ມູບອກຕ້ອງການຄວາມແນ່ນອນວ່າຈະໄດ້ນັ່ງຕັ່ງຜີຊຳເມີໜ້າ

 

ໂຊເຊ ມູຣິນໂຢ ກຸນຊືປັອກຕຸຍການຕົກເປັນຂ່າວຕ້ອງການຈົດໝາຍຮັບຮອງຈາກ ແມນເຊສເຕີ ຢູໄນເຕັດ ວ່າຕົນເອງຈະໄດ້ເປັນນາຍໃຫຍ່ ຜີສາດແດງ ໃນລະດູການໜ້າ ຫຼັງຕັ້ງໜ້າຕັ້ງຕາຖ້າຕຳແໜ່ງນີ້ມາດົນນານແລ້ວ ແລະ ມີຂ່າວລືວ່າ ຫຼຸຍ ຟານກາວ ນາຍໃຫຍ່ຄົນປັດຈຸບັນອາດຈະໄດ້ນັ່ງຕັ່ງຕໍ່ໄປ.

 

ໂຊເຊ ມູຣິນໂຢ ຕົກເປັນຂ່າວວ່າຕ້ອງການຈົດໝາຍຮັບຮອງຈາກ ແມນເຊສເຕີ ຢູໄນເຕັດ ສະໂມສອນດັງຈາກ ພຣີເມຍລີກ ວ່າເຂົາຈະໄດ້ເຂົ້າຮັບຕຳແໜ່ງຜູ້ຈັດການທີມໃນລະດູການໜ້າ ຈາກການລາຍງານເມື່ອວັນພຸດນີ້.

ມູຣິນໂຢ ຕົກເປັນຂ່າວກ່ຽວພັນກັບ ແມນຢູ ມາດົນນານແລ້ວ ແຕ່ຈາກການທີ່ ຫຼຸຍ ຟານກາວ ນາຍໃຫຍ່ ຜີສາດແດງ ຄົນປັດຈຸບັນໄດ້ຮັບຄວາມເຊື່ອໝັ້ນຈາກ ເຊີ ອະເລັກ ເຟີກຸສັນ ຕຳນານຜູ້ຈັດການທີມ ຜີສາດແດງ ເຮັດໃຫ້ຫຼາຍຄົນຄາດກັນວ່າ ຟານກາວ ອາດຈະໄດ້ຢູ່ໃນຕຳແໜ່ງຕໍ່ໄປໃນລະດູການໜ້າ.

 

ດ້ວຍເຫດນີ້ເຮັດໃຫ້ ມູຣິນໂຢ ຕ້ອງການຄຳໝັ້ນສັນຍາເປັນລາຍຫຼັກອັກສອນຈາກຜູ້ບໍລິຫານ ແມນຢູ ວ່າຕຳແໜ່ງນາຍໃຫຍ່ ຜີສາດແດງ ທີ່ເຂົາຖ້າມາເປັນເວລາດົນນານນັບຕັ້ງແຕ່ຖືກປົດອອກຈາກ ເຊວເຊີ ໃນຊ່ວງຕົ້ນລະດູການນີ້ຈະເປັນຂອງຕົນເອງ.