງ nova 3 ຢູ່ດ້ານລຸ່ມຂອງກ້ອງຈະສະລັກເປັນ AI CAMERA, ສ່ວນຂອງ nova 3i ຢູ່ດ້ານລຸ່ມຈະສະລັກເປັນ DUAL LENS

ປະສິດທິພາບ ແລະ ສະເປັກທີ່ເກີນຄວາມຄາດໝາຍກັບລາຄາລຸ້ນກາງ Mid-range

ຫົວເຫວີຍຈັດໜັກຈັດເຕັມອີ່ຫຼີ່ ບໍ່ພຽງແຕ່ຕົວເຄື່ອງທີ່ມີການອອກແບບທີ່ຫຼູຫຼາພຣີມ້ຽມ ສະເປັກເອງກໍ່ແຮງ ແລະ ໂຫດສຸດໆ, ເພາະ nova 3i ໃຊ້ຊິບເຊັດຕົວໃໝ່ຢ່າງ Kirin 710 ທີ່ມີປະສິດທິພາບທຽບເທົ່າກັບ Snapdragon 660, ສ່ວນໃນ nova 3 ແຮງຕ້ອງຕົກໃຈເພາະຫົວເຫວີຍຈັດໜັກຈັດໃຫຍ່ໃຫ້ Kirin 970 ທີ່ໃຊ້ໃນໃນຕະກູນ P20 ຂອງທາງຫົວເຫວີຍ, ເລື່ອງຄວາມແຮງບໍ່ຢາກຈະພັນລະນາ ປະສິດທິພາບເຫຼືອລົ້ນໃນການໃຊ້ງານ ແລະ ການຫຼິ້ນເກມສູສີກັບສະມາດໂຟນເຮືອທົງລຸ້ນອື່ນໆໄດ້ສະບາຍໆ ແບບສະບາຍກະເປົາ. Ram ທີ່ໃຫ້ມາກັບ nova 3i ຈະແມ່ນ 4GB ສ່ວນທາງ nova 3 ຈະໃຫ້ມາ 6GB!! ໄດ້ຍິນແບບນີ້ມີຄວາມຮູ້ສຶກຢາກເປັນເຈົ້າຂອງຈົນສັ່ນໄປໝົດແລ້ວ. ແຕ່ຍັງບໍ່ໝົດພຽງເທົ່ານີ້!! ເທັກໂນໂລຍີໃໝ່ລ້າສຸດຈາກຫົວເຫວີຍທີ່ໃສ່ເຂົ້າມາເອົາໃຈສາຍເກມ ນັ້ນກໍ່ຄື GPU Turbo ຊ່ວຍໃຫ້ພາບລວມຂອງການປະຕິບັດງານຂອງ GPU ເພິ່ມປະສິດຕິພາບປະມວນຜົນຂຶ້ນ (+60%), ໃນຂະນະທີ່ເລັ່ງປະສິດທິພາບ GPU ຍັງຫຼຸດຜ່ອນການໃຊ້ພະລັງງານລົງອີກ (-30%), ກ້າວຂ້າມອຸປະສັກການໃຊ້ງານໄດ້ຢ່າງເຕັມປະສິດທິພາບແບບທີ່ບໍ່ສິ້ນເປືອງພະລັງງານ!!

ຫົວເຫວີຍສ້າງມາດຕະຖານໃໝ່ຂອງສະມາດໂຟນລຸ້ນກາງ Mid-range ດ້ວຍຄວາມຈຳພາຍໃນຕົວເຄື່ອງ Rom ທີ່ໃຫ້ມາໃຫຍ່ເຖິງ 128GB

ບໍ່ໄດ້ເບິ່ງຜິດ ຫຼື ຕາຝາດໄປແນ່ນອນ ເພາະຫົວເຫວີຍຈັດໃຫຍ່ໆໃຫ້ Rom 128GB!! ກ່ອນໜ້ານີ້ສະມາດໂຟນລາຄາລະດັບກາງນັ້ນ ເຕັມທີ່ສຸດໆກໍ່ຈະໃຫ້ຄວາມຈຳມາພຽງແຕ່ 64GB ເທົ່ານັ້ນ ແຕ່ນີ້ຄືຄວາມກ້າຂອງຫົວເຫວີຍທີ່ໃຫ້ພື້ນຄວາມຈຳທີ່ໃຫຍ່ໄວ້ໃຊ້ເກັບພາບຖ່າຍ, ວີດີໂອ, ໂຫຼດແອັບ ເພື່ອໃຊ້ງານກັນແບບບໍ່ຕ້ອງຢ້ານວ່າພື້ນທີ່ຈະເຕັມກັນອີກຕໍ່ໄປ

ຄວາມຈຳພາຍໃນ nova 3 ຫຼັງຫັກພື້ນທີ່ຂອງລະບົບຈະເຫຼືອ 115GB ສ່ວນ nova 3i ຈະເຫຼືອທີ່ 112GB

ແບັດເຕີລີ້ ແລະ ການໃຊ້ພະລັງງານ

ແບັດເຕີລີ້ໃນລຸ້ນ nova 3 ຈະໃຫ້ມາ 3750 mAh ແຖມມີລະບົບສາກໄວແບບ Fast Charge (ແຕ່ຈະບໍ່ແມ່ນແບບ Super Charge) ເຮັດໃຫ້ສາກໄດ້ໄວຂຶ້ນກວ່າເກ່ົາ ແລະ ສຳລັບ nova 3i ແບັດເຕີລີ້ຄວາມຈຸຈະຢູ່ທີ່ 3340 mAh ເປັນລະບົບສາກແບບທຳມະດາ

ຮອງຮັບ 2 ຊິມ Dual 4G

ອີກຈຸດເດັ່ນຂອງສະມາດໂຟນຫົວເຫວີຍ ຄືການຮອງຮັບການໃຊ້ງານໄດ້ 2 ຊິມ ໂດຍທີ່ໃຊ້ງານເປັນ 4G ໄດ້ທັງ 2 ຊິມຕ່າງຈາກສະມາດໂຟນລຸ້ນອື່ນໆໃນລະດັບລາຄາດຽວກັນ ທີ່ສ່ວນໃຫຍ່ຈະໃສ່ໄດ້ 2 ຊິມ ແຕ່ຈະສາມາດສະແຕນບາຍເປັນ 4G ໄດ້ສະເພາະຊິມທີ 1 ເທົ່ານັ້ນ

ຮອງຮັບການໃຊ້ງານ 4G ໄດ້ທັງ 2ຊິມ

ທັງໝົດນີ້ກໍ່ຄືຈຸດເດັ່ນຕ່າງໆທີ່ຕ້ອງບອກເລີຍວ່າບໍ່ຄືໃຜ, ຢາກໃຫ້ທຸກຄົນໄດ້ໄປລອງສຳຜັດດ້ວຍຕົນເອງ. ທາງດ້ານລາຄາຮັບຮອງວ່າທຸກຄົນຕ້ອງວ້າວແນ່ນອນ ເພາະ nova 3 ລາຄາແມ່ນ 4,390,000 ກີບ ແລະ nova 3i ລາຄາ 2,690,000 ກີບ!!