ຢາສີແຂ້ວຮັກສາສິວ ເຮັດໄດ້ແທ້ໆບໍ!

ແນ່ນອນ​ວ່າ​ຫຼາຍ​ໆ​ ຄົງ​ອາດຈະ​ໄດ້ຍິນ​ຄວາມ​ເຊື້ອ​ທີ່​ວ່າ​ ຢາ​ສີ​ແຂ້ວ​ຮັກສາ​ສິວຫລືຢາ​ສີ​ແຂ້ວ​ສາມາດ​ຊ່ວຍ​ບັນ​ເທົາ​ອາການ​ສິວ​ມາ​ຈາກ​ປາກ​ຕໍ່​ປາກ​ຫລື​ໄດ້​ອ່ານ​ມາ​ຕາມ​ອິນ​ເຕີ​ເນັດ​ ແລ້ວ​ມີ​ຄວາມ​ຄິດ​ທີ່​ວ່າ​ “ເອົາ​ຢາ​ສີ​ແຂ້ວ​ມາ​ທາ​ໆ​ ທາ​ໆ​ ທີ່​ໜ້າ​​ຈະ​ລຸດ​ສິວ​ຫລື​ຊ່ວຍ​ບັນ​ເທົາ​ສິວ​ໄດ້​ ມັນ​ບໍ່​ກັດ​ໜ້າ​ແຫກ​ບໍ​?”
ວິທີ​ເລືອກ​ ຢາ​ສີ​ແຂ້ວ​ຮັກສາ​ສິວ​
ເລືອກ​ຢາ​ສີ​ແຂ້ວ​ທີ່​ເປັນ​ສີ​ຂາວ​ລ້ວນ​ເທົ່າ​ນັ້ນ​ ຍິ່ງ​ເປັນ​ແບບ​ມີ​ສ່ວນ​ປະສົມ​ fluoride ນ້ອຍ​ໆ​ແລະ​ເປັນ​ສູດ​ທຳມະຊາດ​ຍິ່ງ​ດີ​ ເພາະ​ສ່ວນ​ປະສົມ​ທີ່​ສາມາດ​ກຳຈັດ​ສິວ​ໄດ້​ເຊັ່ນ​ baking soda, hydrogen peroxide, triclosen ຈະ​ຢູ່ໃນ​ຢາ​ສີ​ແຂ້ວ​ສີ​ຂາວ​ນັ້ນ​ເອງ​ ຫ້າມ​ໃຊ້​ຢາ​ສີ​ແຂ້ວ​ປະ​ເພດ​ອື່ນ​ໆ​ໂດຍ​ເດັດ​ຂາດ​ ເຊັ່ນ​ຢາ​ສີ​ແຂ້ວ​ແບບ​ຫຼາກ​ສີ​ ເພາະ​ສ່ວນ​ປະສົມ​ທີ່​ຢູ່ໃນ​ສີ​ອື່ນ​ໆ​ຂອງ​ຢາ​ສີ​ແຂ້ວ​ ອາດຈະ​ເຮັດໃຫ້​ຜິວ​ເກີດ​ການ​ລະ​ຄາຍ​ເຄືອງ​ໄດ້​ແລະ​ກໍ​ບໍ່​ຄວນ​ໃຊ້​ ຢາ​ສີ​ແຂ້ວ​ສູດ​ whitening ດ້ວຍ​ເພາະ​ສານ​ຟອກ​ຂາວ​ອາດຈະ​ກັດ​ຜິວ​ໜ້າ​ເຮັດໃຫ້​ເປັນ​ດ່າງ​ໄດ້.​
ການ​ທາ​ ຢາ​ສີ​ແຂ້ວ​ຮັກສາ​ສິວ​

ຫຼັງ​ຈາກ​ລ້າງ​ໜ້າ​ດ້ວຍ​ນ້ຳ​ອຸ່ນ​ ໃຫ້​ເຮົາ​ບີບ​ຢາ​ສີ​ແຂ້ວ​ນ້ອຍໆ​ເທິງ​ນິ້ວ​ຊີ້​ແລະ​ທາ​ຢາ​ສີ​ແຂ້ວ​ບາງ​ໆ​ ເທິງ​ສິວ​ໂດຍ​ກົງ​ ພະຍາຍາມ​ຢ່າ​ໃຫ້​ຢາ​ສີ​ແຂ້ວ​ເປື້ອນ​ບໍລິເວນ​ຜິວ​ຫນ້າທີ່​ບໍ່​ເປັນ​ສິວ​ ແມ່ນ​ສິວ​ຈະ​ຢູ່​ບໍລິເວນ​ໃກ້​ຊິດ​ກັນ​ກໍ​ຕາມ​ ຫ້າມ​ທາ​ທາ​ໆ​ ມົ້ວ​ໆ​ ເພາະ​ຢາ​ສີ​ແຂ້ວ​ຈະ​ເຮັດໃຫ້​ສິວ​ແຫ້ງ​ໄວ​ຂຶ້ນ​ ດັ່ງ​ນັ້ນ​ຜິວ​ໜັງ​ບໍລິເວນ​ປົກກະຕິ​ ອາດຈະ​ເກີດ​ການ​ແຫ້ງ​ຫລາຍ​ຈົນ​ເຖິງ​ຂັ້ນ​ລະ​ຄາຍ​ເຄືອງ​ໄດ້​ ຈາກ​ນັ້ນ​ປະ​ເອົາ​ໄວ້​ຈັກ​ 2 ຊົ່ວ​ໂມງ​ ຫລື​ຖ້າ​ເກີດ​ອາການ​ຄັນ​ໃຫ້​ທາ​ປະ​ໄວ້ພຽງແຕ່​ 15 – 30 ນາ​ທີ​ ກ່ອນ​ລ້າງ​ອອກ​ດ້ວຍ​ນ້ຳ​ອຸ່ນ​ແລະ​ເຊັດ​ໜ້າ​ໃຫ້​ແຫ້ງ​.

===================================================================================================