ມື​ນຸ໊ມ​.ນຸ່ມ​ ໜ້າ​ສຳ​ຜັດ​ ດ້ວຍ​ສູດ​ສູດຄັບ​ຜິວ​ມື​ທີ່​ເຮັດ​ງ່າຍ​ທີ່ສຸດ​ໃນ​ສາມ​ໂລກ​

ໄດ້​ເວລາ​ແລ້ວ​ທີ່​ສາວ​ໆ​ ຕ້ອງ​ລຸກ​ຂຶ້ນ​ມາ​ໃຫ້​ຄວາມ​ສຳຄັນ​ກັບ​ຜິວ​ມື​ດ້ວຍ​ ລອງ​ຄິດ​ເບິ່ງ​​ວ່າ​ອະໄວຍະວະ​ທີ່​ເຮົາ​ໃຊ້​ເລື້ອຍ​ທີ່ສຸດ​ໃນ​ຮ່າງກາຍ​ຄື​ຫຍັງ​ ມື​ທັງ​ສອງ​ຂ້າງ​ຂອງ​ເຮົາ​ນັ້ນ​ເອງ​ ແຕ່​ຜິວ​ມື​ກັບ​ຖືກ​ໃຫ້​ຄວາມ​ໃສ່​ໃຈ​ນ້ອຍ​ຫຼາຍ​ເຖິງ​ຫຼາຍ​ທີ່ສຸດ​ (ຖ້າ​ມື​ເວົ້າ​ໄດ້​ກໍ​ຄົງ​ນ້ອຍ​ໃຈ​​) ສະນັ້ນມື້​ນີ້​ເຮົາ​ມາ​ເລີ່ມ​ເບິ່ງ​ແຍງ​ຜິວ​ມື​ໃຫ້​ໜ້າ​ສຳ​ຜັດ​ ດ້ວຍ​ວິທີ​ການເຮັດ​ສະຄັບ​ຜິວ​ມື​ງ່າຍໆ​ ຈົນ​ບໍ່​ຮູ້​ຈະ​ບອກ​ວ່າ​ງ່າຍແນວໃດ ເອົາ​ເປັນ​ວ່າ​ຕາມ​ມາ​ອ່ານ​ເລີຍ​ດີກວ່າ.​

ກຽມໝາກ​ນາວ​, ນ້ຳ​ມັນ​ໝາກ​ກອກ​ແລະ​ນ້ຳ​ຕານ​

– ນ້ຳ​ຕານ​ແບ່ງ​ໃສ່​ຖ້ວຍ​ທີ່​ກຽມ​ໄວ້​ 1 ບ່ວງ​ໂຕະ​

– ນ້ຳ​ມັນ​ໝາກ​ກອກ​ປະ​ມານ​ ເກືອບ​ເຕັມ​ 1 ບ່ວງ​ໂຕະ​

– ນ້ຳ​ໝາກ​ນາວ​ເຄີ່ງໜ່ວຍ​

ຈາກ​ນັ້ນ​ຄົນ​ທຸກ​ຢ່າງ​ໃຫ້​ເຂົ້າ​ກັນ​ ໂດຍ​ບໍ່​ຕ້ອງ​ໃຫ້​ນ້ຳ​ຕານ​ລະ​ລາຍ​

ຫຼັງ​ຈາກ​ໄດ້​ທຸກ​ຢ່າງ​ຄົບ​ ລົງ​ມື​ສະຄັບ​ໄດ້​ເລີຍ​ ຄ່ອຍ​ໆ​ ຂັດ​ເບົາ​ໆ​ ລົງ​ເທິງ​ມື​ເພື່ອ​ຊ່ວຍ​ໃຫ້​ກຳຈັດ​ເຊວຜິວ​ເກົ່າ​ທີ່​ຕາຍ​ແລ້ວ​ ແຕ່​ບໍ່​ຕ້ອງ​ລົງ​ແຮງ​ຫຼາຍ​ (ບໍ່​ສະນັ້ນ​ຜິວ​ອັນ​ບອບ​ບາງ​ຂອງ​ເຮົາ​ອາດ​ລອກ​​ຫຼື​ເກີດ​ການ​ລະ​ຄາຍ​ເຄືອງ​ໄດ້​) ແລະ​ບໍ່​ຕ້ອງ​ສະຄັບ​ດົນ​ ໃຫ້​ຮູ້ສຶກ​ວ່າ​ທົ່ວ​ທັງ​ມື​ ແລ້ວ​ລ້າງ​ອອກ​ດ້ວຍ​ນ້ຳເຊັດ​ມື​ໃຫ້​ແຫ້ງ​ ຈະ​ຮູ້ສຶກ​ທັນ​ທີ​ວ່າ​ຜິວ​ມື​ນຸ່ມ​ແລະ​ອ່ອນ​ຂຶ້ນ ຖືກ​ແລະ​ດີ​ມີ​ຢູ່​ແທ້.​

