ຢ່າອວດຂອງໃຫມ່ ເສື້ອຜ້າມືໜຶ່ງຕ້ອງຊັກກ່ອນໃສ່ ຖ້າບໍ່ຢາກເປັນໂລກຜິວໜັງ

ເສື້ອຜ້າມືໜຶ່ງຊື້ມາໃຫມ່ເອື້ອມແມ່ນແທ້! ແຕ່ຜ່ານມື້ໃຜຕໍ່ໃຜມາຫລາຍດ່ານ ເຊື້ອໂຣກອາດຕິດມາພ້ອມ ຖ້າບໍ່ຢາກເປັນໂຣກຜິວໜັງຕ້ອງຊັກກ່ອນໃສ່

ເສື້ອຜ້າຂອງໃຫມ່ຢ່ານໍາມາໃສ່ເລີຍເດັດຂາດ ເພາະເຖິງແມ່ນຈະຊື້ເສື້ອຜ້າມືໜຶ່ງ ແຕ່ເສື້ອຜ້າຕົວນັ້ນຜ່ານມືສອງ ສາມ ສີ່ ຫ້າ ຈົນນັບບໍ່ຖ້ວນ ມາແລ້ວ ດັ່ງນັ້ນເຖິງຈະແມ່ນເສື້ອຜ້າມືໜຶ່ງແຕ່ເຮົາກໍ່ບໍ່ຄວນພົ້ນຈະຕ້ອງສ່ຽງກັບແບກທີເຣຍ ເຊື້ອລາ ແລະ ເຊື້ອໂຣກທີ່ຊ້ອນຢູ່ໃນເສື້ອຜ້າໃຫມ່ ບອກເລີຍຖ້າຮູ້ວ່າຢູ່ໃນເສື້ອຜ້າໃຫມ່ໆນັ້ນມີເຊື້ອໂຣກຫລາຍຢ່າງທີ່ຊ້ອນຢູ່ ທຸກຄົນຕ້ອງຮູ້ສຶກຂະແຍ້ງແນ່ນອນ

ນັັກວິທະຍາສາດຈາກມະຫາວິທະຍາໄລແຫ່ງໜຶ່ງ ໄດ້ເຮັດການສຸ່ມເອົາເຊື້ອໂຣກ 14ຊະນິດ ຈາກເສື້ອຜ້າ ທັງໂສ້ງ ແລະ ຊຸດລອຍນໍ້າ ນໍາມາແລ້ວມາແຍກຊະນິດຂອງເຊື້ອອີກເທື່ອໜຶ່ງ ໂດຍພົບວ່າ ໃນເສື້ອເຊີດສີດໍາ ແລະ ສີແທນ ຈະມີຈຸລິນຊີກໍ່ໂຣກຢູ່ຂ້ອນຂ້າງຫຼາຍ ໂດຍບໍລິເວນທີ່ຄົ້ນພົບຈຸລິນຊີຊຸກຊົນຢູ່ຄື ຊ່ວງແຂນຂອງເສື້ອຜ້າ ແຕ່ທີ່ຫນ້າແປກໃຈຄື ນັກວິໄຈກວດພົບເຊື້ອຈາກຊ່ວງຂອດທີ່ຄໍເສື້ອສູດເນື້ອຜ້າໄໝອີກດ້ວຍ ຊຶ່ງຜູ້ຊຽວຊານກໍ່ສັນນິຖານວ່າ ອາດເປັນການປົນເປື້ອນ ເຊື້ອຈາກການລອງເສື້ອຜ້າຂອງລູກຄ້າຫຼາຍໆທ່ານກໍ່ເປັນໄດ້

