ຢູເວຊຶມເລີຍ!! ດິບາລາເຈັບຕົ້ນຂາ

 

ຢູເວັນຕຸດ ລະບຸແລ້ວວ່າ ເປົາໂລ ດິບາລາ ຫົວຫອກຄົນສຳຄັນຂອງທີມເຈັບບໍລິເວນກ້າມຊີ້ນຕົ້ນຂາຂວາຈາກເກມທີ່ປລາໄຊໃຫ້ກັບ ເອຊີ ມິລານ ແຕ່ຍັງບໍ່ໄດ້ເຜີຍວ່າເຂົາຕ້ອງພັກດົນປານໃດ.

 

ຢູເວັນຕຸດ ຖະແຫຼງການວ່າ ເປົາໂລ ດິບາລາ ກອງໜ້າຄົນເກັ່ງຂອງທີມມີອາການບາດເຈັບບໍລິເວນກ້າມຊີ້ນຕົ້ນຂາຂວາຈາກເກມລີກນັດທີ່ພວກເຂົາອອກໄປເສຍໃຫ້ກັບ ເອຊີ ມິລານ 1-0 ເມື່ອວັນເສົາທີ່ຜ່ານມາ.

 

ດິບາລາ ຕ້ອງຖືກປ່ຽນໂຕອອກຈາກສະໜາມໃນນາທີ 33 ຂອງນັດດັ່ງກ່າວເຊິ່ງເຂົາຫາກໍຮອບການກວດເພີ່ມຕື່ມເມື່ອວັນອາທິດທີ່ຜ່ານມາເພື່ອເບິ່ງວ່າອາການຮ້າຍແຮງຫຼາຍໜ້ອຍປານໃດ ແລະ ຫຼ້າສຸດກໍມີການພົບວ່າກ້າມຊີ້ນສ່ວນໜຶ່ງມັນເຖິງຂັ້ນຈີກຂາດ.

 

“ການກວດອາການຂອງ ເປົາໂລ ດິບາລາ ເຮັດໃຫ້ພົບວ່ານັກເຕະຖືກກະແທກເຂົ້າທີ່ດ້ານຫຼັງຕົ້ນຂາຂວາລະຫວ່າງເກມວັນເສົາກັບ ມິລານ ທີ່ ຊານຊີໂຣ ເຊິ່ງມັນເຮັດໃຫ້ເຂົາໄດ້ຮັບບາດເຈັບຈົນຕ້ອງຖືກປ່ຽນຕົວອອກ ຜົນການກວດໃນວັນອາທິດໄດ້ຢືນຢັນເຖິງຄວາມເສຍຫາຍເລັກນ້ອຍບໍລິເວນກ້າມຊີ້ນໂດຍທີ່ເກີດການຈີກຂາດລະຫວ່າງເສັ້ນທີ 1 ກັບເສັ້ນທີ 2 ນັກເຕະຈະເຂົ້າຮັບການກວດເພີ່ມຕື່ມໃນອີກບໍ່ເທົ່າໃດມື້ຕໍ່ຈາກນີ້ເພື່ອລະບຸຂອບເຂດຂອງອາການບາດເຈັບໃຫ້ຊັດເຈນຂຶ້ນ” ຢູເວ ລະບຸ.