ມຽນມາເລັ່ງກູ້ສົບຜູ່ເສຍຊີວິດເຫດເຮືອບິນທະຫານຕົກໃນທະເລອັນດາມັນ

ຈາກການລາຍງານຂ່າວຕ່າງປະເທດ ເມືອງ ຢ່າງກຸ້ງ ປະເທດ ມຽນມາ ເມືອວັນທີ 9 ມິຖຸນາ 2017 ກ່ຽວກັບຄວາມຄືບໜ້າຫຼັງເກີດເຫດເຮືອບິນຂົນສົ່ງແບບໃບພັດຂັບເຄື່ອງດ້ວຍ 4 ເຄື່ອງຍົນ “ຊານຊີ ວາຍ-8” ພ້ອມຜູ່ໂດຍສານ 122 ຄົນ ເກືອບທັງໝົດເປັນທະຫານ ແລະ ສະມາຊິກໃນຄອບຕົວຕົກໃນທະເລອັນດາມັນ ເມື່ອວັນພຸດທີ 8 ມິຖຸນາ ທີ່ຜ່ານມາ ລະຫວ່າງເດີນທາງຈາກເມືອງ ມະຣິດສູ່ເມືອງ ຢ່າງກຸ້ງ.

ກອງທັບມຽນມາອອກຖະແຫຼງການວ່າ ເຈົ້າໜ້າທີ່ກູ້ໄພ ແລະ ອາສາສະໝັກຮ່ວມກັນລຳລຽງສົບຜູ່ເສຍຊີວິດຂຶ້ນຝັ່ງໄດ້ແລ້ວ 31 ສົບ ເປັນແມ່21 ສົບ, ຜູ່ຊາຍ 2 ສົບ ແລະ ເດັກນ້ອຍ 8 ສົບ ໂດຍຫຼັງຈາກນີ້ເຈົ້າໜ້າທີ່ຈະລຳລຽງສົບທັງໝົດໄປຝາກໄວ້ທີ່ໂຮງໝໍທະຫານໃນເມືອງ ທວາຍ ເພື່ອຮັບການພິສູດເອກະລັກບຸກຄົນຕໍ່ໄປ

ຂະນະທີ່ທຳນຽບຂາວມຽນມາເຜີຍແຜ່ຖະແຫຼງການຂອງທ່ານ ນາງ ອອງຊານ ຊູຈີ ປະທານສະພາແຫ່ງຊາດ ແລະ ລັດຖະມົນຕີວ່າການກະຊວງການຕ່າງປະເທດ ໄດ້ສະແດງຄວາມເສຍໃຈຢ່າງສຸດຊຶ້ງໄປເຖິງຄອບຄົວຜູ່ເສຍຊີວິດ ແລະ ໃຫ້ຄຳໝັ້ນວ່າລັດຖະບານຈະມອບຄວາມຊ່ວຍເຫຼືອຢ່າງເຕັມທີ່ໃຫ້ແກ່ທຸກຝ່າຍທີ່ກ່ຽວຂ້ອງ ດ້ານນາຍົກລັດຖະມົນຕີ ເຣນທຣາ ໂມດີ ຜູ່ນຳອິນເດຍ ສະເໜີມອບຄວາມຊ່ວຍເຫຼືອໃນພາລະກິດຄົ້ນຫາສິ້ນສ່ວນຂອງເຮືອບິນ ແລະ ລຳລຽງຮ່າງຜູ່ເສຍຊີວິດ ສ່ວນບໍລິສັດນຳເຂົ້າ ແລະ ສົ່ງອອກເທັກໂນໂລຢີອາກາດສະຍານແຫ່ງຊາດຂອງຈີນ (ເຊຕິກ) ອອກຖະແຫລງການສະແດງຄວາມເສຍໃຈຢ່າງສຸດຊຶ້ງເຊັ່ນດຽວກັນ ແລະ ພ້ອມໃຫ້ຄວາມຮ່ວມມືຢ່າງເຕັມທີ່ແກ່ພະນັກງານສືບສວນ

Cr: Laopost.com