ຢ່າກິນຄູ່ກັນ ເພາະມັນຄະລຳ

 

    ອາຫານ ແລະ ໝາກໄມ້ມີຫຼາກຫຼາຍປະເພດ ເຊິ່ງມີທັງຄຸນປະໂຫຍດທີ່ຄືກັນ ແລະ ແຕກຕ່າງກັນ. ຢ່າງໃດກໍຕາມ ອາຫານ ແລະ ໝາກໄມ້ບາງຊະນິດກໍບໍ່ຄວນກິນຄູ່ກັນ ເຊິ່ງຫຼາຍຄົນກໍວິຕົກກັງວົນວ່າມັນແມ່ນແທ້ບໍ ຂໍ້ໃດແມ່ນແທ້ ຫຼື ຂໍ້ໃດບໍ່ແມ່ນ ? ນພ. ກິດສະດາ ສີຣາມພຸຊ ຜູ້ອໍານວຍການສູນວິທະຍາສາດທາງການແພດນາໆຊາດ ໄດ້ມາໄຂຂໍ້ສົງໄສໃຫ້ທ່ານແລ້ວ.

 

    - ໝາກກ້ວຍ ກັບ ມັນເຜືອກ " ຫ້າມຮັບປະທານຄູ່ກັນ ເພາະຈະເຮັດໃຫ້ຍຶ່ງທ້ອງ " : ອັນນີ້ມີສ່ວນຢູ່ ເພາະໝາກກ້ວຍກັບເຜືອກມີສິ່ງທີ່ຄືກັນຄື ແປ້ງ ປະລິມານມະຫາສານ ເມື່ອແປ້ງຖືກໝັກຢູ່ໃນທ້ອງກໍຈະເກີດແກ໊ດຈຶ່ງເຮັດໃຫ້ແໜ້ນທ້ອງໄດ້.

    - ເຫຼົ້າຂາວ ກັບ ໝາກພັບ " ຫ້າມຮັບປະທານຄູ່ກັນ ເພາະຈະເຮັດໃຫ້ເປັນພິດ " : ເລື່ອງຄວາມເປັນພິດນັ້ນບໍ່ຕ້ອງກັງວົນເລີຍ ໝາກພັບມີເບຕ້າແຄໂຣທີນສູງຫຼາຍຈຶ່ງຊ່ວຍບໍາລຸງຕັບໄດ້ແຕ່ວ່າເຫຼົ້າຂາວນັ້ນບໍ່ດີຕໍ່ຕັບ ເຖິງວ່າບໍ່ມີບັນຫາເວລາກິນຄູ່ກັນແຕ່ດື່ມເຫຼົ້າຫຼາຍກໍເປັນອັນຕະລາຍຢ່າງແນ່ນອນ.

    - ໝາກກ້ຽງ ກັບ ໝາກນາວ " ຫ້າມຮັບປະທານຄູ່ກັນ ຈະເຮັດໃຫ້ກະເພາະຊອດ " : ເນື່ອງຈາກລົດຊາດສົ້ມຂອງໝາກໄມ້ທັງສອງຊະນິດນີ້ ບາງຄົນເມື່ອຮັບປະທານເຂົ້າໄປກໍຈະເຮັດໃຫ້ຈຸກແສບກະເພາະ ຫຼື ທ້ອງປັ່ນປ່ວນກໍເທົ່ານັ້ນເອງ.

 

 

    -  ໝາກກ້ວຍ, ໝາກຫຸ່ງ ແລະ ໝາກແຕງໂມ " ຫ້າມຮັບປະທານຄູ່ກັນ ຈະເຮັດໃຫ້ເກີດເປັນໂລກເບົາຫວານ " : ເຖິງວ່າໝາກໄມ້ຈໍາພວກນີ້ຈະມີລະດັບນໍ້າຕານຫຼາຍ ( Glycemic Index ) ເປັນອັນດັບຕົ້ນໆ ທີ່ຄົນເປັນເບົາຫວານຕ້ອງລະວັງ ເພາະອາດເຮັດໃຫ້ລະດັບນໍ້າຕານໃນເລືອດສູງໄດ້ ແຕ່ບໍ່ເຖິງຂັ້ນເຮັດໃຫ້ທ່ານເປັນເບົາຫວານຢ່າງແນ່ນອນ.

    - ນໍ້າເຜິ້ງ ກັບ ນໍ້າອຸ່ນ " ນໍ້າເຜິ້ງທີ່ປະສົມກັບນໍ້າອຸ່ນຈະເສຍວິຕາມິນໄປ " : ວິຕາມິນບີ ແລະ ວິຕາມິນຊີທີ່ມີຢູ່ໃນນໍ້າເຜິ້ງຂ້ອນຂ້າງຈະມີໜ້ອຍຢູ່ແລ້ວ ແລະ ຖ້າປະສົມກັບນໍ້າອຸ່ນຍິ່ງເຮັດໃຫ້ສູນເສຍວິຕາມິນໄປ.

    - ຫົວຜັກກາດຂາວ ກັບ ໝາກໄມ້ທຸກຊະນິດ " ຫ້າມຮັບປະທານຄູ່ກັນ ຈະເຮັດໃຫ້ເກີດເປັນຄໍໜຽງ " : ຄໍໜຽງບໍ່ໄດ້ເປັນງ່າຍໆ ແລະ ການກິນຫົວຜັກກາດຂາວ ກັບ ໝາກໄມ້ທຸກຊະນິດກໍບໍ່ໄດ້ມີບັນຫາຫຍັງເລີຍ ແຕ່ສິ່ງທີ່ຕ້ອງລະວັງສໍາລັບຄົນທີ່ເປັນຄໍໜຽງຄື ກະລໍ່າປີດິບ ຕ່າງຫາກ.