ມີຜີນຳ!!ເບວເຜີຍ 4 ທີມທີ່ຢາກໄປຢູ່

 

ແກເຣັດ ເບວ ປີກຕົວເທບຂອງ ເຣອັນ ມາດຣິດ ວາງແຜນອະນາຄົດຂອງຕົນເອງລ່ວງໜ້າ ຖ້າວ່າຕັດສິນໃຈລາ “ລາຊາຊຸດຂາວ” ຊຳເມີນີ້ ແຈ້ງຊື່ 4 ທີມທີ່ຢາກໄປຢູ່ນຳໃຫ້ເອເຢນຮູ້ມີ “ເສືອໃຕ້” ແລະ ເປເອັດເຊ ລວມທັງ “ຜີສາດແດງ” ແລະ “ສິງບລູ”.

 

ດອນ ບາລອນ ສື່ດັງຂອງສະເປນລາຍງານເມື່ອວັນຈັນທີ່ຜ່ານມາວ່າ ແກເຣັດ ເບວ ປີກຈະຫຼວດຂອງ ເຣອັນ ມາດຣິດ ຍັກໃຫຍ່ຂອງ ລາ ລີກາ ແຈ້ງກັບເອເຢນສ່ວນຕົວວ່າມີ 4 ສະໂມສອນທີ່ຕ້ອງການໄປຢູ່ນຳຖ້າວ່າຕ້ອງເກັບເຄື່ອງຍ້າຍອອກຈາກ ຊານຕີເອໂກ ເບີນາເບວ ຊ່ວງຊຳເມີນີ້.

 

ສະຕາທີມຊາດເວວຕົກເປັນຂ່າວອາດຈະຖືກຂາຍອອກຫຼັງຈົບລະດູການນີ້ ເນື່ອງຈາກ “ລາຊາຊຸດຂາວ” ຂ້ອນຂ້າງຜິດຫວັງທີ່ເຂົາມີບັນຫາບາດເຈັບຊຳ້ຊາກຕໍ່ເນື່ອງ ຂະນະທີ່ລາຍງານລະບຸວ່າ ເບວ ວາງແຜນອະນາຄົດຂອງຕົນເອງເອົາໄວ້ແລ້ວເຊັ່ນກັນ ແລະ ໄດ້ບອກຊື່ 4 ສະໂມສອນປາຍທາງທີ່ຢາກຍ້າຍໄປໂຊຟອມເທບກັບເອເຢນແລ້ວ.

 

ເຊື່ອກັນວ່າ 1 ໃນ 4 ສະໂມສອນດັ່ງກ່າວໄດ້ແກ່ ແມນເຊສເຕີ ຢູໄນເຕັດ ທີ່ມີຂ່າວພົວພັນມາດົນໂດຍມີ ເຊວຊີ, ປາຣີ ແຊງ-ແຊັກແມງ ທີມມະຫາເສດຖີຈາກລີກຝຣັ່ງ ແລະ ບາເຢີນ ມິວນິກ ແຊມລີກຂອງເຢຍລະມັນ ຢູ່ໃນຂ່າຍນຳເຊັ່ນກັນ.

 

ເບວ ປະສົບບັນຫາບາດເຈັບຫຼາຍຄັ້ງໃນລະດູການນີ້ ໂດຍຊ່ວງຕົ້ນຊີຊັນບາດເຈັບຂໍ່ຂາຈົນຕ້ອງພັກຍາວ 4 ເດືອນຂະນະທີ່ຫຼ້າສຸດໄດ້ຮັບບາດເຈັບບໍລິເວນນ່ອງ ແລະ ອາດຈະຕ້ອງພາດລົງສະໜາມທີ່ເຫຼືອໃນລະດູການນີ້.