ຢືນຢັນ​ເຫັນ​ຜົນແທ້​!! ເຕັກ​ນິກ​ບໍລິຫານ​ມື​ແກ້​ “ນິ້ວ​ລ໋ອກ​” ໜຸ່ມ​ສາວ​ອັອບ​ຟິດ​ ນັກ​ແຊັດ​ຕ້ອງ​ເບິ່ງ

ບັນຫາ​ທີ່ຄົນ​ໄອ​ທີ​ທັງ​ແຊັດ​ ທັງ​ພິມ​ງານ​ໃຊ້​ນິ້ວ​ຢ່າງ​ໜັກ​ໜ່ວງ​ຈົນ​ອາດ​ເຮັດໃຫ້​ເກີດ​ອາການ​ ນິ້ວ​ລ໋ອກ​ມາ​ຮຽນ​ຮູ້​ເຕັກ​ນິກ​ການ​ບໍລິຫານ​ມື​ ເພື່ອ​ປ້ອງ​ກັນ​ ແລະ​ຫຼຸດ​ການ​ເກີດ​ອາການ​ນິ້ວ​ລ໋ອກ​

ພະຍາດ​ນິ້ວ​ລ໋ອກ​
ເປັນ​ພະຍາດ​ທີ່​ກ່ຽວກັບ​ກ້າມເນື້ອແລະ​ກະດູກ​ ຊຶ່ງ​ເປັນ​ພະຍາດ​ທີ່ພົບ​ໄດ້​ເລື້ອຍ​ໆກັບ​ທຸກ​ເພດ​ທຸກ​ໄວ​ ສ່ວນ​ໃຫຍ່​ຈະ​ພົບ​ໄດ້​ຫລາຍ​ໃນ​ກຸ່ມ​ຄົນ​ໄວ​ເຮັດວຽກ​ ພະຍາດ​ນີ້​ບໍ່​ໄດ້​ເກີດ​ອັນ ຕະລາຍ​ເຖິງ​ຊີວິດ​ ແຕ່​ຫາກ​ໃຜ​ເປັນ​ພະຍາດ​ນີ້​ແລ້ວ​ ມື​ຂອງ​ເຈົ້າ​ຈະ​ບໍ່​ສາມາດ​ກັບ​ມາ​ໃຊ້​ງານ​ໄດ້​ເຕັມ​ 100 % ເພາະ​ຈະ​ເຈັບ​ປວດ​ ໜ້າລຳຄານ​ ບໍ່​ສາມາດ​​ຈັບ​ຫຍັງ​ໄດ້​ສະ​ດວກ​ ສ່ວນ​ສາ​ເຫດ​ຂອງ​ການ​ເກີດ​ນິ້ວ​ລ໋ອກ​ນັ້ນ​ກໍ່​ຈະ​ມາ​ຈາກ​ການ​ເຮັດ​ວຽກງານ​ທີ່​ຕ້ອງ​ໃຊ້​ນິ້ວ​ຊ້ຳ​ໆ​ ກັນ​ເລື້ອຍໆ​ ເຮັດໃຫ້​ນິ້ວ​ເກີດ​ການ​ຈັງ​ ຊຶ່ງ​ຈະ​ເຮັດໃຫ້​ ປອກ​ຫຸ້ມ​ເອັນ​ອັກ​ເສບ​ ຈົນ​ສຸດ​ທ້າຍ​ກໍ່ນຳ​ໄປ​ສູ່​ການ​ເປັນ​ພາ​ວະ​ນິ້ວ​ລ໋ອກ​ໄດ້.​

ອາ​ຊີບ​ຫຍັງ​ແດ່​ທີ່​ມີ​ໂອ​ກາດ​ສ່ຽງ​ຕໍ່​ການ​ເກີດ​ພະຍາດ​ນິ້ວ​ລ໋ອກ​
1. ນັກ​ຕີກັອບ​ (Golfer)
2. ໝໍນ​ວດ​ແຜນ​ບູຮານ​ (Massager)
3. ຊ່າງ​ (Craftsman, Mechanic)
4. ນັກ​ຍູ​ໂດ​ (Judo, Jujitsu)
5. ແມ່​ບ້ານ​ (Housewife)

ວິທີ​ເຮັດ​ກາຍະ​ພາບ​ມື​ປ້ອງ​ກັນ​ນິ້ວ​ລ໋ອກ​ຖາວອນ​

1. ຢືດ​ກ້າມ​ເນື້ອແຂນ​ ມື​ ນິ້ວ​ມື​ ໂດຍ​ຍົກ​ແຂນ​ລະ​ດັບ​ໄຫຼ່​ ໃຊ້​ມື​ຂ້າງ​ໜຶ່ງ​ດັນ​ໃຫ້​ຂໍ້​ມື​ກະ​ດົກ​ຂຶ້ນ​-ລົງ​ ປາຍ​ນິ້ວ​ຢຽດ​ກົງ​ຄ້າງ​ໄວ້​ ນັບ​ 1-10 ແລ້ວ​ປ່ອຍ​ ເຮັດ​ 6-10 ເທື່ອ​/ເຊັດ​

