ຢາກຫາງໄກຈາກພະຍາດຂໍ້ເສື່ອມຕ້ອງປະຕິບັດແບບນີ້

1. ຄວບ​ຄຸມ​ນ້ຳ​ໜັກ​

ໜຶ່ງ​ໃນ​ສາ​ເຫດ​ໃຫຍ່​ຂອງ​ອາການ​ຂໍ້​ເສື່ອມ​ກໍ​ຄື​ ການ​ທີ່​ມີ​ນ້ຳ​ໜັກ​ຕົວ​ເກີນ​ຫຼື​ຕຸ້ຍ​ ເພາະ​ແຮງ​ນ້ຳ​ໜັກ​ຕົວ​ຫຼາຍ​ເທົ່າໃດ​ ຂໍ້​ຕ່າງໆ​ ໃນ​ຮ່າງກາຍ​ກໍ​ແຮງ​ຕ້ອງ​ຮັບ​ພາລະ​ຫຼາຍ​ເທົ່າ​ນັ້ນ​ ໂດຍ​ສະເພາະ​ຂໍ້​ເຂົ່າ​ ສະ​ໂພກ​ແລະຫຼັງ​ ທີ່​ເປັນ​ກຳ​ລັງ​ຫຼັກ​ໃນ​ການ​ຮັບ​ນ້ຳ​ໜັກ​ຂອງ​ຮ່າງກາຍ​ 

ການ​ອອກ​ກຳ​ລັງ​ກາຍ​ຢ່າງ​ສະຫ​ມ່ຳ​ສະເໝີ​ແລະ​ການ​ຄວບ​ຄຸມ​ນ້ຳ​ໜັກ​ຈຶ່ງ​ເປັນ​ການ​ທະນຸ​ຖະໜ​ອມ​ຂໍ້ກ​ະ​ດູກ​ທາງ​ໜຶ່ງ​ ໂດຍ​ສະເພາະ​ການ​ອອກ​ກຳ​ລັງ​ກາຍ​ແບບ​ແອ​ໂລ​ບິກ​ທີ່​ຊ່ວຍ​ເຜົາ​ຜານ​ພະລັງ​ງານ​ໄດ້​ເປັນ​ຢ່າງ​ດີ​ ແຕ່​ຫາກ​ຜູ້​ປ່ວຍ​ກັງ​ວົນ​ວ່າ​ການ​ອອກ​ກຳ​ລັງ​ກາຍ​ຈະ​ເປັນ​ອັນຕະລາຍ​ຕໍ່​ຂໍ້ກ​ະ​ດູກ​ ກໍ​ຄວນ​ເລືອກ​ປະ​ເພດ​ຂອງ​ການ​ອອກ​ກຳ​ລັງ​ກາຍ​ທີ່​ຂໍ້​ບໍ່​ຕ້ອງ​ແບກ​ຮັບ​ພາລະ​ເທົ່າໃດ​ເຊັ່ນ​ ລອຍນ້ຳ,​ ການ​ຍ່າງ​ໃນ​ນ້ຳ​, ຍ່າງ​ຫຼື​ຖີບລົດ (ບໍ່​ເໝາະ​ສຳລັບ​ຜູ້​ປ່ວຍ​ທີ່​ມີ​ອາການ​ປວດ​ຫຼັງ​)

2. ປັບ​ປ່ຽນ​ອິລິຍາບົດ​

“ນ້ຳ​ໜັກ​ນ້ອຍ​ກໍ​ແມ່ນ​ວ່າ​ຈະ​ບໍ່​ເປັນ​ພະຍາດ​ຂໍ້​ ຫາກ​ເຮັດ​ຫຍັງ​ທີ່​ຜິດ​ທ່າບໍ່​ວ່າ​ຈະ​ມັກ​ນັ່ງ​ຢອງ​ ໆ​ ນັ່ງ​ກັບ​ພື້ນ​ ຜຸດ​ລຸກ​ຜຸດ​ນັ່ງ​ເລື້ອຍ​ໆ​ຫຼື​ການ​ຂຶ້ນ​ຂັ້ນ​ໄດ​ເປັນ​ປະຈຳ​ ເຫຼົ່າ​ນີ້​ກໍ​ເຮັດໃຫ້​ຂໍ້​ເຂົ່າ​ເສຍ​ໄດ້​ບາງ​ຄົນ​ມັກ​ຢືນ​ຖິ້ມ​ນ້ຳ​ໜັກ​ຂ້າງ​ດຽວ​ຊຶ່ງ​ເປັນ​ການ​ ສ້າງ​ພາລະ​ໃຫ້​ກັບ​ຂໍ້​ຂ້າງ​ນັ້ນ​ແທນ​ທີ່​ຈະ​ລົງ​ນ້ຳ​ໜັກ​ສອງ​ຂາ​ເທົ່າ​ໆ​ກັນ​ ແບບນີ້​ເປັນ​ຕົ້ນ​” ແພດໄດ້ອະທິບາຍ​

