ມີຫຼັກຖານ! ນັກຂ່າວຄ້າຍສະກາຍຢັນມູເຊັນສັນຍາຜີແລ້ວ

 

ແອນດີ ເບີຕັນ ນົກຄາບຂ່າວຄົນເກັ່ງຂອງສຳນັກຂ່າວ ສະກາຍ ສະປອດນິວ ເຜີຍວ່າ ໂຊເຊ ມູຣິນໂຢ ໄດ້ຕົກລົງເຊັນສັນຍາມາຄຸມ ແມນຢູ ຮຽບຮ້ອຍແລ້ວ ແລະ ຖືເປັນມື້ດີຫຼາຍໆເພາະວັນທີ 26 ພຶດສະພາເປັນມື້ຄົບຮອບ 12 ປີທີ່ນຳ ປໍໂຕ ໄດ້ຂັນແຊມປຽນລີກອີກດ້ວຍ.

 

ແອນດີ ເບີຕັນ ຜູ້ສື່ຂ່າວປະຈຳ ສະກາຍ ສະປອດນິວ ສື່ຊັ້ນນຳຂອງເມືອງຜູ້ດີເປີດເຜີຍເຫດການອັບເດດກັບເລື່ອງທີ່ ໂຊເຊ ມູຣິນໂຢ ກຸນຊືປັອກຕຸຍການລົງປາກກາເຊັນສັນຍາຄຸມບັງຫຽນ ແມນເຊສເຕີ ຢູໄນເຕັດ ທີມດັງຂອງລີກຜູ້ດີເມື່ອວັນພະຫັດທີ່ຜ່ານມາ.

 

ໄລຍະທີ່ຜ່ານມາກະແສຂ່າວການດຶງ ມູຣິນໂຢ ເຂົ້າມາກູ້ວິກິດໃນຖິ່ນ ໂອນ ທຣາຟເຟິດ ອອກມາເປັນຮອບ ແຕ່ກໍຍັງບໍ່ມີການຢືນຢັນເລື່ອງດັ່ງກ່າວ ເນື່ອງຈາກການເຈລະຈາຕ່າງໆຍັງບໍ່ລົງໂຕ ຢ່າງໃດກໍຕາມຕອນນີ້ມີຄວາມເປັນໄປໄດ້ວ່າທັງສອງຝ່າຍໄດ້ບັນລຸຂໍ້ຕົກລົງຮ່ວມກັນແລ້ວ.

 

ສຳລັບເລື່ອງນີ້ ເບີຕັນ ທີ່ພະຍາຍາມລາຍງານຂ່າວຢູ່ນອກບ້ານຂອງ “ເຮຍມູ” ກ່າວວ່າ “ເຂົາເດີນທາງໄປທີ່ໂຮງແຮມກາງເມືອງລອນດອນ ເຊິ່ງບ່ອນນັ້ນເຂົາໄດ້ພົບກັບ ເອັດ ວູດເວິດ ຮອງປະທານບໍລິຫານຂອງ ແມນຢູ ແລະ ໄດ້ເຊັນສັນຍາຄຸມ ຢູໄນເຕັດ ຮຽບຮ້ອຍແລ້ວ”.

 

“ເຂົາເດີນທາງກັບມາບ້ານພ້ອມກັບເອກະສານທີ່ຢູ່ໃນມື ແລະ ແກ້ວເຫຼົ້າວາຍ 1 ແກ້ວ ມັນເປັນຫຍັງທີ່ພິເສດຫຼາຍ ແລະ ເປັນມື້ທີ່ເຕັມໄປດ້ວຍຄວາມຮູ້ສຶກດີໆສຳລັບເຂົາ ເພາະມັນເປັນມື້ຄົບຮອບ 12 ປີທີ່ເຂົານຳ ປໍໂຕ ໄດ້ແຊມ ແຊມປຽນລີກ (ວັນທີ 26 ພຶດສະພາ)” ເບີຕັນ ລະບຸ.

 

ທັງນີ້ “ເດິ ສະເປຊຽວ ວັນ” ເຊິ່ງເຄີຍຄຸມບັງຫຽນ ເອຟຊີ ປໍໂຕ, ອິນເຕີ ມິລານ ແລະ ເຣອັນ ມາດຣິດ ຫາກໍຖືກ ເຊວຊີ ໄລ່ອອກຈາກຕຳແໜ່ງເມື່ອເດືອນທັນວາ ເຂົ້າມາສືບຕໍ່ຕຳແໜ່ງຂອງ ຫຼຸຍ ຟານກາວ ນາຍໃຫຍ່ຂອງຜີແດງທີ່ຖືກປົດອອກໄປເມື່ອວັນຈັນທີ່ຜ່ານມາ.