ຢຸ່ຕໍ່ບໍ່..ໂອຊິວເຜີຍແຮັບປີກັບປືນດີ

 

ເມຊຸດ ໂອຊິວ ຈອມທັບຂອງ ອາເຊນອນ ລະບຸເອງແລ້ວວ່າຕອນນີ້ຍັງແຮັບປີດີກັບ “ປືນໃຫຍ່” ສ່ວນເລື່ອງຕໍ່ສັນຍາ ຫຼື ບໍ່ນັ້ນຈະເຈລະຈາກັນໃນຊ່ວງຊຳເມີນີ້.

 

ເມຊຸດ ໂອຊິວ ເພເມກເກີຂອງ ອາເຊນອນ ສະໂມສອນຍັກໃຫຍ່ຂອງ ພຣີເມຍລີກ ເຜີຍວ່າຕົນຍັງມີຄວາມສຸກດີກັບທີມ ທ່າມກາງກະແສຂ່າວລືວ່າເຂົາຈະຍ້າຍອອກຈາກທີມໃນຊ່ວງຊຳເມີນີ້ຫຼັງຈາກທີ່ຍັງບໍ່ໄດ້ຕໍ່ສັນຍາກັບທີມ.

 

ສັນຍາສະບັບປັດຈຸບັນຂອງ ໂອຊິວ ຈະໝົດລົງຫຼັງຈາກຈົບລະດູການໜ້າເຊິ່ງທີ່ຜ່ານເຂົາກໍຖືກບາງຝ່າຍວິຈານຢ່າງໜັກທີ່ໂຊຟອມໄດ້ບໍ່ດີ ໂດຍສະເພາະໃນເກມໃຫຍ່ໆທີ່ເກືອບຈະບໍ່ມີບົດບາດເລີຍ ຈົນເຮັດໃຫ້ມີລາຍງານວ່າເຂົາອາດຈະບໍ່ຢູ່ກັບທີມອີກຕໍ່ໄປແລ້ວ ໂດຍທີ່ມີ ເຟເນບາເຊ ເປັນໜຶ່ງໃນທີມທີ່ຢາກໄດ້ເຂົາໄປຮ່ວມທັບ.

 

ແຄ່ງທີມຊາດເຢຍລະມັນໃຫ້ສຳພາດກັບ ສະກາຍສະປອດ ນິວ ສື່ກິລາຊື່ດັງຂອງເມືອງຜູ້ດີວ່າ “ອາເຊນອນ ເປັນໜຶ່ງໃນທີມທີ່ດີທີ່ສຸດຂອງໂລກ ແລະ ນະຄອນລອນດອນກໍເປັນເມືອງທີ່ດີ ເປັນເມືອງໜ້າຢູ່ ຂ້ອຍຮູ້ສຶກສະດວກສະບາຍກັບທີ່ນີ້ຄືທີ່ເຄີຍເວົ້າມາຕະຫຼອດ ຂ້ອຍມີຄວາມສຸກດີ ຄືທີ່ຂ້ອຍເຄີຍບອກໄປກ່ອນໜ້ານີ້ຫັນແຫຼະວ່າເຮົາຈະລົມກັນໃນຊ່ວງຊຳເມີ ແຕ່ຕອນນີ້ ອາເຊນອນ ມີຄວາມສຳຄັນຫຼາຍກວ່ານັກເຕະທຸກຄົນ ແລະ ຂ້ອຍກໍເຄົາລົບເລື່ອງນັ້ນ ດັ່ງນັ້ນຫຼັງຈົບລະດູການນີ້ເຮົາຈະລົມກັນແລ້ວຈຶ່ງເຮັດການຕັດສິນໃຈຈາກຈຸດນັ້ນຕໍ່ໄປ”.

 

ບົດຄວາມໃຫມ່ໆ