ຢູເວັນຕຸດຕ້ອງສູ້ເສິກໜັກກັບການດຶງໂຕ ມາຣິໂອ ເກິດເຊ

ຢູເວັນຕຸດ ຕ້ອງພົບກັບເສິກໜັກໃນການດຶງໂຕນັກເຕະຝີຕີນດີໆກໍຄື ມາຣິໂອ ເກິດເຊ ກອງກາງ ບາເຢິນ ມິວນິກ ເມື່ອ ບາເຊໂລນາ ກໍສະແດງຄວາມສົນໃຈເຊັ່ນດຽວກັນ ຫຼັງຈາກທີ່ “ມ້າລາຍ” ວາງແຜນທີ່ຈະດຶງໂຕນັກເຕະລະດັບທີມຊາດຂອງເຢຍລະມັນມາເສີມທັບໃຫ້ໄດ້ໃນຊ່ວງປີໃໝ່ນີ້.

“ມ້າລາຍ” ຢູເວັນຕຸດ ສະໂມສອນຍັກໃຫຍ່ແຫ່ງເສິກ ກັນໂຊ ຊີເຣຍ ອາ ຕົກເປັນຂ່າວວ່າຈະຕ້ອງສູ້ກັບ “ເຈົ້າບຸນທຸ່ມ” ບາເຊໂລນາ ສະໂມສອນຍັກໃຫຍ່ຈາກ ລາ ລີກາ ສະເປນ ເພື່ອດຶງໂຕ ມາຣິໂອ ເກິດເຊ ເພເມກເກີ້ໂຕເກັ່ງ “ເສືອໃຕ້” ບາເຢິນ ມິວນິກ ສະໂມສອນຍັກໃຫຍ່ຈາກລີກເຢຍລະມັນ ມາເສີມທັບຈາກການລາຍງານເມື່ອວັນທີ 14 ກັນຍາທີ່ຜ່ານມາ.

ຢູເວັນຕຸດ ຕົກເປັນຂ່າວກັບສະຕາອາຍຸ 23 ປີຄົນນີ້ຕະຫຼອດຊ່ວງພັກລະດູການທີ່ຜ່ານມາ ແຕ່ເນື່ອງຈາກຄ່າເມື່ອຍທີ່ມະຫາສານຈຶ່ງເຮັດໃຫ້ນັກເຕະບໍ່ໄດ້ຍ້າຍມາຖິ່ນ ຢູເວັນຕຸດ ສະເຕດ້ຽມ ຢ່າງໃດກໍຕາມມີລາຍງານວ່າ ຢູເຊັບເປ ມາຣັອດຕ້າ ຜູ້ອຳນວຍການ “ເຈົ້າມ້າລາຍ” ກຽມທີ່ຈະຢື່ນຂໍ້ສະເໜີຊື້ດາວເຕະທີມຊາດເຢຍລະມັນອີກເທື່ອໜຶ່ງໃນເດືອນມັງກອນ ແຕ່ກໍອາດຈະຕ້ອງພົບກັບຂູ່ແຂ່ງເມື່ອ ບາເຊໂລນາ ກໍຈອງເຊັ່ນດຽວກັນ.

ຢູເວັນຕຸດ ຕ້ອງການໄດ້ໂຕສ້າງສັນເກມເຂົ້າມາເສີມທັບ ຫຼັງຈາກທີ່ເລີ່ມຕົ້ນລະດູການນີ້ແບບຍາກລຳບາກ ແລະ ພ້ອມທີ່ຍື່ນຂໍ້ສະເໜີທີ່ເທົ່າໆກັບ ບາເຊໂລນາ ເພື່ອດຶງ ເກິດເຊ ມາຮ່ວມທີມໃຫ້ໄດ້ ຂະນະທີ່ນັກເຕະຄົນນີ້ບໍ່ໄດ້ມີຄວາມສຸກກັບການຫຼິ້ນໃນ ອັລລິອັນ ອາຣິນາ ແລະ ມີຄວາມເປັນໄປໄດ້ທີ່ຈະຕັດສິນໃຈຍ້າຍທີມ.

.......................................................................................................................................................