ນອກຈາກນີ້ທີມວິໄຈຍັງກວດພົບເຊື້ອແບກທີເຣຍ ແລະ ໄວຣັດກໍ່ອາການທ້ອງເສຍໃນເສື້ອຜ້າອີກຫຼາຍຕົວ ຊຶ່ງຕົວນີ້ແຫຼະທີ່ເປັນຕາຢ້ານ ເພາະຖ້າເຮົາໃສ່ມືທີ່ສໍາຜັດເສື້ອຜ້າທີ່ຊ້ອນໂຣກຢູ່ຫລາຍ ແລ້ວມາຈັບອາຫານເຂົ້າປາກກໍ່ອາດຈະເຮັດໃຫ້ເກີດອາການເຈັບທ້ອງຂື້ນມາໄດ້ ສ່ວນການຕິດເຊື້ອກ່ອນໂຣກຜິວໜັງຈາກເສື້ອຜ້າມືໜຶ່ງ ກໍ່ມີຄວາມສ່ຍງສູງ ຫາກເຮົາລອງຊຸດໃນຮ້ານຂາຍເສື້ອຜ້າຫຼາຍໆ ຕົວ ແລະ ເປັນຄົນທີ່ຜິວບອບບາງ ຫລືຜິດແພ້ງ່າຍຢູ່ແລ້ວ

ເຖິງຢ່າງໃດກໍ່ຕາມແພດຜິວໜັງຈາກຄະນະແພດສາດໄດ້ເຜີຍວ່າ ບໍ່ແມ່ນພຽງເຊື້ອໂຣກແຕ່ແບັກທີເຣຍ ແລະ ເຊື້ອລາເທົ່ານັ້ນທີ່ອາດເປັນສາເຫດຂອງອາການຜິວແພ້ເສື້ອຜ້າໄດ້ ແຕ່ໃນອຸດສາຫະກໍາເສື້ອຜ້າຍັງມີສານເຄມີຢູ່ອີກຫລາຍຊະນິດ ອາດເປັນຕົ້ນເຫດຂອງການລະຄາຍເຄືອງຜິວໜັງ ໂດຍສະເພາະຄົນທີ່ຜິວໜັງບອບບາງເປັນພິເສດ ໂດຍສານເຄມີທີ່ພົບໄໄດ້ຫລາຍໃນເນື້ອເສື້ອຜ້າມືຫນຶ່ງ ກໍ່ຈະມີຕັ້ງແຕ່ສານ ຟໍມາດີໄຮ ທີ່ໃຊ້ຮັກສາເນື້ອຂອງຜ້າໃນລະຫວ່າງການຂົນສົ່ງ ຊ່ວຍໃຫ້ເສື້ອຜ້າໃຫມ່ບໍ່ຊື້ນ ນອກຈາກນີ້ກໍ່ຍັງມີ ເລຊິນ ສານເຄືອບຜິວຜ້າໃຫ້ມີຄວາມເງົາ ແລະມີເນື້ອຜ້າມີແຂງແດ່ ແລະ ຊ່ວຍປ້ອງກັນເຊື້ອລາໃນເນື້ອຜ້າ ສານເຫຼົ່ານີ້ແຫຼະທີ່ອາດກໍ່ໃຫ້ເກີດອາການແພ້ ຜື່ນຄັນ ຜິວແດງ ທັງນີ້ກໍ່ຍັງມີການສຶກສາເພີ່ມຕື່ມອີກວ່າ ສານເຄມີໃນເສື້ອຜ້າເປັນສາເຫດໜຶ່ງຂອງໂຣກສະເກັດເງິນໃນບາງຄົນໄດ້

ດັ່ງນັ້ນທ່ານໃດທີ່ມັກອວດຊຸດໃຫມ່ ໃສ່ທັ້ງທີ່ຍັງບໍ່ໄດ້ຊັກ ກໍ່ປ່ຽນພຶດຕິກໍາໃຫມ່ໂດຍດ່ວນ ກ່ອນຈະພາຕົວເອງໄປສູ່ໂຣກຜິວຫນັງທັ້ງທີ່ຍັງບໍ່ຈໍາເປັນເລີຍ

ບົດຄວາມໃຫມ່ໆ