ຢູ່ຍາວ!!ລິນກາດເຊັນກັບຜີຍາວຮອດ 2021

 

ແມນ ຢູໄນເຕັດ ລະບຸ ເຈສຊີ ລິນກາດ ຕໍ່ສັນຍາກັບທີມແລ້ວ ໂດຍຈະມີຜົນຈົນຮອດປີ 2021 ເຈົ້າຕົວເປີດເຜີຍສຸດແຮັບປີທີ່ຈະໄດ້ຢູ່ກັບທີມຕໍ່ໄປ.

 

ແມນເຊສເຕີ ຢູໄນເຕັດ ສະໂມສອນຍັກໃຫຍ່ຂອງ ພຣີເມຍລີກ ປະກາດເມື່ອວັນພະຫັດທີ່ຜ່ານມາວ່າ ເຈສຊີ ລິນກາດ ກອງກາງເລືອດຜູ້ດີຕໍ່ສັນຍາກັບທີມຈົນຮອດປີ 2021 ເປັນທີ່ຮຽບຮ້ອຍແລ້ວ.

 

ມີຂ່າວລືອອກມາຕັ້ງແຕ່ກ່ອນໜ້ານີ້ວ່ານັກເຕະຕົກລົງທີ່ຈະເຊັນສັນຍາສະບັບໃໝ່ກັບທີມແລ້ວ ໂດຍເວົ້າກັນວ່າເຂົາໄດ້ຮັບຄ່າເມື່ອຍສູງເຖິງ 100,000 ປອນຕໍ່ອາທິດ ເຊິ່ງຫຼ້າສຸດ ແມນຢູ ກໍບອກວ່າ ລິນກາດ ຕໍ່ສັນຍາແລ້ວແຕ່ບໍ່ໄດ້ບອກວ່າເຂົາຈະໄດ້ຄ່າເມື່ອຍເທົ່າໃດ.

 

ທັງນີ້ ລິນກາດ ເຜີຍວ່າຮູ້ສຶກດີໃຈທີ່ຈະໄດ້ຢູ່ກັບທີມຕໍ່ໄປ “ແມນເຊສເຕີ ຢູໄນເຕັດ ເປັນສ່ວນສຳຄັນໃນຊີວິດຂອງຂ້ອຍ ຂ້ອຍຢູ່ກັບທີມນີ້ມາຕັ້ງແຕ່ອາຍຸ 7 ປີ ແລະ ຂ້ອຍຮູ້ສຶກພູມໃຈທຸກເທື່ອທີ່ໄດ້ໃສ່ເສື້ອຂອງສະໂມສອນລົງຫຼິ້ນ ການເຮັດປະຕູໃຫ້ທີມທີ່ຂ້ອຍຢູ່ມາຕັ້ງແຕ່ນ້ອຍໄດ້ໃນນັດຊິງຊະນະເລີດຂອງລາຍການບານຖ້ວຍເຖິງ 2 ນັດຖືວ່າເປັນເວລາທີ່ໜ້າພູມໃຈຢ່າງຫຼາຍທັງສຳລັບໂຕຂ້ອຍ ແລະ ສະໂມສອນ”.

 

“ໃນຖານະທີມແລ້ວນັ້ນລະດູການນີ້ເຮົາກໍໄດ້ແຊມລາຍການໃຫຍ່ໆໄປແລ້ວ ແລະ ຕອນນີ້ຂ້ອຍກໍຕັ້ງຕາຖ້າທີ່ຈະຊ່ວຍໃຫ້ເຮົາໄດ້ແຊມມາຄອງຫຼາຍກວ່າເກົ່າະພາຍໃຕ້ການເຮັດທີມຂອງຜູ້ຈັດການທີມຊັ້ນດີ ຂ້ອຍຢາກກ່າວຂອບໃຈແຟນບານເປັນພິເສດທີ່ໃຫ້ການສະໜັບສະໜູນຂ້ອຍເປັນຢ່າງດີ ພວກເຂົາໃຫ້ກໍາລັງໃຈຂ້ອຍ ແລະ ທີມຢູ່ສະເໝີ” ດາວເຕະທີມຊາດອັງກິດລະບຸ.