ຢູຟາສັ່ງໄໝເງິນຮັງກາຣີຖານປະທະຕຳຫຼວດ

 

ສະຫະພັນບານເຕະຮັງກາຣີຖືກ ຢູຟາ ໄໝເງິນສູງເຖິງ 65,000 ເອີໂຣໂທດຖານທີ່ກອງເຊຍໄປກໍ່ເຫດວິວາດປະທະກັບຕຳຫຼວດ ແລະ ແຟນບານບາງສ່ວນຂອງທີມຍັງພະຍາຍາມປີນຮົ້ວເພື່ອໄປສົມທັບກັບໝູ່ໃນນັດທີ່ທີມຮັກສະເໝີກັບໄອສ໌ແລນໃນເກມ ຢູໂຣ 2016 ຮອບແບ່ງກຸ່ມເມື່ອທ້າຍອາທິດທີ່ຜ່ານມາ.

 

ສະຫະພັນບານເອີຣົບ ຫຼື ຢູຟາ ໄດ້ສັ່ງໄໝເງິນສະຫະພັນບານເຕະຂອງຮັງກາຣີເປັນຈຳນວນ 65,000 ເອີໂຣຫຼັງຈາກທີ່ແຟນບານຂອງທີມຊາດຮັງກາຣີມີເຫດກະທົບກະທັ້ງກັບເຈົ້າໜ້າທີ່ຕຳຫຼວດພາຍໃນສະໜາມກ່ອນໜ້າທີ່ທີມສະເໝີກັບໄອສ໌ແລນ 1-1 ໃນເກມບານເຕະຊິງແຊມແຫ່ງຊາດເອີຣົບ ຢູໂຣ 2016 ຮອບແບ່ງກຸ່ມຂອງກຸ່ມ ເອຟ ນັດທີສອງເມື່ອວັນເສົາທີ 18 ທີ່ຜ່ານມາ.

 

ກ່ອນໜ້າທີ່ເກມດັ່ງກ່າວຈະເລີ່ມຂຶ້ນນັ້ນແຟນບານຮັງກາຣີຈູດພຸຕອນທີ່ເພງຊາດຂອງເຂົາດັງຂຶ້ນອີກທັງຍັງພະຍາຍາມຈະປີນຂ້າມຮົ້ວມາໃຫ້ໄດ້ເພື່ອທີ່ຈະມາຮ່ວມກຸ່ມກັບແຟນບານຈາກຊາດດຽວກັນແຕ່ເຈົ້າໜ້າທີ່ສະໜາມເຂົ້າມາຫ້າມເອົາໄວ້ຈົນເຮັດໃຫ້ເກີດການຊົກຕີກັນແລ້ວຈາກນັ້ນເຫດການກໍບານປາຍຈົນຕຳຫຼວດເຂົ້າມາມີສ່ວນຮ່ວມນຳ.

 

ຫຼ້າສຸດສະຫະພັນບານເຕະຮັງກາຣີຖືກ ຢູຟາ ຕັ້ງຂໍ້ຫາ 3 ກະທົງນຳກັນທັງແຟນບານກໍ່ຄວາມບໍ່ສະຫງົບໃນສະໜາມ, ໂຍນພຸ ແລະ ດຶກສິ່ງຂອງລົງໄປໃນສະໜາມລວມເຖິງໄໝເງິນ 65,000 ເອີໂຣເຊິ່ງຖືເປັນຊາດທີສາມແລ້ວຕໍ່ຈາກລັດເຊຍ ແລະ ໂຄເອເຊຍ ໃນທົວນາເມັນນີ້.

 

ຂະນະດຽວກັນອີກ 5 ຊາດຄື ອາວເບເນຍ, ໂຣມາເນຍ, ຕຸລະກີ, ແບນຊິກ ແລະ ປັອກຕຸຍການ ກໍຖືກ ຢູຟາ ລົງໂທດທາງວິໄນເຊັ່ນກັນ.