ຢືນຢັນ!!ດີນລົງເປົ່າເກມແມນເຊສເຕີດາບີລີກຄັບຮອບ 4

 

ເສິກ ແມນເຊສເຕີດາບີ້ ລະຫວ່າງ ແມນ ຢູໄນເຕັດ ພົບກັບ ແມນ ຊີຕີ ໃນເກມ ອີເອຟແອວ ຄັບ ຮອບສີ່ວັນພຸດນີ້ໄດ້ຜູ້ຕັດສິນທີ່ຈະລົງເຮັດໜ້າທີ່ແລ້ວແມ່ນ ໄມ ດີນ ເປົ່າປະສົບການສູງ.

 

ໄມ ດີນ ຜູ້ຕັດສິນຊື່ດັງໄດ້ຮັບເລືອກໃຫ້ລົງເຮັດໜ້າທີ່ໃນເກມ ອີເອຟແອວ ຄັບ ຮອບ 16 ທີມສຸດທ້າຍທີ່ ແມນເຊສເຕີ ຢູໄນເຕັດ ຈະເປີດບ້ານພົບກັບ ແມນເຊສເຕີ ຊີຕີ ອະລິຮ່ວມເມືອງວັນພຸດນີ້.

 

ກຳມະການອາຍຸ 48 ປີເປັນໜຶ່ງໃນກຳມະການທີ່ມີປະສົບການໃນເກມລູກໜັງຜູ້ດີຫຼາຍທີ່ສຸດຄົນໜຶ່ງ ໂດຍລົງເຮັດໜ້າທີ່ໃນ ພຣີເມຍລີກ ລະດູການນີ້ໄປແລ້ວ 8 ເກມແຈກໄປພຽງ 1 ໃບແດງເທົ່ານັ້ນໃຫ້ກັບ ອັດນານ ຢານນາໄຊ ປີກ ຊັນເດີແລນ ໃນເກມບຸກໄປປລາໄຊໃຫ້ ທັອດແນມ ຮັອດສະເປີ 0-1 ເມື່ອເດືອນກັນຍາທີ່ຜ່ານມາ ຂະນະທີ່ໃບເຫຼືອງແຈກໄປແລ້ວ 34 ໃບ ຫຼື ສະເລ່ຍເກມລະ 4 ໃບເທົ່ານັ້ນ.

 

ສອງທີມຈາກແມນເຊສເຕີຕາງກໍຢູ່ໃນຊ່ວງທີ່ຜົນງານຕົກຕ່ຳໂດຍທີ່ ຜີສາດແດງ ຫາກໍບຸກໄປຖືກ ເຊວຊີ ທະລົ່ມມາ 0-4 ສ່ວນທາງ ເຮືອໃບສີຟ້າ ກໍບໍ່ຊະນະໃຜມາ 5 ເກມຕິດຕໍ່ກັນໃນທຸກລາຍການແລ້ວ.