ມິລານຫວັງດຶງໂມຣາຕ້າເສີມທັບ

 

ສື່ດັງຂອງແດນກະທິງລະບຸ “ຜີສາດແດງ-ດຳ” ເອຊີ ມິລານ ຫວັງດຶງ ອັນບາໂຣ້ ໂມຣຕ້າ ຫົວຫອກຂອງ ເຣອັນ ມາດຣິດ ມາຮ່ວມທີມຊ່ວງຊຳເມີນີ້ ເຜີຍພ້ອມທຸ່ມງົບ 52 ລ້ານປອນ.

 

ອັນບາໂຣ້ ໂມຣາຕ້າ ກອງໜ້າທີມຊາດສະເປນຂອງ ເຣອັນ ມາດຣິດ ສະໂມສອນຍັກໃຫຍ່ຂອງ ລາ ລີກາ ສະເປນ ໄດ້ຕົກເປັນເປົ້າໝາຍການເສີມທັບຊ່ວງຊຳເມີນີ້ຂອງ ເອຊີ ມິລານ ສະໂມສອນດັງຂອງ ກັນໂຊ ຊີີຣີ ອາ ອີຕາລີ ຕາມການລາຍງານຈາກ  ມາກ້າ ສື່ກິລາດັງຂອງປະເທດສະເປນເມື່ອວັນພຸດທີ່ຜ່ານມາ.

 

ຫົວຫອກທີມຊາດສະເປນອາຍຸ 24 ປີກຳລັງເປັນທີ່ຕ້ອງການຢ່າງສູງໃນຕະຫຼາດຊື້ຂາຍນັກເຕະ ເຊິ່ງທີ່ຜ່ານມາກໍມີຂ່າວວ່າ ເຊວຊີ ຍັກໃຫຍ່ໃນລີກຜູ້ດີລະດູການຫຼ້າສຸດຢາກໄດ້ຕົວໄປຮ່ວມທັບ.

 

ຢ່າງໃດກໍຕາມຫຼ້າສຸດ ມາກ້າ ລະບຸວ່າ ມິລານ ເປັນອີກສະໂມສອນໜຶ່ງທີ່ກຳລັງຈັບຕາເບິ່ງສະຖານະການຂອງ ໂມຣາຕ້າ ຢ່າງໃກ້ຊິດ ແລະ ພ້ອມທີ່ຈະທຸ່ມຊື້ດ້ວຍວົງເງິນ 52 ລ້ານປອນ ໂດຍທີ່ເວລານີ້ “ຜີສາດແດງ-ດຳ” ມີກໍາລັງຊື້ຫຼາຍຂຶ້ນຫຼັງຈາກທີ່ຖືກກຸ່ມທຶນຈາກຈີນມາເທັກໂອເວີເມື່ອໄວໆນີ້.

 

ສຳລັບລະດູການນີ້ ໂມຣາຕ້າ ໄດ້ເລີ່ມເປັນຕົວຈິງໃນລີກພຽງ 14 ນັດເທົ່ານັ້ນແຕ່ເຂົາຍັງຍິງໄດ້ເຖິງ 20 ປະຕູ ຈາກການລົງຫຼິ້ນໃຫ້ “ລາຊາຊຸດຂາວ” ລວມທຸກລາຍການ 42 ນັດ.