ບໍ່​ພໍ​ແຕ່ເທົ່າ​ນີ້​ ຂໍ​ສົ່ງ​ອີກ​ໜຶ່ງ​ສູດ​ທີ່​ເຮັດ​ງ່າຍ​ຫຼາຍ​ ເຜື່ອ​ວ່າ​ທີ່​ບ້ານ​ໃຜ​ນ້ຳ​ຕານ​ໝົດ​ພໍ​ດີ​ກໍ​ຈັດ​ສູດ​ນີ້​ໄປ​ເລີຍ​
ກຽມ​ເກືອ​ແລະ​ນ້ຳ​ມັນ​ໝາກ​ກອກ​

– ເກືອ​ 1 ບ່ວງ​ໂຕະ​ໃສ່​ຖ້ວຍ​ທີ່​ກຽມ​ໄວ້​

– ນ້ຳ​ມັນ​ໝາກ​ກອກເ​ຄີ່ງ​ບ່ວງ​ໂຕະ​

ຈາກ​ນັ້ນ​ຄົນ​ໃຫ້​ເຂົ້າ​ກັນ​ ໂດຍ​ບໍ່​ຕ້ອງ​ໃຫ້​ເກືອ​ລະ​ລາຍ​ ສຸດ​ທ້າຍ​ກໍ​ເຮັດ​ຕາມ​ວິທີ​ເກົ່າ​ຄື​ນຳ​ມາສະຄັບຈົນ​ທົ່ວ​ມື​ ແລ້ວ​ລ້າງ​ອອກ​ດ້ວຍ​ນ້ຳ​ສະ​ອາດ​

ເຊັດ​ມື​ໃຫ້​ແຫ້ງ​ແລະ​ສາມາດ​ທາຄຮີມ​ບຳ​ລຸງ​ໄດ້​ຕາມ​ຕ້ອງ​ການ​

Recommend

ຫາກ​ສາວ​ໆ​ ຄົນ​ໃດ​ຮູ້ສຶກ​ວ່າ​ບໍ່​ມັກ​ກິ່ນ​ ກໍ​ອາດ​ປ່ຽນ​ຈາກ​ນ້ຳ​ມັນ​ໝາກ​ກອກ​ເປັນ​ເບ​ບີ້​ ອອຍ​ແທນ​ໄດ້​ຫຼື​ອາດຈະ​ເລືອກ​ໃສ່​ຫົວ​ເຊື້ອ​ນ້ຳ​ຫອມ​ປະສົມ​ລົງ​ໄປ​ຈັກ​ໜຶ່ງ​ຢອດ​ ເພື່ອ​ເພີ່ມ​ກິ່ນ​ຫອມ​ ແຕ່​ຮູ້​ຫຼື​ບໍ່​ວ່າ​ໃນ​ນ້ຳ​ມັນ​ໝາກ​ກອກ​ນັ້ນ​ ປະກອບ​ດ້ວຍ​ວິ​ຕາ​ມິນ​ເອ,​ ວິ​ຕາ​ມິນ​ອີ,​ ວິ​ຕາ​ມິນ​ເຄແລະ​ສານ​ຕ້ານ​ອະ​ນຸ​ມູນ​ອິດສະຫຼະ​ ຈຶ່ງ​ຊ່ວຍ​ຫຼຸດ​ຮິ້ວ​ຮອຍ​ກ່ອນໄ​ວ​ໄດ້​ດີ​.