ມາ​ລະຍາດ​ໃນ​ການ​ກິນ​ອາຫານ​ຮ່ວມກັນ

ການປະຕິບັດ​ໂຕ​ໃນໂຕະອາຫານຖືເປັນກົດເຫຼັກທີ່ເຄັ່ງຄັດ ​ເຈົ້າຈະງາມ ແລະ ດູດີບໍ່ໄດ້ ຖ້າມາລະຍາດລະຫວ່າງກິນອາຫານບໍ່​ດີ ​ເປິ​ເປື້ອນ ຫຼື ພຶດຕິ​ກຳ​ທີ່ບໍ່ອາດຄາດເດົາ ​ອັນໃດກິນງ່າຍກໍກິນຢ່າງຄ່ອ​ງ​ແຄ້ວ ແຕ່ຖ້າເປັນອັນແປກໆ​ເດ? ບໍ່ຄຸ້ນເຄີຍກໍຕ້ອງຖືວ່າເປັນຄວາມທ້າທາຍທີ່ຕ້ອງພິສູດຕົນເອງກັນແດ່.

ມື້​ນີ້ ຄິດ​ອອກ ມີເຄັດ(ບໍ່)ລັບ ແສນງ່າຍທີ່ຈະເຮັດໃຫ້ທ່ານດູດີບໍ່ວ່າ ທ່ານຈະກິນຫຍັງ? ຫຼື ດື່ມຫຍັງ?​ໃນ​ເວລາ​ກິນ​ເຂົ້າ​ກັບ​ຄົນ​ອື່ນ​ ​ເຊິ່ງມີ​ຫຍັງ​ແດ່​ນັ້ນ​ເຮົາ​ມາ​ເບິ່ງ​ນຳ​ກັນ​ເລີຍ!!!

1.ປາ ກົດຄືບໍ່ປີ້ນປາ ກິນໝົດດ້ານໜຶ່ງແລ້ວບໍ່ຄວນປີ້ນປາ ໂດຍໃຫ້ເລີ່ມຕົ້ນການຮັບປະທານຈາກດ້ານເທິງຂອງສ່ວນຫົວ (ປາ) ກ່ອນ ແລະ ເມື່ອໄລ່ຮັບປະທານຈົນໝົດດ້ານຂອງ​ໂຕປາ ທີ່ຫງາຍຢູ່ແລ້ວແລ້ວຄ່ອຍເອົາກ້າງປາອອກຈາກນັ້ນກໍຮັບປະທານອີກດ້ານຂອງຕົວປາໂດຍເລີ່ມຈາກສ່ວນເທິງຂອງຫົວປາເຊັ່ນກັນ.

2.ອາຫານສຽບໄມ້ ອາຫານສຽບໄມ້ ອາຫານທີ່ນໍາໄປປິ້ງ,ຈືນ,ແບບບາບີຄິວ ຫຼື ໄມ້ສຽບແບບລູກຊິ້ນປິ້ງບ້ານເຮົາຢ່າໄດ້​ເຜີ​ເອົາໄມ້ຂຶ້ນມາແລ້ວໃຊ້ປາກກັດຈາກໄມ້ໂດຍກົງວິທີທີ່ຖືກຄື ໃຫ້ໃຊ້​ໄມ້​ຖູ່ (ຫຼື ບ່ວງສ້ອມ) ດຶງອາຫານອອກຈາກໄມ້ເສຍກ່ອນກິນ​ເທື່ອ​ລະ​ອັນ ຫຼື ຖ້າອັນໃຫຍ່ກໍຕັດໃຫ້ພໍດີຄໍາ. (ສຳລັບ​ກິນ​ອາຫານ​ເທິງ​ໂຕະ​ກັບ​ຜູ້​ໃຫຍ່)

3.ນໍ້າແກງ ກໍລະນີເປັນນ້ຳ​ແກງທີ່ແຍກຮັບປະທານລະຫວ່າງນໍ້າ​ແກງ ກັບ ຕ່ອນ ໃຫ້ຊົດນໍ້າ​ແກງ ແລ້ວໃຊ້​ໄມ້ຖູຄີບຊີ້ນກິນນຳ​ຫຼັງ, ຫ້າມ​ເອົາ​ຕ່ອນຊີ້ນບາງໆ ໃສ່ລົງໃນຖ້ວຍ​ແກງແລ້ວກິນພ້ອມກັນກັບນໍ້າ​ແກງ.

4.ກຸ້ງ​ລ໋ອບສະເຕີໃຊ້ສ້ອມປັກຈິ້ມເນື້ອກຸ້ງໄວ້ໃຫ້ໝັ້ນຄົງແລ້ວຈຶ່ງສອດມີດລົງລະຫວ່າງຊີ້ນ ແລະເປືອກ ດຶງຊີ້ນ​ອອກໂດຍປາດຈາກຊ້າຍຂອງກຸ້ງ, ປາດໃຫ້ພໍດີຄໍາ ຢ່າປາດຂະໜາດຂອງຕ່ອນທີ່ໃຫຍ່ຫຼາຍເກີນໄປ.

5.ຫອຍນາງລົມ ມີເປືອກໃຊ້ມີດຕັດເອັນ ນໍາເນື້ອຫອຍອອກມາຈະຮັບປະທານນໍ້າທີ່ເຫຼືອໃນເປືອກຊິ​ກິນນຳກໍໄດ້.