ມາເລເຊຍເປີດໂຕລູກແພນດ້າອາຍຸ 5 ເດືອນ

ລູກໝີແພນດ້າເກີດໃນສວນສັດມາເລເຊຍອາຍຸ 5 ເດືອນເປີດໂຕຄັ້ງທຳອິດໃຫ້ປະຊາຊົນໄດ້ເບີ່ງ.

ສຳນັກຂ່າວຕ່າງປະເທດລາຍງານຈາກກຸງກົວລາລຳເປີ ປະເທດມາເລເຊຍ ໃນວັນທີ 26ພຶກສະພາ. ວ່າລູກໝີແພນດ້າເພດເມຍຊື່ງຍັງບໍ່ໄດ້ຕັ້ງຊື່ ອາຍຸ 5 ເດືອນ,ແຕ່ເປັນລູກໝີແພນດ້າໂຕທີ່ສອງຂອງ ຫຼຽງຫຼຽງ ກັບ ຊິງຊິງ ຢູ່ໃນໂຄງການຈັດຢືມແພນດ້າມາສະແດງຢູ່ສວນສັດມາເລເຊຍ. ເລີ່ມຕັ້ງແຕ່ ປີ2014 ສ່ວນລູກໝີແພນດ້າໂຕແລກນັ້ນແມ່ນເປັນເພດເມຍຄືກັນຊື່ ນວນ ນວນ ເກີດໃນເດືອນ ສິງຫາ ປີ2015.ຖືກສົ່ງກັບໄປທີ່ຈີນແລ້ວຕັ້ງແຕ່ເດືອນ ພຶດສະພາ ປີທີ່ຜ່ານມາຊື່ງແມ່ນເປັນໄປຕາມຂໍ້ຕົກລົງກັບທາງລັດຖະບານຈີນວ່າຈະຕ້ອງສົ່ງຄືນລູກໝີແພນດ້າເມື່ອມີອາຍຸ 2 ປີ.

ກອງທັບສື່ມວນຊົນໄດ້ມາເຮັດຂ່າວການປະກົດໂຕຄັ້ງທຳອິດຂອງລູກໝີແພນດ້າເພດເມຍຕໍ່ໜ້າປະຊາຊົນ ພາຍໃນກົງອາໄສຊື່ງຕິດແອປັບອາກາດຂອງສວນສັດແຫ່ງຊາດມາເລເຊຍ ແຕ່ເບີ່ງຜ່ານແກ້ວອ້ອມຮອບ ທາງສັດຕະແພດບອກວ່າ ລູກໝີແພນດ້າມີນ້ຳໜັກໂຕປະມານ 9 ກິໂລ.

ເຈົ້າໜ້າທີ່ສວນສັດແຫ່ງຊາດມາເລເຊຍ ບອກວ່າ ໝີແພນດ້າໂຕພໍ່ແລະໂຕແມ່ໄດ້ເຮັດສະຖິຕິໂລກສຳລັບການມີລູກໂຕທີ່ສອງໃນເວລາ 4 ປີຜ່ານການປະສົມພັນແບບທຳມະຊາດ ເຖີງວ່າທາງສວນສັດຈະຕ້ອງໃຊ້ງົບປະມານຈຳນວນຫຼາຍແສນໂດລາສະຫະລັດໃນການສ້າງບ່ອນອາໄສ ຊື່ງຈະຕ້ອງມີຕົ້ນໄຜ່ນຳ ຮຽນແບບການຢູ່ອາໄສແບບທຳມະຊາດ,ຫຼັງຈາກນີ້ຈີນຍອມໃຫ້ຢືມແພນດ້າສອງໂຕ ເພື່ອສະຫຼອງຄົບຮອບ 40 ປີຄວາມສຳພັນທາງການທູດລະຫວ່າງຈີນກັບມາເລເຊຍ.