ການ​ນັ່ງ​ຢູ່​ກັບ​ທີ່​ເປັນ​ເວລາ​ດົນ​ ເຊັ່ນ​ ນັ່ງ​ຫຼັງ​ງໍ​ແລະ​ກົ້ມ​ຄໍ​ເຮັດວຽກ​ໜ້າຈໍ​ຄອມພິວເຕີ​ຕິດ​ຕໍ່​ກັນ​ຫຼາຍ​ຊົ່ວ​ໂມງ​ກໍ​ເປັນ​ຜົນ​ເສຍ​ຕໍ່​ຂໍ້​ຕໍ່​ບໍລິເວນ​ຄໍ​ແລະ​ກະດູກ​ສັນ​ຫຼັງ​ສ່ວນ​ແອວ​ເຊັ່ນ​ກັນ​ ຄວນ​ນັ່ງ​ໃຫ້​ຖືກ​ຕ້ອງ​ໂດຍ​ການ​ນັ່ງ​ຕັ້ງອີ້ງກັບຝາຜະນັງແລະ​ບໍ່​ຄວນ​ກົ້ມ​ຄໍ​ດົນ​ໆ​ ນອກ​ຈາກ​ນັ້ນ​ທາງ​ທີ່​ດີ​ ຄວນ​ຫາ​ໂອ​ກາດ​ຂະ​ຍັບ​ຕົວ​ ໂດຍ​ລຸກ​ຂຶ້ນ​ມາ​ຍ່າງ​ດ້ວຍ​ ຢືດ​ແຂນ​ຢືດ​ຂາ​ດ້ວຍ​ເພື່ອ​ເປັນ​ການ​ບໍລິຫານ​ຂໍ້​ຕໍ່​

3. ເສີມ​ສ້າງ​ກ້າມເນື້ອ​

ເຖິງວ່າ​ການ​ອອກ​ກຳ​ລັງ​ກາຍ​ຈະ​ເປັນ​ສິ່ງ​ດີ​ ແຕ່​ຫາກ​ອອກ​ກຳ​ລັງ​ກາຍ​ໜັກ​ເກີນ​ໄປ​ ກໍ​ຈະ​ເປັນ​ການສ້າງ​ພາລະ​ໃຫ້​ກັບ​ຂໍ້​ກະດູກ​ໄດ້​ ໂດຍ​ຈະ​ເຫັນ​ໄດ້​ຈາກ​ນັກ​ກີລາ​ອາ​ຊີບ​ ຊຶ່ງ​ມັກ​ມີ​ບັນຫາ​ຂໍ້​ກະດູກ​ເສື່ອມ​ຢ່າງ​ວ່ອງໄວ​

ທັງ​ນີ້​ ການ​ປ້ອງ​ກັນ​ພະຍາດ​ຂໍ້​ເສື່ອມ​ຈາກ​ການ​ອອກ​ກຳ​ລັງ​ກາຍ​ສາມາດ​ເຮັດ​ໄດ້​ໂດຍ​ການ​ເສີມ​ສ້າງ​ກ້າມເນື້ອ ເພາະ​ກ້າມເນື້ອ​ເປັນ​ສ່ວນ​ສຳຄັນ​ໃນ​ການ​ແບ່ງ​ເບົາ​ພາລະ​ຕ່າງ​ໆ​ ຂອງ​ຂໍ້​ຕໍ່​ເມື່ອ​ຮ່າງກາຍ​ເຄື່ອນ​ໄຫວ​ຮຸນແຮງ​ ໂດຍ​ສະເພາະ​ກ້າມເນື້ອ​ບໍລິເວນ​ເອັນ​ຂໍ້​ຕໍ່​ຊຶ່ງ​ເປັນ​ຈຸດ​ສຳຄັນ​ຂອງ​ການ​ອອກ​ກຳ​ລັງ​ແທບ​ທຸກ​ປະ​ເພດ​ ນອກ​ຈາກ​ນີ້​ ການ​ມີກ້າມເນື້ອ​ໜ້າ​ທ້ອງ​ແລະ​ກ້າມເນື້ອ​ຫຼັງ​ທີ່​ດີ​ຈະ​ເຮັດໃຫ້​ໝອນ​ຮອງ​ກະດູກ​ສັນ​ຫຼັງ​ ຮັບ​ພາລະ​ນ້ອຍ​ລົງ​ ຊຶ່ງ​ຫຼຸດ​ຄວາມ​ສ່ຽງ​ຕໍ່​ຄວາມ​ເສື່ອມ​ໄດ້​ຫຼາຍ​ແນວໃດ​ກໍ​ຕາມ​ ກ່ອນທີ່ຈະ​ເລີ່ມ​ຝຶກ​ກ້າມ​ເນື້ອ​ໃດໆ​ ຄວນ​ປຶກ​ສາ​ຜູ້​ຊ່ຽວ​ຊານ​ເພື່ອ​ບໍ່​ໃຫ້​ການ​ຝຶກ​ຝົນ​ນັ້ນ​ໄປ​ສ້າງ​ພາລະ​ໃຫ້​ກັບ​ຂໍ້ກ​ະ​ດູກ​

