ຢາຫລຸດນ້ຳຫນັກຫລີກໄປ! ມັນດ້າງມາແລ້ວ

ຜູ້ຂຽນຮູ້ສູດນິ້ຈາກອາຈານຊາວເກົາຫລີທ່ານຫນຶ່ງ ອາຍຸ 50ກວ່າແລ້ວ ແຕ່ຜິວດີຄືສາວ20ກວ່າໆ ທຸກຄັ້ງທີ່ພາໄປຕະຫລາດຈະເຫັນເພິ່ນຊື້ມັນດ້າງມາໄວ້ກິນ ຫລືບໍ່ກໍຊື້ມັນດ້າງຈີ່ນຳແຄມທາງ. ແປກໃຈຫລາຍເປັນຫຍັງຄົນເກົາຫລີຕ້ອງສົນໃຈພືດຜັກພື້ນບ້ານລາຄາຖືກແທນທີ່ຈະເລືອກຊື້ບັອກໂຄລີ ຫລືກາຣົດຫລາຍກວ່າ. ເພິ່ນກໍເລີຍບອກສູດມາ ຄວາມຈິງພືດຕະກຸນເຜືອກມັນ ແມ່ນຊາວອາຊີພວກເຮົາບໍ່ວ່າເກົາຫລີ, ຢີ່ປຸ່ນ, ຫວຽດນາມ...ກິນກັນ(ບາງເຂດກໍກິນແທນເຂົ້າ)ມາຕັ້ງແຕ່ບູຮານ ທັງເປັນພືດໃຫ້ພະລັງງານປະເພດແປ້ງທີ່ມີປະໂຫຍດຕໍ່ຮ່າງກາຍ. ມັນດ້າງມີທາດແປ້ງທີ່ຍ່ອຍງ່າຍ ແລະເປັນປະໂຫຍດ, ມັນດ້າງບໍ່ວ່າຈະເປັນສີເຫລືອງ ຫລືສີມ້ວງກໍລ້ວນແຕ່ມີສານຕ້ານອະນູມູນອິດສະຫລະ, ຕ້ານຄວາມແກ່ເຖົ້າ ແລະມະເຮັງ ທັງອຸດົມໄປດ້ວມວິຕາມິນບີທີ່ຮ່າງກາຍຕ້ອງການໃນປະລິມານພຽງພໍ ພ້ອມທັງມີໄຍອາຫານຊ່ວຍໃນການຂັບຖ່າຍຕື່ມອີກ. 'ຜູ້ຊ່ຽວຊານຢີ່ປຸ່ນຍົກຍ້ອງໃຫ້ມັນດ້າງເປັນອາຫານປະເພດແປ້ງທີ່ດີທີ່ສຸດ' ວິທີກິນມັນດ້າງ: - ສຳລັບຜູ້ທີ່ຢາກຫລຸດນ້ຳຫນັກ ແມ່ນກິນມັນດ້າງຕົ້ມ ຫລືປີ້ງ ໃນໄລຍະເວລາ 9-10:00 ເຊົ້າຈະຊ່ວຍໃຫ້ອີ່ມທ້ອງ ແລະມີແຮງເຮັດວຽກແທນທີ່ຈະກິນຂອງຈຸກຈິກ ຫລືເຂົ້າຫນົມສຳເລັດຮູບ. ຖ້າຮັບປະທານຄຽງຄູ່ກັບການຄວບຄຸມອາຫານຊະນິດອື່ນ ຈະສາມາດຫລຸດນ້ຳຫນັກໄດ້ 3kgໃນຫນຶ່ງອາທິດ. ເພາະມັນດ້າງມີໄຍອາຫານຫລາຍສາມາດຊ່ວຍໃນການຂັບຖ່າຍ. - ນ້ອງຊາຍຜູ້ຂຽນຈະກິນມັນດ້າງ ຄູ່ກັບຖົ່ວດິນ ຫລືຖົ່ວແອລມອນເລັກນ້ອຍກ່ອນໄປຟິດເນັດ ຢ່າງນ້ອຍ30ນາທີ ຈະເຮັດໃຫ້ນານເມື່ອຍ. ຜູ້ຊ່ຽວຊານຢືນຢັນວ່າມັນດ້າງມີສານອາຫານທີ່ສຳຄັນທີ່ໃຫ້ພະລັງງານ, ວິຕາມິນ, ເກືອແຮ່ ເຫມາະສຳລັບຜູ້ຊາຍຕ້ອງການຟິດຫຸ່ນເປັນພິເສດ. - ຕອນທ່ຽງໃນບາງມື້ຜູ້ຂຽນກິນມັນດ້າງປີ້ງກັບເຂົ້າຫນຽວພຽງເລັກນ້ອຍ (ພໍອີ່ມ) ຈະສາມາດຢູ່ທ້ອງໄດ້ຈົນເຖິງແລງ. ບາງວັນທີ່ຢາກຫລຸດນ້ຳຫນັກກໍຄືກີນພຽງມັນດ້າງຢ່າງດຽວ(ເນັ້ນໆວ່າກິນພໍອີ່ມເທື່ອລະຫນ້ອຍ) ປັດຈຸບັນຜູ້ຂຽນຫນັກ 47-48kg ສູງ 165cm ສັດສ່ວນຢູ່ທີ່ 32-24-35. ສ່ວນແມ່ຜູ້ຂຽນລູກ4 ແລ້ວແຕ່ຍັງນຸ່ງສິ້ນ size ດຽວກັບຜູ້ຂຽນເລີຍ ອິອິ. - ກິນນ້ຳຫວານມັນດ້າງ, ຖົ່ວດຳ,ຖົ່ວແດງ, ຫມາກເດືອຍ,ເຂົ້າກ່ຳ... ທີ່ໃຊ້ກະທິສົດຄັ້ນເອງໃນບາງວັນ ບໍ່ແມ່ນຫຍັງເສຍຫາຍ ເພາະກະທິມີໄຂມັນທີ່ເປັນປະໂຫຍດແກ່ຮ່າງກາຍ (ແຕ່ກິນຫນ້ອຍໆເດີຢ່າເຜີປາກເດັດຂາດ) ສະຫລຸບງ່າຍໆຄື: ມັນດ້າງເປັນອາຫານທີ່ທຸກຄົນຄວນມີຕິດເຮືອນຄົວ ດ້ວຍລາຄາທີ່ບໍ່ແພງ (2000-5000/ກິໂລ) ຫລືຈະຊື້ມັນດ້າງປີ້ງຕາມແຄມທາງກໍຍັງໄດ້ ຖືເປັນອາຫານທາງເລືອກຫນຶ່ງທີ່ຜູ້ຮັກສຸຂະພາບ ແລະຮັກສາຮູບຮ່າງຄວນລອງຮັບປະທານ. ຂອບໃຈຂໍ້ມູນຈາກ: ຕຸກຕິກ