ຣິເບີຣີບອກຢາກຮັບໃຊ້ທີມຊາດອີກ!!

ຟຣັອງ ຣິເບຣີ ປີກຈະຫຼວດຂອງ ບາເຢິນ ມິວນິກ ແບະທ່າພ້ອມກັບໄປຫຼິ້ນໃຫ້ທີມຊາດຝຣັ່ງໃນເສິກ ຢູໂຣ 2016 ຫຼັງຈາກທີ່ເຊົາເຈັບກັບມາສົມບູນອີກຄັ້ງແລ້ວແຕ່ກໍຈຳເປັນຕ້ອງລົມກັນກັບນາຍໃຫຍ່ຂອງ “ກາໄກ່” ກ່ອນ.

 

ຟຣັອງ ຣິເບຣີ ປີກໂຕເກົ໋າ “ເສືອໃຕ້” ບາເຢິນ ມິວນິກ ສະໂມສອນຍັກໃຫຍ່ຈາກ  ບຸນເດສລີກາ ອອກມາເຜີຍເມື່ອວັນພຸດນີ້ວ່າ ເຂົາບໍ່ປິດໂອກາດທີ່ຈະກັບໄປຮັບໃຊ້ຊາດອີກເທື່ອໜຶ່ງສຳລັບລາຍການ ຢູໂຣ 2016 ທີ່ບ້ານເກີດໃນຊ່ວງກາງປີນີ້ແຕ່ກໍຕ້ອງມີການລົມກັບ ດິດິເຢ ເດສຊອງ ນາຍໃຫຍ່ເມືອງນ້ຳຫອມກ່ອນ.

ຣິເບຣີ ອາຍຸ 32 ປີປະກາດອຳລາທີມຊາດຫຼັງຈາກຈົບບານໂລກ 2014 ເຊິ່ງເຂົາພາດຕິດທີມຊຸດນັ້ນເນື່ອງຈາກອາການບາດເຈັບຫຼັງ ແຕ່ການກັບໄປລົງສະໜາມຕໍ່ໜ້າແຟນບານໃນແດນນ້ຳຫອມກໍຍັງຄົງເປັນຕົວເລືອກສຳລັບອະດີດດາວເຕະ ໂອລິມປິກ ມາກແຊ ຫຼັງເຊົາຈາກອາການບາດເຈັບຕົ້ນຂາກັບມາລົງສະໜາມອີກຄັ້ງໃນຊ່ວງກາງເດືອນກຸມພາທີ່ຜ່ານມາ.

 

“ຂ້ອຍອ່ານເຫັນວ່າ ດິດິເຢ ເດສຊອງ ຕ້ອງການຄົນທີ່ດີທີ່ສຸດໄປລຸຍໃນ ຢູໂຣ ຂ້ອຍກັບມາຫຼິ້ນອີກຄັ້ງທີ່ ບາເຢິນ ແລະ ສົມບູນເຕັມຮ້ອຍແລ້ວ ແຕ່ກ່ອນທີ່ເຈົ້າຈະຄິດເຖິງການຫຼິ້ນທີມຊາດອີກຄັ້ງມັນຕ້ອງມີການລົມກັບ ເດສຊອງ ກອ່ນນັ້ນຈະເປັນສິ່ງທີ່ຈຳເປັນ” ຣິເບຣີ ກ່າວ.

 

ສຳລັບນັດສຸດທ້າຍທີ່ ຣິເບຣີ ລັງຫຼິ້ນໃຫ້ກັບ ຝຣັ່ງ ເກີດຂຶ້ນເມື່ອປີ 2014 ຂະນະທີ່ເຈົ້າພາບ ຢູໂຣ 2016 ຢູ່ໃນກຸ່ມ ເອ ຮ່ວມກັບ ໂຣມາເນຍ, ອາວເບເນຍ ແລະ ສະວິດເຊີແລນ ໃນທົວນາເມນຊ່ວງຊຳເມີນີ້.