2. ບໍລິຫານ​ການ​ກຳ​-ແບ​ມື​ ໂດຍ​ຝຶກ​ກຳ​-ແບ​ ເພື່ອ​ເພີ່ມ​ການ​ເຄື່ອນ​ໄຫວ​ຂອງ​ຂໍ້​ນິ້ວ​ມື​ ແລະ​ກຳ​ລັງ​ກ້າມເນື້ອ​ພາຍ​ໃນ​ມື​ຫລື​ອາດ​ຖືໝາກ ບານ​ໃນ​ຝ່າ​ມື​ກໍ່​ໄດ້​ ໂດຍ​ເຮັດ​ 6-10 ເທື່ອ​/ເຊັດ.​

3. ທ່າ​ເພີ່ມ​ກຳ​ລັງ​ກ້າມ​ເນື້ອ​ທີ່​ໃຊ້​ງໍ​-ຢຽດ​ນິ້ວ​ມື​ ໂດຍ​ໃຊ້​ຢາງ​ຢືດ​ຊ່ວຍ​ຕ້ານ​ ແລ້ວ​ໃຊ້​ນິ້ວ​ມື​ຢຽດ​ອ້າ​ນິ້ວ​ອອກ​ ຄ້າງ​ໄວ້​ ນັບ​ 1-10 ແລ້ວ​ຄ່ອຍ​ໆ​ ປ່ອຍ​ ເຮັດ​ 6-10 ເທື່ອ​/ເຊັດ.​

ວິທີ​ຫຼຸດຄວາມ​ສ່ຽງ​ການ​ເປັນ​ນິ້ວ​ລ໋ອກ​

1. ບໍ່​ຖື​ຂອງ​ໜັກ​ເກີນ​ໄປ​ ຖ້າ​ຈຳ​ເປັນ​ຕ້ອງ​ຖືໃຫ້​ໃຊ້​ຜ້າຂົນ​ໜູຮ​ອງ​ແລະ​ຖື​ໃຫ້​ນ້ຳ​ໜັກ​ຕົກ​ທີ່​ຝ່າ​ມື​ ອາດ​ໃຊ້​ວິທີ​ການ​ອຸ້ມຫລື​ລົດ​ເຂັນ​ລາກ​ແທນ​ ເພື່ອລົດ​ການ​ຮັບ​ນ້ຳ​ໜັກ​ທີ່​ນິ້ວ​ມື.​
2. ຄວນ​ໃສ່​ຖົງ​ມື​ຫລື​ຫໍ່​ຫຸ້ມ​ດ້າມ​ຈັບ​ເຄື່ອງ​ມື​ໃຫ້​ນຸ່ມ​ຂຶ້ນ​ແລະ​ຈັດ​ເຮັດ​ຂະໜາດ​ທີ່​ຈັບ​ເໝາະ​ແກ່​ການ​ໃຊ້​ງານ​ ຂະນະ​ໃຊ້​ເຄື່ອງ​ມື​ທຸ່ນ​ແຮງ​ເຊັ່ນ​ ຄີມ,​ ເລື່ອຍ,​ ຄ້ອນຕີ​ ແລະ ອື່ນໆ​.
3. ງານ​ທີ່​ຕ້ອງ​ໃຊ້​ເວລາ​ເຮັດວຽກ​ດົນ​ຕໍ່​ເນື່ອງ​ ເຮັດໃຫ້​ມື​ເມື່ອຍ​ລ້າ​ຫລື​ລະ​ບົມ​ ຄວນ​ພັກ​ມື​ເປັນໄລຍະ​ໆແລະ​ອອກ​ກຳ​ລັງ​ກາຍ​ຢືດ​ກ້າມ​ເນື້ອມື​ດ້ວຍ​.
4. ບໍ່​ຂະ​ຍັບ​ນິ້ວ​ຫລື​ດີດ​ນິ້ວ​ຫລິ້ນ​ ເພາະ​ຈະ​ເຮັດໃຫ້​ເສັ້ນ​ເອັນ​ອັກ​ເສບ​ຫລາຍ​​ຂຶ້ນ​.
5. ຖ້າ​ມີ​ຂໍ້​ຝືດ​ຕອນ​ເຊົ້າ​ຫລື​ມື​ເມື່ອຍ​ລ້າ​ ໃຫ້​ແຊ່​ນ້ຳ​ອຸ່ນ​ຮ່ວມ​ກັບ​ການ​ຂ​ະຍັບ​ມື​ກຳ​ແບ​ເບົາ​ ໆ​ ໃນ​ນ້ຳ​ຈະ​ເຮັດໃຫ້​ຂໍ້​ຝືດ​ຫຼຸດລົງ.​

=========================================================================