ມາອີກແລ້ວຂ່າວລື!! ອິບຣາ ຢາກແຂວນເກີບກັບ ນາໂປລີ

ມີໂນ້ ໄຣໂອລາ ນາຍໜ້າຂອງ ຊະລາຕັນ ອິບຣາຮິໂມວິດ ຫົວຫອກຂອງ ປາຣີ ແຊັງ-ແຊັກແມັງ ເປີດເຜີຍວ່າ ຊະລາຕັນ ຝັນຢາກຢຸດຫຼິ້ນກັບ ນາໂປລີ ເພາະເປັນທີມໃຫຍ່ ມີປະຫວັດສາດແຕ່ ອໍເລຣິໂອ ເດ ລໍເລັນຕິດ ປະທານຂອງ “ອັດຊູຣາ” ເປັນຄົນເຮັດວຽກໄລຍະຍາວເຮັດໃຫ້ ອິບຣາ ບໍ່ໄດ້ຢູ່ໃນແຜນ.

ມີໂນ້ ໄຣໂອລາ ນາຍໜ້າຂອງ ຊະລາຕັນ ອິບຣາຮິໂມວິດ ກອງໜ້າທີມຊາດ ສະວີເດັນ ຂອງ ເປເອັດເຊ ຍັກໃຫຍ່ຈາກ ລີກແອັງ ເບິ່ງແລ້ວຄືສິວ່າງບໍ່ມີຫຍັງເຮັດ ເພາະອອກມາປ່ອຍກະແສຂ່າວລືກ່ຽວກັບ “ອິບຣາ” ຕໍ່ເນື່ອງ ລ່າສຸດບອກວ່ານັກເຕະຢາກຢຸດອາຊີບທີ່ ນາໂປລີ ເສຍຢ່າງດຽວຄື ອໍເລຣິໂອ ເດ ລໍເລັນຕິດ ປະທານສະໂມສອນຂອງ “ອັດຊູຣາ” ບໍ່ເບິ່ງວ່າ ຊະລາຕັນ ເປັນອະນາຄົດຂອງທີມ.

ຊະລາຕັນ ຈະໝົດສັນຍາກັບ ເປເອັດເຊ ຕອນຈົບລະດູການນີ້ ແລະ ໂອກາດທີ່ຈະມີການຕໍ່ສັນຍາໃໝ່ກໍເຄິ່ງໆ ແລະ ຊ່ວງທີ່ຜ່ານມາ ໄຣໂອລາ ກໍເວົ້ານ້ຳຖ້ວມທົ່ງໄປວ່ານັກເຕະ “ອາດຈະ” ຍ້າຍໄປທີມນັ້ນທີມນີ້ ທັງໄປອັງກິດ ຫຼື ກັບ ມິລານ ທີມເກົ່າ ເທື່ອນີ້ບອກວ່າເປັນ ນາໂປລີ ທີ່ມີນັກເຕະໃນສັງກັດຂອງເຂົາຄື ໂອມາ ເອວ ຄັດດູຣີ ຫຼິ້ນຢູ່ແຕ່ຕິດທີ່ມີ ເດ ລໍເລັນຕິດ ເປັນປະທານ.

“(ນາຍໃຫຍ່ ເມົາຣິຊິໂອ) ຊາຣີ ເຮັດໃຫ້ ເອວ ຄັດດູຣີ ມີຄວາມໝັ້ນໃຈ ເຂົາຢາກສູ້ກັບທີມໃຫຍ່ຄື ນາໂປລີ ເຮົາລົມກັນເລື່ອງການຂະຫຍາຍສັນຍາແລ້ວ ບໍ່ແມ່ນປີດຽວແຕ່ເປັນໄລຍະຍາວ ປະທານ (ເດ ລໍເລັນຕິດ) ເບິ່ງເຖິງການເຮັດວຽກໄລຍະຍາວສະເໝີ ນາໂປລີ ມີໜຶ່ງໃນນາຍໃຫຍ່ທີ່ດີທີ່ສຸດຂອງອີຕາລີຄຸມທີມ ແລະ ມີຜູ້ອຳນວຍການກິລາທີ່ເກັ່ງຫຼາຍ ທີ່ປະສົບຄວາມສຳເລັດມາແລ້ວທຸກລະດັບ.

“ແຟນບານຕ້ອງສະຫງົບໃຈເອົາໄວ້ ທຸກຄົນຈະໄດ້ເຮັດວຽກໄດ້ຢ່າງຕໍ່ເນື່ອງ ໃຜກໍຕາມທີ່ຈະຍ້າຍມາ ນາໂປລີ ຕ້ອງມີບຸກຄະລິກພິເສດ ອິບຣາຮິໂມວິດ ບອກວ່າເຂົາຢາກແຂວນອາຊີບກັບ ນາໂປລີ ແຕ່ເຂົາບໍ່ໄດ້ຢູ່ໃນແຜນການເຮັດວຽກຂອງ ເດ ລໍເລັນຕິດ”.

.......................................................................................................................................................