ມິໄຮໂລວິດກ່າວຈິງຈອກຄວນຫຼິ້ນແບບບໍ່ຕ້ອງມີຄົນຄຸມທັບ

 

ຊີນິຊາ ມິໄຮໂລວິດ ນາຍໃຫຍ່ຂອງ ໂຕຣິໂນ ລະບຸ ເລສເຕີ ຄວນທີ່ຈະຕ້ອງຫຼິ້ນໂດຍທີ່ບໍ່ຕ້ອງມີກຸນຊືທີມອີກເລີຍຫຼັງຈາກທີ່ມີຂ່າວລືວ່ານັກເຕະບາງຄົນມີສ່ວນເຮັດໃຫ້ ຄລາວດິໂອ ຣານິເອຣີ ຖືກເດັ້ງ.

 

ຊີນິຊາ ມິໄຮໂລວິດ ຜູ້ຈັດການທີມຂອງ ໂຕຣິໂນ ສະໂມສອນດັງຂອງ ກັນໂຊ ຊີຣີ ອາ ອີຕາລີ ກ່າວວ່າ ເລສເຕີ ຊີຕີ ທີມດັງໃນ ພຣີເມຍລີກ ຄວນທີ່ຈະຫຼິ້ນໂດຍທີ່ບໍ່ມີຜູ້ຈັດການທີມຫຼັງຈາກທີ່ມີຂ່າວລືວ່ານັກເຕະບາງຄົນມີສ່ວນເຮັດໃຫ້ ຄລາວດິໂອ ຣານິເອຣີ ຖືກປົດອອກຈາກການເປັນກຸນຊືຂອງ “ຈິງຈອກເງິນ”.

 

ລະດູການທີ່ຜ່ານມາ ເລສເຕີ ໄດ້ແຊມລີກໄປຄອງແບບບໍ່ມີໃຜຄາດຄິດພາຍໃຕ້ການເຮັດທີມຂອງ ຣານິເອຣີ ແຕ່ລະດູການນີ້ທີມດັງຂອງ ຄິງ ພາວເວີ ສະເຕດຽມ ຫຼິ້ນໄດ້ຕົກຕຳ່ລົງຢ່າງໜ້າຕົກໃຈຈົນຕ້ອງມາລຸ້ນໜີຕົກຊັ້ນ ເຊິ່ງມັນກໍເຮັດໃຫ້ນານຍໃຫຍ່ອີຕາລຽນຖືກໄລ່ອອກໃນທີ່ສຸດ.

 

“ສື່ຂອງອັງກິດເຜີຍວ່າມີນັກເຕະບາງຄົນຊ່ວຍເຮັດໃຫ້ ຣານິເອຣີ ຖືກປົດອອກຈາກຕຳແໜ່ງ ມັນເຫຼືອເຊື່ອຫຼາຍ ພວກເຂົາຄວນທີ່ຈະຫຼິ້ນໂດຍທີ່ບໍ່ຕ້ອງມີຄົນຄຸມ ແລ້ວມາເບິ່ງກັນວ່າພວກເຂົາຈະມັກມັນບໍ່” ມິໄຮໂລວິດ ລະບຸ.

 

ບົດຄວາມໃຫມ່ໆ