ມີແວວເຊັນ..ອິສໂກຢັນແຮັບປີກັບຊຸດຂາວ

 

ອິສໂກ ມິດຟິວຂອງ ເຣອັນ ມາດຣິດ ພ້ອມຂະຫຍາຍສັນຍາກັບທີມພ້ອມກັບຢືນຢັນວ່າ “ລາຊາຊຸດຂາວ” ໄດ້ໄຊຊະນະທີ່ຄູ່ຄວນໃນເກມທຸບ ເດປໍຕິໂບ ອະລາເບສ 3-0 ເມື່ອວັນອາທິດທີ່ຜ່ານມາ.

 

ອິສໂກ ກອງກາງຕົວບຸກຂອງ ເຣອັນ ມາດຣິດ ສະໂມສອນຍັກໃຫຍ່ຂອງ ລາ ລີກາ ສະເປນ ເປີດປາກເອີ່ຍວ່າຕົວເຂົາຍິນດີທີ່ຈະເຊັນສັນຍາສະບັບໃໝ່ກັບຕົ້ນສັງກັດເນື່ອງຈາກວ່າກຳລັງມີຄວາມສຸດກັບການຫຼິ້ນໃຫ້ກັບ “ລາຊາຊຸດຂາວ”.

 

ດາວເຕະທີມຊາດສະເປນອາຍຸ 24 ປີຕົກເປັນຂ່າວກ່ຽວພັນກັບການຍ້າຍທີມຕະຫຼອດຊ່ວງຫຼາຍເດືອນທີ່ຜ່ານມາຫຼັງຈາກທີ່ບໍ່ໄດ້ມີຕຳແໜ່ງຕົວຈິງໃນທີມລະດູການນີ້ ຢ່າງໃດກໍຕາມໄລຍະຫຼັງໆ ອິສໂກ ເຮັດຜົນງານໄດ້ດີ ແລະ ຫຼ້າສຸດໄດ້ລົງເປັນຕົວຈິງເກມລີກນັດທີ່ “ລາຊາຊຸດຂາວ” ເປີດບ້ານເອົາຊະນະ ເດປໍຕິໂບ ອະລາເບສ 3-0 ເມື່ອວັນອາທິດທີ່ຜ່ານມາ ເຊິ່ງເຂົາເປັນຄົນຍິງປະຕູທີສອງໃຫ້ກັບທີມອີກດ້ວຍ.

 

“ຂ້ອຍຮູ້ສຶກດີ ຂ້ອຍພະຍາຍາມເຮັດໃຫ້ມັນດີທີ່ສຸດຢູ່ຕະຫຼອດ ຂ້ອຍພະຍາຍາມເຮັດຕາມທີ່ຜູ້ຈັດການທີມສັ່ງໃຫ້ດີທີ່ສຸດ ຕອນນີ້ຂ້ອຍແຮັບປີ ເຮົາມີເດືອນທີ່ຍາກລຳບາກ ແຕ່ທີມເຮົາກຳລັງເຮັດໄດ້ດີທັງເລື່ອງຄວາມຟິດ ແລະ ສະພາບຈິດໃຈ ເກມນີ້ຖືເປັນເກມທີ່ອັນຕະລາຍສຳລັບເຮົາ ຄວາມຜິດພາດສາມາດສັ່ງສອນເຮົາໄດ້ເລີຍ ແຕ່ເຮົາກໍມາຍິງປະຕູທີສອງ ແລະ ສາມໄດ້ເຊິ່ງຖືເປັນໄຊຊະນະທີ່ຄູ່ຄວນສຳລັບເຮົາ” ອະດີດແຄ່ງ ມາລາກາ ກ່າວ.

 

ບົດຄວາມໃຫມ່ໆ