4. ອາຫານ​ແລະ​ຢາ​

ການ​ຮັບປະທານ​ຢາ​ຈຳ​ພວກ​ ກູ​ໂຄ​ຊາ​ມີນ​ແລະ​ຄອນ​ໂດນ​ອິ​ທີນ​ ຊຶ່ງ​ເຊື່ອ​ວ່າ​ຈະ​ມີ​ປະ ໂຫຍດ​ຕໍ່​ການ​ເສີມ​ສ້າງ​ນ້ຳ​ໄຂ​ຂໍ້​ແລະ​ກະດູກ​ອ່ອນ​ເຄືອບ​ຜິວ​ຂໍ້​ໄດ້​ ແຕ່​ບໍ່​ຢືນຢັນ​ວ່າ​ໄດ້​ປະໂຫຍດ​ຫຼາຍ​ເທົ່າ​ໃດ​ ທັງ​ນີ້​ຕ້ອງ​ໃຊ້​ໃນ​ກໍລະນີ​ທີ່​ຂໍ້​ເສື່ອມ​ຢູ່ໃນໄລຍະທຳອິດ​ ເທົ່າ​ນັ້ນ​ 

ໃນ​ສ່ວນ​ຂອງ​ຢາ​ນັ້ນ ແພດໄດ້ແນະ​ນຳ​ໃຫ້​ຫຼີກ​ລ້ຽງ​ການ​ໃຊ້​ຢາ​ບາງ​ຊະນິດ​ເລື້ອຍ​ເກີນ​ຄວາມ​ຈຳ​ເປັນ​ ເພາະ​ອາດ​ມີ​ຜົນ​ຕໍ່​ຂໍ້ກະະ​ດູກ​ “ສະ​ເຕຍ​ຮອຍ​ແບບ​ສີດ​ເພື່ອລົ​ດ​ການ​ອັກ​ເສບ​ຂອງ​ຂໍ້​ນັ້ນ​ ຖ້າ​ໃຊ້​ເລື້ອຍ​ໆ​ ກໍ​ເຮັດໃຫ້​ຂໍ້​ເສຍ​ໄດ້​ ແຕ່​ຖ້າ​ເປັນ​ສະ​ເຕຍ​ຮອຍແບບ​ຮັບປະທານ​ກໍ​ຈະ​ບໍ່​ມີ​ຜົນ​ຕໍ່​ຂໍ້​ ແຕ່​ມີ​ຜົນ​ຕໍ່​ກະດູກ​ໂດຍ​ທັງຫມົດ​ເພາະ​ຈະ​ເຮັດໃຫ້​ກະດູກ​ບາງ​ລົງ​”

ພະຍາດ​ຂໍ້​ເສື່ອມ​ເປັນ​ພະຍາດ​ຂໍ້​ອັກ​ເສບ​ທີ່ພົບໄດ້​ເລື້ອຍ​ທີ່ສຸດ​ແລະ​ຍາກ​ທີ່​ຈະ​ຮັກສາ​ໃຫ້​ຫາຍ​ຂາດ​ຫຼື​ກັັບ​ຄືນ​ສູ່​ສະພາບ​ປົກກະຕິ​ ດັ່ງ​ນັ້ນ​ການ​ຮັກສາ​ຂໍ້​ໃຫ້​ຢູ່ໃນ​ສະພາບ​ດີ​ຈຶ່ງ​ຈຳ​ເປັນ​ຢ່າງ​ແຮງ​ ເພື່ອ​ເປັນ​ຫຼັກ​ປະ​ກັນ​ວ່າ​ ໃນ​ມື້​ຂ້າງ​ໜ້າ​ເຈົ້າ​ຈະ​ຍັງ​ຄົງ​ມີ​ຄຸນນະພາບ​ຊີວິດ​ທີ່​ດີ​ເຊັ່ນ​ດຽວ​ກັບ​ມື້​ນີ້​

ບົດຄວາມໃຫມ່ໆ