ມ້າລາຍຕັ້ງເປົ້າດຶງເດປາຍເດືອນມັງກອນນີ້ຖ້າວ່າກິນແຫ້ວຮາເມສ

 

ສື່ເຜີຍຂ່າວ ເມມຟິສ ເດປາຍ ມິດຟິວຂອງ ແມນເຊສເຕີ ຢູໄນເຕັດ ກຳລັງໄດ້ຮັບຄວາມສົນໃຈຈາກ ຢູເວັນຕຸດ ທີ່ພ້ອມລ່າໂຕມາຮ່ວມທັບໃນເດືອນມັງກອນຖ້າວ່າ “ມ້າລາຍ” ພາດຈາກການດຶງ ຮາເມສ ໂຣດຣິເກດ ເພເມກເກີຂອງ ເຣອັນ ມາດຣິດ ເຊື່ອວ່າຈະເປັນພຽງການຢືມໂຕນັກເຕະມາຮ່ວມທັບເທົ່ານັ້ນ ຫຼັງນັກເຕະບໍ່ຢູ່ໃນແຜນການເຮັດທີມ “ຜີສາດແດງ” ລະດູການນີ້.

 

“ດອນ ບາລອນ” ນິຕິຍະສານລູກໜັງຊື່ດັງຂອງສະເປນ ລາຍງານຂ່າວວ່າ “ມ້າລາຍ” ຢູເວັນຕຸດ ສະໂມສອນຍັກໃຫຍ່ຂອງ ກັນໂຊ ຊີຣີ ອາ ຕັ້ງເປົ້າລ່າໂຕ ເມມຟິສ ເດປາຍ ປີກຂອງ ແມນເຊສເຕີ ຢູໄນເຕັດ ທີມດັງຈາກ ພຣີເມຍລີກ ໃນຊ່ວງຕົ້ນປີໜ້າຖ້າວ່າພາດເຊັນສັນຍາກັບ ຮາເມສ ໂຣດຣິເກດ ມິດຟິວຂອງ ເຣອັນ ມາດຣິດ ທີມດັງຂອງ ລາ ລີກາ ສະເປນມາເສີມທັບ.

 

ສະຖານະການໃນຕອນນີ້ ມິດຟິວເບື້ອງເສັ້ນເລືອດໂຮນລັງອາຍຸ 22 ປີເບິ່ງວ່າຈະບໍ່ໄດ້ຢູ່ໃນແຜນການເຮັດທີມຂອງ ໂຊເຊ ມູຣິນໂຢ ຜູ້ຈັດການທີມ “ຜີສາດແດງ” ແລ້ວ ແລະ ເອເວີຕັນ ກໍສົນໃຈດຶງນັກເຕະໄປຮ່ວມທັບແບບຢືມໂຕ ຢ່າງໃດກໍຕາມຫຼ້າສຸດ “ທັອບຟີສີຟ້າ” ອາດຈະຕ້ອງຍາດກັບ “ມ້າລາຍ” ທີ່ພ້ອມກັນມາລັອກເປົ້າລ່າໂຕ ເດປາຍ ໃນເດືອນມັງກອນນີ້ຖ້າວ່າລົ້ມເຫຼວໃນການດຶງ ຮາເມສ ໂຣດຣິເກດ ທີ່ເປັນເປົ້າໝາຍເສີມທັບລະດັບຕົ້ນໆດ້ວຍເຊັ່ນກັນ.

 

ທັງນີ້ຖ້າວ່າ ຮາເມສ ຍ້າຍມາຢູ່ກັບ ຢູເວ ກໍອາດຈະມີຄ່າໂຕການຍ້າຍທີມມະຫາສານເຖິງ 75 ລ້ານປອນ ແຕ່ຖ້າພວກເຂົາດຶງ ເດປາຍ ກໍອາດຈະເປັນການດຶງມາແບບສັນຍາເຊົ່າເທົ່ານັ້ນ.

 

 

ບົດຄວາມໃຫມ່ໆ