ມິລານຍັງສົນດຶງຊານເຊດຮ່ວມທັບ

 

ສື່ອີຕາລີເຜີຍ ເອຊີ ມິລານ ຍັງບໍ່ຍອມແພ້ກັບການລ່າຕົວ ເຣນາໂຕ້ ຊານເຊດ ມິດຟິວດາວລຸ້ງ ບາເຢິນ ມິວນິກ ມາຮ່ວມທັບແຕ່ຄາດວ່າ “ເສືອໃຕ້” ບໍ່ສົນຈະຫຼິ້ນນຳ.

ເອຊີ ມິລານ ສະໂມສອນຍັກໃຫຍ່ຂອງເວທີ ກັນໂຊ ຊີເຣຍ ອາ ອີຕາລີຍັງຄົງມີຄວາມສົນໃຈທີ່ຈະດຶງ ເຣນາໂຕ້ ຊານເຊດ ກອງກາງດາວລຸ້ງຂອງ ບາເຢິນ ມິວນິກ ຍອດສະໂມສອນຂອງ ບຸນເດສລີກາ ເຢຍລະມັນມາເສີມທັບຊ່ວງຊຳເມີນີ້ ຕາມລາຍງານຈາກ ພຣີມ້ຽມ ສະປອດ ສື່ອີຕາລີເມື່ອວັນພຸດທີ່ຜ່ານມາ.

ມິລານ ມີຂ່າວກຽວກັບໂຍງກັບ ຊານເຊດ ມາຕະຫຼອດຊ່ວງຊຳເມີແຕ່ ຄາໂລ ອັນເຊລັອດຕິ ນາຍໃຫຍ່ຂອງ “ເສືອໃຕ້” ໄດ້ປະກາດຊັດເຈນວ່າຕ້ອງການເກັບດາວເຕະທີມຊາດປັອກຕຸຍການອາຍຸ 19 ປີໄວ້ໃຊ້ງານຕໍ່ ເຖິງແບບນັ້ນຫຼ້າສຸດ ພຣີມ້ຽມ ສະປອດ ລະບຸວ່າ “ຜີສາດແດງ-ດຳ” ຍັງຄົງຢາກໄດ້ຕົວອະດີດດາວເຕະ ເບັນຟີກ້າ ມາຮ່ວມທັບເຖິງວ່າການເຈລະຈາກັບ ບາເຢິນ ເປັນເລື່ອງທີ່ເກີດຂຶ້ນໄດ້ຍາກກໍຕາມ.

ທັງນີ້ ມິລານ ຕ້ອງການຢືມ ຊານເຊດ ມາໃຊ້ງານພ້ອມກັບຕົວເລືອກຊື້ຂາດຂະນະທີ່ ບາເຢິນ ຢືນຢັນທີ່ຈະຂາຍຂາດທີ່ລາຄາຢ່າງຕຳ່ 35 ລ້ານເອີໂຣເທົ່ານັ້ນ.

 

ບົດຄວາມໃຫມ່ໆ