ຣານິເອຣີຊະນະລາງວັນຜູ້ຈັດການທີມດີເດັ່ນປີ 2016

 

ເຄລາດິໂອ ຣານິເອຣີ ກຸນຊືອີຕາລີຂອງ ເລສເຕີ ຊີຕີ ໄດ້ຮັບລາງວັນອັນຊົງກຽດຜູ້ຈັດການທີມດີເດັ່ນຟີຟາປະຈຳປີ 2016 ຫຼັງສ້າງຜົນງານຂັ້ນເທບພາຕົ້ນສັງກັດຄວ້າແຊມລີກຜູ້ດີພ້ອມຂອບໃຈທຸກໆຄົນທີ່ໃຫ້ການສະໜັບສະໜູນຈົນເຮັດໃຫ້ມີມື້ນີ້.

 

ເຄລາດິໂອ ຣານິເອຣີ ຜູ້ຈັດການທີມຂອງ ເລສເຕີ ຊີຕີ ສະໂມສອນດັງໃນ ພຣີເມຍລີກ ຍອມຮັບມີຄວາມສຸກຫຼັງໄດ້ຮັບລາງວັນຜູ້ຈັດການທີມດີເດັ່ນແຫ່ງປີຂອງສະຫະພັນບານເຕະນາໆຊາດ ຫຼື ຟີຟາ ປະຈຳປີ 2016 ຈາກການເຮັດຜົນງານສຸດຍອດພາ “ຈິງຈອກເງິນ” ໄດ້ແຊມລີກສູງສຸດເມືອງຜູ້ດີເມື່ອລະດູການທີ່ຜ່ານມາ.

 

ນາຍໃຫຍ່ອີຕາລີສ້າງເລື່ອງທີ່ສຸດຍິ່ງໃຫຍ່ອະລັງການເມື່ອນຳ “ເດິ ຟັອກ” ໄດ້ແຊມ ພຣີເມຍລີກ ທັງໆທີ່ເຂົາເຂົ້າມາເຮັດວຽກກັບຕົ້ນສັງກັດພຽງລະດູການທຳອິດເທົ່ານັ້ນນອກຈາກນີ້ ຣານິເອຣີ ຍັງເຮັດຜົນງານໄດ້ດີໂດຍການນຳ ເລສເຕີ ຜ່ານເຂົ້າຮອບ 16 ທີມສຸດທ້າຍຂອງ ຢູຟາ ແຊມປຽນລີກ ໃນລະດູການ 2016-2017.

 

ຣານິເອຣີ ເຊິ່ງກຳລັງພົບກັບສະຖານະການລຳບາກໃນລະດູການນີ້ເນື່ອງຈາກ ເລສເຕີ ຕ້ອງໜີຕົກຊັ້ນກ່າວວ່າ “ສິ່ງທີ່ໜ້າເຫຼືອເຊື່ອໃນມື້ວານນີ້ (ວັນຈັນ) ສໍາລັບຂ້ອຍກໍຄືການໄດ້ມາຢູ່ທີ່ນີ້ຮ່ວມກັບຕໍານານຫຼວງຫຼາຍ ແລະ ຕອນນີ້ຍັງໄດ້ຮັບລາງວັນນີ້ ຂ້ອຍຈົນຕື່ນ!!ຂ້ອຍເກືອບເປັນບ້າ!!ດີໃຈສຸດໆໆໆ!!!! ສຳລັບຄົນທີ່ໂຫວດໃຫ້ຂ້ອຍ”.

 

 

ທັງນີ້ກຸນຊືອາຍຸ 65 ປີໄດ້ລາງວັນນີ້ໂດຍການເອົາຊະນະ ເຟນານໂດ ຊານໂຕສ ຜູ້ຈັດການທີມຊາດປັອກຕຸຍການທີ່ນຳທັບ “ຝອຍທອງ” ໄດ້ແຊມຢູໂຣ 2016 ແລະ ຊີເນດີນ ຊີດານ ນາຍໃຫຍ່ຂອງ ເຣອັນ ມາດຣິດ ທີ່ພາຕົ້ນສັງກັດໄດ້ແຊມລີກເມື່ອລະດູການທີ່ຜ່ານມາ.

 

ບົດຄວາມໃຫມ່ໆ