ມິລານກຽມທຸ່ມເງິນດຶງໂກດີນເສີມທັບ

 

ສື່ແດນກະໂລນີອ້າງ ເອຊີ ມິລານ ກຽມທຸ່ມເງິນເພື່ອດຶງໂຕ ດີເອໂກ້ ໂກດີນ ກອງຫຼັງຂອງ ແອັດເລຕິໂກ້ ມາດຣິດ ມາຊ່ວຍແບ່ງເບົາພາລະ ອະເລສຊິໂອ ໂຣມັນໂຢລີ້ ແນວຮັບຂອງທີມເຊິ່ງຄາດວ່າ ແອັດມາດຣິດ ພ້ອມຂາຍນັກເຕະໃນລາຄາ 30 ລ້ານເອີໂຣຊ່ວງຊຳເມີປີໜ້າ.

 

“ກັນໂຊ ແມຄາໂຕ້” ສື່ຊື່ດັງຂອງອີຕາລີລາຍງານຂ່າວວ່າ ເອຊີ ມິລານ ສະໂມສອນຍັກໃຫຍ່ຂອງ ກັນໂຊ ຊີຣີ ອາ ພ້ອມຍື່ນຂໍ້ສະເໜີຫວັງດຶງ ດີເອໂກ້ ໂກດີນ ກອງຫຼັງຈອມແກ່ນຂອງ ແອັດເລຕິໂກ້ ມາດຣິດ ທີມດັງໃນ ລາ ລີກາ ສະເປນມາເສີມທັບໃນແນວຮັບ.

 

ກ່ອນໜ້ານີ້ ຊິວວິໂອ ແບລຸສໂຄນີ້ ເຈົ້າຂອງທີມ “ຣອສໂຊເນຣີ້” ໄດ້ຕົກລົງຂາຍສະໂມສອນໃຫ້ ຊິໂນ-ຢູໂຣບ ສະປອດ ອິນເວສເມນ ແມເນດເມນ ສາງຊິ້ງ ກຸ່ມທຶນຈາກປະເທດຈີນ ແລະ ຄາດວ່າທຸກຢ່າງຈະເສັດສິ້ນພາຍໃນເດືອນພະຈິກນີ້ຂະນະດຽວກັນ ມິລານ ໄດ້ຕັ້ງໝາຍດຶງແນວຮັບທີ່ມີປະສົບການເປັນອັນດັບຕົ້ນໆເພື່ອໃຫ້ມາຊ່ວຍ ອະເລສຊິໂອ ໂຣມັນໂຢລີ້ ກອງຫຼັງອີຕາລີ.

 

ຫຼ້າສຸດ “ກັນໂຊ ແມຄາໂຕ້” ອ້າງວ່າ ມິລານ ພ້ອມເດີນໜ້າດຶງ ເປ່ເປ້ ກອງຫຼັງຂອງ ເຣອັນ ມາດຣິດ ທີ່ຈະກາຍເປັນນັກເຕະ ຟຣີ-ເອເຢນ ໃນຊ່ວງຊຳເມີປີໜ້າອີກທັງຍັງເລັງໄປໃນລາຍຂອງ ໂກດີນ ດ້ວຍເຊັ່ນກັນ.