ຢູເຊນ ໂບ ຮັບລາງວັນນັກກີທາດີເດັ່ນ 2016

 

ຢູເຊນ ໂບ ນັກແລ່ນຊື່ດັງໄດ້ລາງວັນນັກກີທາຊາຍດີເດັ່ນປະຈຳປີ 2016 ໂດຍຖືເປັນເທື່ອທີ 6 ທີ່ເຂົາໄດ້ລາງວັນນີ້ ຕົນເອງເຜີຍດີໃຈຫຼາຍກັບລາງວັນໃນເທື່ອນີ້.

 

ຢູເຊນ ໂບ ນັກກິລາແລ່ນເລືອດຈາເມກາໄດ້ຮັບລາງວັນນັກກີທາດີເດັ່ນປະຈຳປີ 2016 ໃນງານມອບລາງວັນທີ່ລາຊາລັດໂມນາໂກເມື່ອວັນອາທິດທີ່ຜ່ານມາ.

 

ໂບ ເຮັດຜົນງານໄດ້ຢ່າງເທບໃນປີ 2016 ໂດຍເຂົາໄດ້ຫຼຽນຄຳເຖິງ 3 ຫຼຽນໃນລາຍການ ໂອລິມປິກ ເກມ 2016 ທີ່ເມືອງຣິໂອ ເດິ ຈາເນໂຣ ປະເທດບາຊິວເປັນເຈົ້າພາບປະກອບດ້ວຍແລ່ນ 100 ແມັດຊາຍ, 200 ແມັດຊາຍ ແລະ ແລ່ນປ່ຽນ 4x100 ແມັດຊາຍສົ່ງຜົນໃຫ້ເຂົາໄດ້ຮັບລາງອັນຊົງກຽດນີ້ເຊິ່ງມັນນັບເປັນສະໄໝທີ່ 6 ຂອງເຂົາແລ້ວ.

 

ທັງນີ້ ຈະຫຼວດພື້ນດິນອາຍຸ 30 ປີກ່າວວ່າຮູ້ສຶກດີໃຈຫຼາຍກັບລາງວັນທີ່ໄດ້ຮັບໃນຄັ້ງນີ້ “ມັນເປັນເລື່ອງທີ່ຍິ່ງໃຫຍ່ ເມື່ອເຈົ້າໄດ້ເປັນນັກກິລາກີທາດີເລີດ ມັນກໍໝາຍຄວາມວ່າການເຮັດວຽກໜັກຂອງເຈົ້າມັນຄຸ້ມຄ່າ ລາງວັນໃນເທື່ອນີ້ມັນກໍມີຄວາມໝາຍຢ່າງຫຼວງກັບຂ້ອຍຄືກັບຕອນທີ່ໄດ້ຮັບຄັ້ງທຳອິດເຊັ່ນກັນ”.

 

ບົດຄວາມໃຫມ່ໆ