ມາ​ຮູ້ຈັກກັບ ​ໄຂ້​ຊິ​ກາ ທີ່​ມີຍຸງ​ລາຍ​ເປັນ​ພາຫະ

 

​ໄຂ້​ຊິ​ກາ ຫຼື Zika Virus ກຳລັງ​ເປັນຊື່​ທີ່ຢູ່​ໃນ​ກະ​ແສ​ຂ່າວ​ເວລາ​ນີ້ ຊຶ່ງ​ມີ​ການ​ປະກາດ​ເຕືອນ​ຈາກ​ໃນ​ຕ່າງປະ​ເທດ​ວ່າ ​ໄຂ້​ຊະນິດ​ນີ້ ມີຍຸງ

ເປັນ​ພາຫະ ສຳລັບ​ໄຂ້​ຊິ​ກາ​ນີ້​ເປັນ​ການ​ຕິດ​ເຊື້ອ​ຈາກ​ໄວຣັສທີ່​ມີ​ຊື່ວ່າ “ຊິ​ກາ” ​ໄວຣັສທີ່​ມີ​ສາຍ​ພັນ​ຊະນິດ​ອາ​ເອັນ​ເອສາຍ​ດຽວ ຢູ່​ໃນ​ຕະກູນ​ເຟລວິ​ໄວ​ຣັສ ມີ​ລັກສະນະ​ຄ້າຍຄື​ຄັງ​ໄວຣັສ​ໄຂ້​ເຫຼືອງ, ​ໄວ​ຣັສ​​ເດ​ງກີ, ​ໄວ​ຣັສ​ເວສ​ໄນ ​ແລະ ​ໄວຣັສ​ໄຂ້​ສະໝອງ​ອັກ​ເສບ​​ເຈ​ອີ ​ໂດຍ​ມີ​ຍຸງ​ເປັນ​ພາຫະ​ມາ​ສູ່​ຄົນ.

ລັກສະນະ​ໂລກ​ສົ່ງຜົນ​​ໂດຍ​ກົງ​ຕໍ່​ລະບົບ​ສະໝອງ ​ໂດຍສະ​ເພາະ​ເດັກນ້ອຍ​ໃນ​ທ້ອງ​​ ​ເຕີບ​ໂຕ​ຊ້າ ​ນ້ອຍ​ເຕ້ຍ​ຜິດ​ປົກກະຕິ ບໍ່​ແມ່ນ​ໂລກ​ໃໝ່​ແຕ່​ບໍ່​ຄຸ້ນ​ຫູ​ເພາະ​ກວດ​ພົບ​ໜ້ອຍ ​ເຄີຍ​ກວດ​ພົບ​ລະບາດ​ໃນ​ປະ​ເທດ​ບຣາຊິ​ນ ​ເມື່ອ​ປີ 2014.

   ທັງນີ້ ຂໍ້​ມູນ​ຈາກ​ອາ​ໂບ​​ໄວຣັສ ສະ​ຖາ​ບັນ​ວິ​ໄຈ​ວິທະຍາ​ສາດ​ສາທາລະນະ​ສຸກ ກົມ​ວິທະຍາ​ສາດ​ການ​ແພດ​ລະບຸ​ວ່າ ​ໄວຣັສຊິ​ກາ​ຖືກ​ແຍກ​ເຊື້ອ​ຄັ້ງ​ທຳ​ອິດ​ໃນ​ປີ 1947 ຈາກ​ນໍ້າ​ເຫຼືອງ​ຂອງ​ລີງ rhesus ທີ່​ໃຊ້​ການ​​ສຶກສາ​ໄຂ້​ເຫຼືອງ​ໃນ​ປ່າ​ຊື່ ຊິ​ກາ ປະ​ເທ​ດອູ​ກັນດາ ​ແລະ ​ແຍກ​ເຊື້ອ​ໄດ້​ຈາກ​ຄົນ​ໃນ​ປີ 1968 ​ໃນ​ປະ​ເທດ​ໄນ​ຈີ​ເຣຍ.

   ມີ​ໄລຍະ​ຟັກ​ຕົວ 4-7 ວັນ ຈາກ​ນັ້ນ​ຈະ​ມີ​ອາ​ການ​ໄຂ້ ປວດ​ຫົວ​ຮຸ່ນ​ແຮງ ມີ​ຜື່ນທີ່​ບໍລິ​ເວນ​ລຳ​ຕົວ ​ແຂນ​ຂາ, ວິນ, ​ເຍື່ອບຸ​ຕາ​ອັກ​ເສບ​, ຕາ​ແດງ, ປວດ​ຂໍ້ ອາດ​ຈະ​ມີ​ອາການ​ຕ່ອມ​ນໍ້າ​ເຫຼືອງ​ໃຫຍ່ ​ແລະ​ຖອດ​ທ້ອງ.

   ຕັ້ງ​ແຕ່​ປີ 1951-1992 ມີ​ຂໍ້​ບົ່ງ​ບອກ​ທາງ​ນໍ້າ​ເຫຼືອງ​ວິທະຍາ​ວ່າ ມີ​ການ​ຕິດ​ເຊື້ອ​ໄວ​ຣັສຊິ​ກາ​ໃນ​ປະ​ເທດ​ກຸ່ມ​ອາ​ຟຣິກາ​ໄດ້​ແກ່ ອູ​ກັນດາ, ​ແທນ​ຊາ​ເນຍ, ​ເອຢິບ, ອາ​ຟຣິກາ​ກາງ, ສາ​ທະ​ລະນະ​ລັດ​ເຊຍ​ຣາຊິ​ໂອນ ​ແລະ ກາບ​ອນ, ​ໃນ​ສ່ວນຂອງ​ອາຊີ​ມີ​ລາ​ຍງານ​ພົບ​ໃນ​ປະ​ເທດ​ອິນ​​​ເດຍ​, ​ມາ​ເລ​ເຊຍ, ຟິລິປິ​ນ, ​ໄທ, ຫວຽດນາມ ​ແລະ ອິນ​​ໂດ​ເນ​ເຊ​ຍ ຫຼ້າ​ສຸດ​ໃນ​ປີ 2007 ​ໄດ້​ລາຍ​ງານ​ການ​ລະບາດ​ຂອງ​ໄຂ້​ຊິ​ກາ​ໃນ​ໝູ່​​ເກາະ​ແຢບ.

ສຳລັບ​ການກວດ​ວິນິດ​ໄສ​ທາງ​ຫ້ອງ​ປະຕິບັດ​ການ​ເພື່ອ​ຢືນຢັນ​ການ​ຕິດ​ເຊື້ອ ​ເຮັດ​ໄດ້ 2 ວິທີ​ດັ່ງ​ນີ້: 1. ການກວດ​ຫາ​ສາຍພັນ ດ້ວຍ​ວິທີ​ພີ​ຊີ​ອາ ​ເກັບ​ຕົວຢ່າງ​ນໍ້າ​ເຫຼືອງ​ໄວ​ທີ່​ສຸດ ຫຼັງ​ຈາກ​ທີ່​ເລີ່​ມມີ​ອາການ​ບໍ່​ສະບາຍ ຊຶ່ງ​ບໍ່​ຄວນ​ເກີນ 9 ວັນ​ຫຼັງ​ມີ​ອາການ ​ແລະ 2. ການກວດ​ຫາ​ແອນ​ຕີ​ບໍດີ ຊະນິດ​ເອັມທີ່​ຈຳ​ເພາະ​ຕໍ່​ໄວ​ຣັສຊິ​ກາ.